NDAWI ENGGA 32:6 - Nanduk Ngget Tul Pidnak Wene

⁶ Iri bem-e indi angin tubu yidnak nap enpem nde indi kabak tak poso mende mbosola-ge, tepan-et yurag-o. Iri yogola-ge, indi kabak tak onposo mende kwiye worak enpem mbuwa-t nde, iri-nen urugwe nggwe rak unpuwa bug-o.

NDAWI ENGGA 32:6 ပူးပေါင်းရင်းမြစ်များ

NDAWI ENGGA 40:3

At-nen-e ndawi ngget misik an-nen yurak ndawi mirik nobosolar-e, nit Nenmbal Pem Nagawan erembel wanurak ndawi irit mirik nibij-o. Ap kwarat-nen at yik karug-e, kwiye yuruk, Nagawan Indo ebem inndi wat tak puwa-o.

NDAWI ENGGA 91:7

Ap seribu-t nde keram-nen ondogolat, ap sepulu ribu-t keralu kigit nggwe ambigit-nen unduwa-t nde, iri nggal-e kat kebem-e mbuwa bug-o.

NGGOMO WENE 1:28

Kit kenpem iri nggal mbosola tarem-e kit-nen-e inndi nggat nggat elem an neram wene mbo bil lagub-et nde, an-e kit kenne ereb-e nggarimin pug-o. Kit-nen-e an nogwere-ge nin me nan me yugub-et nde, mondok neyagup pug-o.

YESAYA 43:2

Yi yi ndi yi ereba mbaril mborosola-ge, an-e kimin-et mbirimin-o. Kar-e anggun panggun ereba arem yubuksa mbugun pug-o. Kanduk arem kuwok pugun-et nde, kan-e nunggun pug-o. Angin worak nggok kebem mbuwa-t nde, konak nak woragun-o.

YESAYA 49:8

Nagawan Indo-nen at ilirak yak ondosolar-e: ”An-nen nindingen tak kinpimin tarem-e kenne erep nggarimin-o. An-nen kit kinmiri yimin tarem-nen-e yongga kindimin-o. An-nen-e nggetlel kunpuruk woralat, yik keneyarok woralat, ap enlem oboksa enmanggim urul pidnak wene nggal tak kinpimin-o. Kit kunuwi nggweyak mondok aptupo luk kugun yid iri na-ge an-nen tuguruk ondolma rak pumu, tuguruk kit kunuwi nggweyak kwat ma-o.

YESAYA 55:6

Nagawan Indo worasola ya-t at eram mberer-o. At koroga worala ereya-t wene mbo eber-o.

YOANES 7:34

Nde, kit-nen an woramin sa iri me wok momtag-e meya me, kir-e an nogore yugub-et nde, neyagit lak yugub-o” luk yij-o.

2 KORINTUS 1:4

Inndi yangonoso mende Mbal Pem Nagawan-nen nondomok tak wok nindidnak iri na bem-nen nit-nen na it anggun panggun nin tak nan tak enpem mbidnak nap na inndi yangunuwakluk, nit anggun panggun kagwi mende oboksa Mbal Pem Nagawan-nen-e nit ninndi yangonoso-o.

2 KORINTUS 6:2

Mbal Pem Nagawan-nen yosolar-e: ”An nalen yidnak tarem-e kit kenne kuligi-o. Kinmiri yurak tarem-nen-e an-e yongga kindigi-o” luk yij-o. Ndemerer-o! Mbal Pem Nagawan alen yidnak tarem-e yawor-o. Kinmiri yurak tarem-e yawor-o!

1 TIMOTIUS 1:16

Alat nde, yu bem-nen Mbal Pem Nagawan-nen an nabuwa kagaij-o. An meya nggulok yoso iri bem-nen Kerisut Yesus-nen mamak puruk woraso na an nebem nam tak pamu-o. Nde, iri yid iri-ge it abok at ebem inndi angin tubu yogola, unlug-et woralik nalik momtak elem wanuwa nap enmanggim mul ondosolat-nen kwat nibij-o.

TITUS 2:12

We wok ondoso elem-nen mul nondosolar-e: ”Mbal Pem Nagawan isili rak pidnak kwarugwi min nggweyak ma mende ukwe ukwe yugwi min iri na mbo buruk, nggweyak ma yu me woragolar-e, kondomok kinndi towarak woragolat, mot mor-et kwarogolat, Mbal Pem Nagawan indi aye worak wolmer-o” luk mul nundusu-o.