NDAWI ENGGA 27:4 - Nanduk Ngget Tul Pidnak Wene

⁴ An-nen nindi perasu-ge misiget yu nak Nagawan Indo ebem nggi yusu-o. Misiget ukwe yusu-ge yu nag-o: Nagawan Indo-nen konak nak kwat noboso elem iri na-ge an nerengen-nen kasolat, ndemel nuburuk noso elem nggi yosolat yurak pem an woralar-e, kat kama nak wolmomtak irit ukwe-o.

NDAWI ENGGA 27:4 ပူးပေါင်းရင်းမြစ်များ

NDAWI ENGGA 23:6

Kat-nen an konak kwat nobosolat, pempa nabuwa kasu iri-ge an-e naru-o. Nde, an woralar-e, kat kama-t woramin-o.

NDAWI ENGGA 27:8

Kat-nen yosolar-e: ”An nogore yi-o” yigen na-ge an-nen yosolar-e: ”Nagawan Indo wa-e. An-e kogore yimin-o” luk yigi-o.

NDAWI ENGGA 65:4

Kat kama wolmakluk, kat-nen wene mbo uburuk lenak ibigen nab-e alen kasolat wolmag-o. Kat woraso sa kat kama marak iri na me woraso konak mende ereba na bem-nen nenpem yamuk tak pusu-o.

NDAWI ENGGA 84:10

Seribu hari nin me wolmomtag-e ob-et nde, misik tarem nak kat kama wolmomtak iri-ge konak lombok-nen yusu-o. Meya yugwi nap enma wolmomtak nggal, Nembal Pem Nagawan uwi tu mende yik karok woraso nap kwat yurak perak an-e nindingen-o.

NDAWI ENGGA 84:4

Ap kat kama pempa woragolat kat kerembel ndawi yik tenak worali nab-e mondok ndemeret enalen pem worali-o.

NDAWI ENGGA 90:17

Nagawan Indo Nembal Pem Nagawan wa-e. Nit-nen yabu wanugwi ebe worak makluk, imbiringgat tak ninpi-o.

NDANIEL 9:3

Karug-e, mondok kiri keresa Nagawan Indo Mbal Pem Nagawan emengen mbarosolar-e: ”Nenabuwa ki-o” luk yak tigi-o. Iri kwarosolar-e, inndi puru yogolat-nen yurugwi karung sum iri na yutluk, mburu ninggit lak, tepan nak yosolat mabe bem irit koreyak woragi-o.

SAKARIA 9:9

Sion woragwi nap wa-e. Kenalin kenalen mber-o! Yerusalem woragwi nap wa-e. Kenalen-nen kinni kenne mber-o! Yik ker-o! Kit-nen idnak nagawan-e ombol nggwe luk lobok yusu-o! At iri-ge mot mot nak kwaroso nagawan inmiri yoso elem waruk lobok yusu-o. Alat nde, ar-e indi teberak pem-et wok yosolar-e, kelerai awo mendaso mbi ebem koreluk lobok yusu-o.

MATIUS 6:33

Alat nde, kit-nen Mbal Pem Nagawan-nen tenagaidnak wi min at-nen lud tak nak tak onposo elem min nanduk tak pugupndig-e, iri mende oboksa wok kunduwar-o.

LUKAS 10:42

nanduk tak purak mende-ge misiget nak worasu-o. Nde, Maria-nen-e konak kwarurak mende mbenasa wanid iri-ge tuguruk at inggem-nen wanurak puk irit wanij-o” luk yij-o.

LUKAS 13:24

”Tumende mboronggo iri me nggurak pem-e kenmawi ler-o. An yak kendeyeg-o. Ap kwarat-nen-e ngguwokluk yuwa-t nde, nggurag-e meya ma-o.

LUKAS 18:1

At owosirak-nen inndi tugup lak woragolat, kundugu kundugu tepan yogolat wolmakluk, Yesus-nen mul ondosolar-e, nden karuk wene yu yak indij-o.

LUKAS 2:37

kwe togwe woralar-e, olengen depalan pulu empat (84) woraidnak me, kwe indi worak yidnak irit woragaij-o. Kwe na-ge Mbal Pem Nagawan ama-nen mbepme mboroso buk, kubu-nen lengge-nen mburu keya buruk, tepan nak kundugu yosolar-e. Mbal Pem Nagawan nak erembel wanosolat woraso-o.

2 KORINTUS 3:18

Iri ala-ge, nit oboksa sum nentare bem na wabidnak me, papalo pem kaidnak nggal Nagawan Indo abinal iri-ge nit nentare bem worasu-o. Iri ala-ge, Nagawan Indo Indi na-nen nin tak nonposolar-e, at abage nggal tak nonposola-ge, abinal iri na nggok nggok mburusu-o.

2 KORINTUS 4:6

Mbal Pem Nagawan-nen yosolar-e: ”Ndamuk arem-nen yaya yuwag-o” luk yid Mbal Pem Nagawan at-net at eyaya-ge nit nenarem yaya rak pij-o. Iri yosolar-e, Mbal Pem Nagawan abinal-e Kerisut erare bem worasu abinal iri nenaru rak purak pem-nen iri yij-o.

PILIPI 3:13

Nowe nowosi wa-e. ”An-e abu tenabigi-o” luk perasu bug-o. Alat nde, an-nen kwarusu misiget nag-e yu-o: Nanduk kwarosolat woraidnak mende na meme yaga namberam tak purug-e, neraret ma worasu mende iri nak tenabeyeklug-e, namawi kunduruk muk kasu-o.

1 TIMOTIUS 5:5

Togwe terak ndumu ndemeret togwe iri-nen-e indi-ge Mbal Pem Nagawan ebem mbung mbung tak woralar-e, kubu-nen lengge-nen at eram tepan yosolat, at yongga wuruwakluk emengen mbarosolat yoso-o.

IBERANI 11:6

Nde, ap-nen-e Mbal Pem Nagawan ebem indi angin tubu yigit lak ala-ge, Mbal Pem Nagawan-nen-e ap iri ebem-e alen kujwa bug-o. Nde, Mbal Pem Nagawan eram lobok yuwa nap-nen perasolar-e: ”Mbal Pem Nagawan-e ndemeret worasu-o” yuruk, ”Mbal Pem Nagawan-nen-e kwara at ogore yuwa nap na onggo wok unduwa-o” luk wene na bem indi angin tubu yosolat wolmag-o.

1 SEMUEL 1:11

Iri yosolat-nen Ana-nen urul posolar-e: ”Nagawan Indo Kamawi Worak wa-e. Ndegel koboso kwe an-e kwara yebet niyi-o. Ndegel koboso kwe an-e meme rak nuburak pug-o. An-nen nindi andi kasu-ge kat-nen ki-o. Kat-nen nde liap misik wok nurugunmu-ge, mondok abu abu wok kurumu kat kimin-et pempa wolma-o. Nde, anggulsu-ge mbarigit lak irit wolma-o” lul urul yak tij-o.