NDAWI ENGGA 27:1 - Nanduk Ngget Tul Pidnak Wene

¹ Nagawan Indo iri-ge an neyaya min an nimiri yoso min-nen yusu-o. An-e ap kwiye kamin pug-o. Nagawan Indo iri-ge an kurak yoso nondoro pak-nen yusu-o. An-e mondok kwiye kamin pug-o.

NDAWI ENGGA 27:1 ပူးပေါင်းရင်းမြစ်များ

NDAWI ENGGA 118:21

Nagawan Indo wa-e. Kat-nen an-nen tepan yidnak kolosolat, kat-nen ombol nggwe rak nobosolat kwarigen pem-e an-e kat kerembel wanusu-o.

NDAWI ENGGA 118:6

Nagawan Indo-ge an nimin worala me, an-e kwiye kamin pug-o. Nde, an nimbiriwak pem-e ab-e enmawi kunduwa bug-o.

NDAWI ENGGA 19:14

An-nen yoso wene min an-nen yebet kaso min-e kat kalen tak purak mende kwat mag-o. Nagawan Indo wa-e. Kar-e an nggetlel nobosolat, nonggo boso-nen yusu-o!

NDAWI ENGGA 43:2

Kar-e an Nembal Pem Nagawan nggetlel nuburuk woraso-nen yusu-o. Noluk-nen kar-e keya nubusu-o? Noluk-nen nuwim nap-nen anggun panggun tak nobogola, mondok andi bandi kerenak worasu-o?

NDAWI ENGGA 84:11

Nagawan Indo Mbal Pem Nagawan-e nit nggetlel nunpuruk woraso nagawan kek tak-nen yusu-o. At-nen-e nenabuwa kasolat, kek tak nonposolat yoso-nen yusu-o. Lugud tak kwarugwi buk nap wok ondosolar-e, at-nen-e konak mende ala-ge oboksa wok ondoso-o.

MBIRIGA WENE 15:2

Nagawan Indo-ge an nambigit yoso amawi ambik-nen yusu-o. At-nen nimiri yamu-o. Ar-e Nembal Pem Nagawan-nen yusu-o. An-e at erembel wanusu-o. Nomborak-nen kek tak pugwi Mbal Pem Nagawan-nen yusu-o. An-e at kek tak ubusu-o.

YESAYA 2:5

Kit Yakup-nen wigarak wa-e. Nagawan Indo eyaya bem-et mborogolat wolmog-o. 2:6–4:6 Pasal yeba arem-e Mbal Pem Nagawan-nen-e inndi kek tak woragolat meya nak kwarugwi nap enpem angin worak mende poso wene mbarak worasu-t nde, unluk wolma nap ereba na kwat unpurak urul posolar-e, ir-e marak onposolat, ngget tak onposolat ma wene na mbarak worasu-o.

YESAYA 45:24

Ap-nen yogolar-e: ’Nagawan Indo nak-nen ombol nggwe yugwi elem min mot mot kwarugwi elem min iri-ge wok ondoso-o’ luk yuwa-o. Alat nde, an insili rak nubugwi nap oboksa-nen an neram lobok yogolar-e, innggiri ma-o.

YESAYA 61:10

Yosoloma, Yerusalem-nen yosolar-e: ”An-e Nagawan Indo ebem nalin nalen kasu-o. Mbal Pem Nagawan ebem an nindi-ge kijik kijak wurusu-o. Kwe min ap min wok kerak mburak pem inmirik unmuruk konak nak yitli iri na nggal Nagawan Indo-nen an yirik nobosolar-e, inmiri yoso sum min ombol nggwe yugwi sum min yirik nibij-o.

YEREMIA 20:11

Iri yili-t nde, Nagawan Indo wa-e. Kar-e an nambigit nggwe yusu-o. Kar-e kwiye lak, kamawi worak-nen yusu-o. Nde, it an muk neyagolat, yemndak nobogolat kwatli nab-e urugwe nggwe rak onposola, enmawi yuwa bug-o. It-nen ”Iri kwarul-o” luk yimnik pidnak ereba na-ge ebe lak yosolat, it-nde pem irit innggiri kagolat wolma-o. It-nen innggiri kujwa mende iri na-ge meme rak pigit lak irit wolma-o.

MALEAKI 4:2

Alat nde, kit an-nen yidnak yidnak kwarugwi nap kenmanggim-e kinmiri yurak namawi-ge molengen yeberak pil wasolat nggal yimbirik konposolat, eyaya-nen-e ki rak kunpuwa-o. Iri yosola, kir-e sapi amarik ngget nderak o ma-nen mbepme nak posola, alen kaso ereba na nggal wisirik kenalen pem woragub-o.

MATIUS 8:26

Yak togolikma-ge, Yesus-nen it yak ondosolar-e: ”Kwara kinndi angin tubu yugwi buk nap wa-e. Kir-e noluk-nen kwiye kali-o?” luk yak indij-o. Yak ondosoluk, at na men luk yarik, obube min yi min na ”Kondok min-o” yosoloma-ge, obube min yi min na kondok yij-o.

LUKAS 2:30

Kat keram-nen lobok yid nap inmiri yoso na-ge, ap pidsa enmanggim kat-nen pidnak inmiri yoso nap iri-ge nerengen-nen kagi-o.

LUKAS 3:6

Nde, ap yi wi ndi wi oboksa-nen Mbal Pem Nagawan-nen ap inmiri yosola, kujwa-o’ ” luk mbarij-o.

YOANES 1:9

Nde, ndemeret yaya na-ge nggweyak ma yu me mbuwasolar-e, ap pidsa yaya rak unpusu-o.

YOANES 8:12

Iri rak puruk, Yesus-nen tuguruk it yak ondosolar-e: ”An-e ki nap ennggendumu yaya-nen yusu-o. An nimin nuwa nab-e ndamuk arem nuwa bug-o. Are, unlug-et wolmomtak yaya irit tena wolma-o” luk yak indij-o.

OROMA 8:31

Iri bem-e, nir-e no nde yul-o? Mbal Pem Nagawan-e nit ninmin worasola-ge, ta-nen nde nit sil niniyujwa-o?

2 KORINTUS 12:9

Alat nde, Nagawan Indo-nen nene erep nggarosolar-e: ”Kat ndeyak yidnak pem an namawi-ge iminep mbal yusu me, an-nen idnak we wok ondoso elem-e kat kamanggim-e ndak-nen yusu-o” luk yij-o. Iri bem-e, Kerisut amawi an nebem mbumag-o luk an ndeyak yidnak pem an nindi kek tak posolar-e, an nalin nalen kasu-o.

TUGURUK YIDNAK WENE 7:18

Alat nde, kir-e it enaye yurak pug-o. Nagawan Indo Kenmbal Pem Nagawan-nen Mesira nagawan min at-nen tenagidnak wi woragwi nap min kwat inpij-e yebet ker-o.

TUGURUK YIDNAK WENE 7:21

Iri ala kir-e ap enlem ereba-ge mondok enaye yurak pug-o. Nagawan Indo Kenmbal Pem Nagawan-nen nggetlel kunpuruk nusu-o. At iri-ge Mbal Pem Nagawan nggok kwiye worak-nen yusu-o.

PILIPI 4:13

Amawi wok noroso Kerisut na ebem-nen-e an-e yi mende ndi mende pidsa ndak kwarimin-o.

IBERANI 13:6

Iri bem-e nit-nen te-t yogolar-e: ”Nagawan Indo-ge an yongga noroso me, an-e kwiye kamin pug-o. Ab-e ta nggal-nen an nimin yuwa-o?” luk yurag-o.

NAM PARA WENE 21:23

Nde, o siri iri me-ge Mbal Pem Nagawan abinal-nen yaya rak posolat, tal ebe-ge Lomba Wam Marik-net yusu me, o siri iri me-nen-e mo min waneya min eyaya ukwe-ge mondok lag-o.

NAM PARA WENE 22:5

Ndamug-e mondok lak me, Mbal Pem Nagawan eyaya nak-nen it yaya rak onposolat wolma me, tal min mo eyaya min iri-ge ir-e ukwe yuwa bug-o. Nde, ir-e nagawan luk, pem-et woralik nalik irit wolma-o.

NAM PARA WENE 7:10

It enne ngguloksa yogolar-e: ”Nit ninmiri yoso elem-e nit Nenmbal Pem Nagawan koreyak woraso ondoro ebem koreyak worasu iri min Lomba Wam Marik min endam nak-nen lobok yoso-o!” luk yiga-o.