NDAWI ENGGA 23:4 - Nanduk Ngget Tul Pidnak Wene

⁴ Nde, an-e kan ndamak pem ndamuk arem waring kasu-t nde, kar-e an nimin worasola me, kwiye kasu bug-o. Kat kanggambu bem kuwangen pem-nen-e an nimiri yusu-o.

NDAWI ENGGA 23:4 ပူးပေါင်းရင်းမြစ်များ

AYUP 3:5

Iri tarem iri-ge miri tupsa mbeyok tak puruk, lumugumusa mom ndirik tak posolat, mom ki rak pi-o. Nggan nggan-nen muruk tak puruk, mo eyaya-nen eyaya rak puwa naru, nggetla keya bi-o.

NDAWI ENGGA 110:2

Nagawan Indo-nen-e Sion-nen kat-nen tenakun wi-ge nemena mbo nggok tak posolat-nen yosolar-e: ”Kat-nen-e kuwim nab-e kinggiyapma rak unpuruk woragun-o” yij-o.

NDAWI ENGGA 118:6

Nagawan Indo-ge an nimin worala me, an-e kwiye kamin pug-o. Nde, an nimbiriwak pem-e ab-e enmawi kunduwa bug-o.

NDAWI ENGGA 138:7

Anggun panggun nebem mbidnak tarem-e kat-nen an tena nuburuk worasu-o. An nuwim nap-nen an nebem mbud yogola-ge, kat-nen inmin wim mbarosolat, kamawi bem-nen nimiri yusu-o.

NDAWI ENGGA 14:5

Mbal Pem Nagawan-e at-nen yidnak yidnak kwarugwi nab-e inmin worasola, meya yugwi nab-e kwiye kwarat yuwa-o.

NDAWI ENGGA 46:11

Nagawan Indo Mondok Amawi Worak iri na-ge nit ninmin worasu-o. Yakup Embal Pem Nagawan-e nggetlel nunpuruk worasu-o.

YESAYA 41:10

Kwiye yusu-ge meyog-o. An-e kat kimin worasu-o. Kwiye-nen pabok purak pug-o. An-e kat Kembal Pem Nagawan-nen yusu-o. An-nen kar-e tugup lak tak kobosolat, yongga korosolat, ninggi amawi bem yogo kuburuk woramin-o.

YEREMIA 2:6

An-net it iri-ge Mesira-nen lesa wok unpuruk mbirigi-o. Mborosolar-e, nembaga usu nggwarak ereba na nggwe-t inmin mborosolat, o umbuk nggwe tula lalik nggwilik ereba na inmin mborosolat, nggweyak tet umbuk enlengenwak lak yurak, ap na woragwi buk, ap na tu iri nggwe na mburugwi buk nggwe-t wok unpuruk mbirigi-t nde, ir-e insili rak nibiga-o.

MIKA 7:14

Nagawan Indo wa-e. Kat-nen len inpigen kilirag-e kwara ndegel onposolat wolmin-o. It iri-ge nggweyak amburu worak nggwe yobok tak ma walma ereba worali-o. Nde, it iri-ge nanduk-nen kwariga nggal Mbasan min Nggileat min karu me tusuangge ndumu ereba me-nen nunggwi mende nonggolat wolmakluk keya inpi-o.

MATIUS 1:23

”Ap-nen aboro mbarugwi buk kwe ndugum-nen abila luk, la li ap mbi ndaguwa-o. Nde, la iri unu yarogolar-e, Imanuwel-o luk yaruwa-o.” (Nde, Iberani wene bem Imanuwel yiga iri-ge ”Mbal Pem Nagawan nit ninmin worasu-o” yarogolar-o.)

MATIUS 28:20

an-nen ’Iri nggal mer-o’ luk yak kindigi wene oboksa-ge it mul ender-o. Yebet yebet tak wolmer-o. An-e pempa-t kit kinmin irit worasoma, woroksiyem wok ma-o” luk yak indij-o.

LUKAS 1:79

Lobok yid iri-ge, ndamuk arem woragolat, kwiye kali na lesa ninmiri yurak tulabiyem nenpeyekluk-nen lobok yij-o” luk yij-o.

2 TIMOTIUS 4:22

Nagawan Indo-ge kat kindi imin wolmag-o. Nde, Mbal Pem Nagawan-nen we wok ondoso elem-e kit pidsa kinmin wolmag-o.