NDAWI ENGGA 22:1 - Nanduk Ngget Tul Pidnak Wene

¹ Nembal Pem Nagawan wa-e. Nembal Pem Nagawan wa-e. Kar-e noluk keya nubusu-o? An-e kat keram wene mbo bil luwasu-t nde, kar-e nene kuligit lak yosolat an-e yongga nurusu bug-o.

NDAWI ENGGA 22:1 ပူးပေါင်းရင်းမြစ်များ

AYUP 3:24

Nunggwi mende norak ondolma-ge, yane worosolat worasu-o. An-e pem irit yane nak wat tenak worasu-o.

NDAWI ENGGA 16:1

Mbal Pem Nagawan wa-e. An-e kat keram-et kurak yusu me, kat-nen kwara yik neyarok wolmin-o.

NDAWI ENGGA 22:11

An lak tak nuburag-e komo panggo yusu-o. Nde, an yongga nururak nab-e lak me, kar-e an keya nuburak pug-o!

NDAWI ENGGA 22:16

Meya kwarugwi nden eneyagwi nap-nen lop lop nitli-o. It iri-ge yengge kwarat nggal an kut norogolar-e, ninggi min nuwok min kundugu nibili-o.

NDAWI ENGGA 37:28

Nagawan Indo-nen-e konak mot mot kwarugwi iri-ge mondok indi kundik me, ap tugup lak at-nen yidnak yidnak kwarugwi iri-ge we kasa ereba-t liringsa keya onposo bug-o. Ar-e pem irit nggetlel unpuruk irit woraso-o. Alat nde, meya yugwi nap-nen wigarag-e mondok lak tak unpuwa-o.

YESAYA 46:13

Kit wisirik kunpurak tarem-e panggo rak pigirik me, kit kinmiri yurak pem-e mondok pemsa woramin pug-o. An-nen-e Yerusalem imiri yosolat, Isarael nap kek tak onposolat kwarimin-o” luk yij-o. 47:1–48:22 Pasal 47 iri arem-e Mbabel lak tak purak yidnak ndawi mbarak worasu-o. Nde, Pasal 48 iri arem-e Mbal Pem Nagawan-nen-e at ilirak inmiri yidnak wene ndindera mbaridnak worasu-o.

MATIUS 27:46

Nde, jam tiga bem-e, Yesus-nen ene ngguloksa yosolar-e: ”Eli, Eli, lama sabaktani?” yid iri-ge ”Nambal Pem Nagawan wa-e. Nambal Pem Nagawan wa-e. Kar-e noluk keya nibigen-o?” luk yosolat-nen yij-o.

MARAKUS 15:34

Keyama, jam tiga yosoloma-ge, Yesus na ene ngguloksa yosolar-e: ”Eloi, Eloi, lama sabaktani?” luk yij-o. Wene iri yid iri-ge: ”Nembal Pem Nagawan wa-e. Nembel Pem Nagawan wa-e. Noluk-nen keya nibigen-o?” luk yosolat-nen yij-o.

LUKAS 22:44

Nde, Yesus na kwiye-nen indi andi kwarat yosolar-e, tepan kwarat yij-o. Nde, irigak na eyabi nggal ndung ndung mbij-o.]

LUKAS 24:44

Iri luk, at-nen it yak ondosolar-e: ”Nanduk an-e kit kinmin woralat-nen yak kindigi wene-ge yur-o. An kwat nuburak mbaridnak wene-ge Musa-nen imiri mbarak pidnak wene bem mbaridnak engga bem-nen na irit, Mbal Pem Nagawan ene lomboksa yugwi nap-nen mbaridnak engga bem-nen na irit, Ndawi Engga bem-nen mbaridnak na irit, mbarak worasu iri na ndak ndag-et mondok kwat nubuwa-o luk yak kindigi nar-o” luk yak indij-o.

IBERANI 13:5

Uang ukwe ukwe yugwi nap yurak pug-o. Are, kat karengge kinggem worasu iri na-ge ndak-nen yusu-o luk peragolat woragup na-e. Nde, Mbal Pem Nagawan-nen yosolar-e: ”An-e keya konposolat, meme rak konposolat mondok yimin pug-o” luk yij-o.

IBERANI 5:7

Yesus na-ge ki nap ennggendumu nggweyak ma yu me woralat-nen tepan yosolar-e, wat yimin naru at-nen an nimiri yurag-e ndag-o luk peraso Mbal Pem Nagawan na emengen mbarosolar-e, at ene nggoksa yip min-et at emengen mbarosolat woragaij-o. Nde, iri kwarosolar-e, at indi tebe luk, Mbal Pem Nagawan-nen yidnak yidnak nak kwaroso ala karuk, Mbal Pem Nagawan-nen-e at ene kulij-o.

1 SEMUEL 12:22

Nagawan Indo-nen owak mbarosolat-nen yosolar-e: ’Ir-e an nondomok nilirak tak inpimin-o’ luk yidnak me, at-nen-e mondok keya kunpuwa bug-o.