NDAWI ENGGA 2:9 - Nanduk Ngget Tul Pidnak Wene

⁹ Kat-nen-e it iri-ge posid wangun pem tenggerak unpugun-o. Kat-nen-e nggweyak yimbe nggal ndamera keya unpugun-o’ luk yak nirij-o” luk yij-o.

NDAWI ENGGA 2:9 ပူးပေါင်းရင်းမြစ်များ

NDAWI ENGGA 89:23

At uwim nab-e an-nen mondok lak tak inpimin-o. Ta-nen nde at imin insili yuwa nab-e oboksa indimin-o.

YESAYA 30:14

Nde, kit abog-e nggweyak yimbe ndamera ndibi ndi yosoma, telak siyag-et tet kan ngen wanogolat, yi kenanggogolat yurak tet wanugwi buk iri na nggal yenggana abapnosa ndibi ndi yugub-o” luk yak indij-o.

YESAYA 60:12

Nagawan misik-nen tenagidnak wi woragwi lombok-nen kat ndegel kuburak insili yogola-ge, yabera lak tak unpuwa-o.

YEREMIA 19:11

an-nen yidnak wene yak undugun na-e” luk yak nirij-o. Nagawan Indo Mondok Amawi Worak-nen-e yu nggal yij-o: ”Ap enlem yu min o siri min-e nggweyak yimbe yenggarak pidnak konurak meya iri nggal, an-nen yenggara keya inpimin-o. Iri rak unpumu, ontogwag-e ap-nen Topet yu me yapma unpuwa-o. Nde, iri kwaruwa iri-ge it yapma unpurak ondoro lak-nen ndowaga Topet yapma unpuwa-o.

NDANIEL 2:44

Nde, nagawan ereba na-nen o tena woragola tarem-e aid arem woraso Mbal Pem Nagawan-nen-e nagawan misik-nen tenagidnak wi kwarak puwa iri-ge ap enlem mbi-nen mondok urugwe nggwe rak puwa buk, pem irit wolmomtak wi irit puwa-o. Nde, nagawan misik-nen tenagidnak wi yu-nen-e nagawan erep-nen tenagidnak wi ereba na oboksa ndamera yigisa irit keya buwa-o.

NDANIEL 2:45

Nap kat-nen yik kaigennggal-e, kerep misik erambet abam nggwe-nen limbik lambik lobok yasolar-e, mbesi min mimi nggweyak min tembaga min perak min emas min pem-nen ap ndak worak iri na-ge ndamera yigisa keya bosola kaigen iri-ge Mbal Pem Nagawan Mondok Nggok iri na-nen abok-nen kwat momtak irit mirik kibij-o. Nde, nabi kaigen iri-ge ndemeret yak kutluk, nabi ebe na iri nggal-o luk ndak ndag-et yak kirigi-o” luk yij-o.

MIKA 5:8

Nde, Isarael nap-nen-e it unuwim nab-e urugwe nggwe rak unpuruk, it oboksa mondok yigisa lak tak unpuwa-o.

MATIUS 21:44

Nde, ta-nen nde kerep yu bem wosa mbuwa nab-e, yigisa labuk ma-o. Nde, kerep yu-nen yumnduwa nab-e yigisa mabe rak puwa-o]” luk yij-o.

NAM PARA WENE 12:5

Nde, kwe na-nen-e li ap posid wangun pem ap enlem oboksa tena unpuruk wolmomtak nap li ap irit ndagaij-o. Alat nde, la na-ge kwe iri na inggem mengga Mbal Pem Nagawan eram Mbal Pem Nagawan koreyak woraso sa urugwe nggwe pil mbiriga-o.

NAM PARA WENE 19:15

At emendam-e yalawi anggat worak mbi kenanggo. Nde, yalawi iri bem-nen ap enlem oboksa urugwe nggwe rak unpuruk, at-nen-e posid wangun pem it tena unpuruk wolma-o. Nde, at-nen-e anggut engen amburu mbutlugwi ondoro Mbal Pem Nagawan Amawi Worak iri na isilepma kwiye worak iri na me-nen anggut engen amburu mbutluwa-o.