NDAWI ENGGA 2:2 - Nanduk Ngget Tul Pidnak Wene

² Nggweyakma yu me nagawan nagawan misik pem-et nak pugak yogolat, o tena woragwi enmawi worak ereba na-nen wene mbarogolar-e, Nagawan Indo min at-nen lenak pidnak nagawan min undurak wene mbarogolar-e:

NDAWI ENGGA 2:2 ပူးပေါင်းရင်းမြစ်များ

NDAWI ENGGA 110:5

Nagawan Indo-ge kat kinggi kigit ambigit nggwe worasu-o. At-nen nde isilepma yosola-ge, nagawan nagawan-e urugwe nggwe rak unpuwa-o.

NDAWI ENGGA 2:10

Iri bem-e, nagawan nagawan wa-e. Kit-nen kwarogolar-e, kwara yebet karuk-net kwarogolat wolmer-o. O tena woragwi kenmawi worak nap wa-e. Kwara yebet ker-o.

NDAWI ENGGA 89:20

An-nen ndegel noboso nap Ndaut karuk, lenak posolar-e, amburu anggul pem kiligi-o.

MBIRIGA WENE 16:7

Kit-nen obok pili ereba kolarik me, kup kuplila-ge Nagawan Indo kendam wok yosolat abinal kagub-o. Nde, nit nenmberek ya-ge at-nen yak nindidnak nak kwatli-o.

YESAYA 61:1

Nagawan Indo Mondok Kek tak iri na amawi-ge an nebem worasu-o. Insilobulo lak nap ereba na konak wene yak unduwakluk, at-nen lenak nuburuk, nibil lobok yamu-o. Iri-nen inndi abi kalak woragwi ki yaga wok ondosolat, wim nap-nen tena unpuruk woragwi ereba na ”Ndag-et nak wirik enper-o” luk wene wirik posolat, o kubu me inpidnak nap ereba na-ge ”Kir-e wisirik kunpuwa-o” yak ondosolat kwaruwaklug-et nibil lobok yamu-o.

MATIUS 2:16

Erores-nen lombot pidnggal-e, wonaru mbenarugwi nap-nen at amberam laidnak alama-ge, at isilepma kwarat luk-nen yosolar-e: ”Li marik Mbetleyem woragwi min inggi inggi woragwi min ndesa mburuk dua tahun ala na, dua tahun urugwe nggwe woraidnak ala na, oboksa undurag-o” luk wene wosa wirik pij-o. Iri yid iri-ge wonaru mbenarugwi nap-nen at yak tidnak ndak ndak ndet yidnak ala-nen iri yij-o.

MATIUS 26:3

Iri tarem-e tepan omborak nagawan nagawan min Yawuri nap ogore yidnak nap min-e tepan ombo nggulok unu-ge Kaipas na ama ndok wirigarik,

MATIUS 26:59

Nde, tepan omborak nagawan nagawan min Wene Mbarugwi Nap oboksa min-e Yesus wuruwakluk, ebem purak enesiget wene kore yiga-t nde,

MATIUS 27:1

O nda yosola-ge, tepan omborak nagawan nagawan pidsa min Yawuri nap ogore yidnak nap min-e Yesus wururak wene mbaruwokluk ndok wiriga-o.

LUKAS 13:31

Iri na tarem-e Parisi nap erep-nen Yesus eram lobok yigarik, yak togolar-e: ”Erores-nen kat kereyekluk yusu me, kar-e o yu me keya buruk, nin sa mbiri-o” luk yak tiga-o.

YOANES 1:41

Andereas iri-ge ndag-et nak at owe Simon ogore yil mberarik, kasoluk-nen yak tosolar-e: ”Mesias iri na kaige-o” luk yak tij-o. (Nde, Mesias min Kerisut min iri-ge Yunani wene bem-e Inmiri Yoso Nagawan-o yogolar-o.)

YOANES 15:23

An isili rak nubusu nab-e, an Neid na isili rak ubusu-o.

YOANES 3:34

Nde, Konak Indi ebis-et wok tidnak me, Mbal Pem Nagawan-nen wirik ibil lobok yidnak nap-nen-e Mbal Pem Nagawan-nen yidnak wene nak yak ondoso-o.

YIDNAK YIDNAK WENE 10:38

Nde, Mbal Pem Nagawan-nen Yesus Nasaret nap na ebem-e Konak Indi min amawi min kilik pidnak wene-ge kenaru nar-o. Mbal Pem Nagawan-e at imin woralat me, at waring kasolar-e, konak nak kwarosolat, Sere-nen yemen inpidnak nap oboksa ki rak inpil waring kagaij-o.

YIDNAK YIDNAK WENE 9:4

Posoloma-ge, ar-e nggweyak ma mbud yarik-nen wene misik kolosolar-e: ”Saulus wa-e. Saulus wa-e. Kar-e noluk-nen lel mberel nubusu-o?” luk yosola kulij-o.

IBERANI 1:9

Kar-e mot mot kwarugwi-ge kindingen tak posolat, nde, lugud tak kwarugwi-ge kisili rak posolat yoso karuk, Mbal Pem Nagawan, Kembal Pem Nagawan iri-nen-e kalen tak posolar-e, kat kanggamirak na teberak unpuruk, kat nak kek tak kuburak pem len kibij-o” luk yij-o.