NDAWI ENGGA 2:12 - Nanduk Ngget Tul Pidnak Wene

¹² Nagawan Indo isilepma-ge mimo yoso me, Nagawan Indo isilepma yosolat ereya na-net lak tak kunpuwa naru, kwiye min-et Nagawan Indo eram tebe yer-o. Nde, Nagawan Indo indipma worali nab-e mondok enalen kagolat wolmag-o.

NDAWI ENGGA 2:12 ပူးပေါင်းရင်းမြစ်များ

NDAK WIRIDNAK WENE 41:40

Nde, yawo kar-e an-nen tenagidnak wi worali nap oboksa-nen kat kene nak kuluruk, kwarogolat wolmakluk kar-e ese (Ngguberenot) mendak kibimin-o. Alat nde, an narig-et nak perak nde kat kombol pem terak minik nagawan-nen yusu-o” yij-o.

1 NAGAWAN NAGAWAN-NEN KWARIDNAK WENE 19:18

Alat nde, Isarael wi iri me-ge ap tuju ribu (7.000) irit inmiri yimin-o. Nde, inmiri yimin nap iri-ge tugup lak an-nen yidnak yidnak kwarogolat, kugwi Mbaal ndak worak iri na erembel mondok wanigit lak yogolat, ndak worak iri na erabengen porok tigit lak woragolat kwarugwi nap irit inmiri-t yimin-o” luk yij-o.

NDAWI ENGGA 1:6

Nde, lud tak nak kwarugwi nab-e Nagawan Indo-nen nggetlel unpuruk, ndemel unpuruk nuwa-t nde, meya yugwi nap-nen mbitli tula iri-ge lak tak unpurak sa mbitli-o.

NDAWI ENGGA 2:5

Iri yosolar-e, isilepma min inil worosolat, isilepma bem wendet tak unpusu-o.

NDAWI ENGGA 2:7

Nagawan-nen yosolar-e: ”Nagawan Indo-nen ’Irit kwaruwa-o’ luk yidnak wene-ge an-nen yimin-o. At-nen an yak norosolar-e: ’Kar-e an Nambara-o. Yawo-net kat keid kwat yusu-o.

NDAWI ENGGA 34:8

Nagawan Indo konak nak woraso iri-ge kondomok-nen kwara ker-o. Nagawan Indo eram kurak tak worali nab-e enalen kagolat wolmag-o.

NDAWI ENGGA 34:9

Nagawan Indo aye worak woragwi nab-e yi mende ndi mende ukwe lak woragwi me, kit Nagawan Indo ilirak wa-e. Nagawan Indo nak kek tak pogolat wolmer-o.

NDAWI ENGGA 40:4

Nagawan Indo ebem inndi wat tak puruk woralat, kugwiwak erembel wanugwi buk nap min inndi-nen kek yugwi nap inmin ”Yongga nender-o” yugwi buk nap min-e enalen kagolat wolmag-o.

NDAWI ENGGA 84:12

Nagawan Indo Mondok Kamawi Worak wa-e. Kat kebem inndi wat tak puruk worali nab-e enalen kagolat irit wolmag-o.

YESAYA 30:18

Iri kwarugub-et nde, Nagawan Indo-ge kit kunpud kudtak tarem iri na towarak worasu-o. Nagawan Indo, Mbal Pem Nagawan iri-ge mondok ndak ndak nak kwaroso me, kit kenabuwa yurak iri-ge ar-e mondok lud tak puruk worasu-o. At ebem inndi mbung mbung tak worali nab-e enalen kagolat wolmag-o. 30:19-33 ayat yeba arem-e Mbal Pem Nagawan-nen at ilirak yane witli ereba na konak tak unpurak wene urul yak indidnak wene min Asiut nap enpem nggin yurak wene min mbarak worasu-o.

OSEA 13:2

Nde, yawo-nen na Eperaim nab-e meya nag-et kwat tenak worali-o. It-nen-e perak pem sapi ut mimirik irit erembel wanurak ndak witli-o. Iri ndak witli iri-ge ki nap inndi nggat nggat-nen ndak worogolat, ki nap ininggi-net ndak worak puruk, it-nen yogolar-e: ”Ndak worak pidnak mende yeba amanggim wam wosa purag-o!” luk yili-o. Ki nap-nen sapi marik ut memera ndak wiridnak iri na-ge erabengen porok nili iri-ge kwarugwi bug-et kwatli-o!

YOANES 14:6

Yak tosoloma-ge, Yesus-nen at yak tosolar-e: ”An-e Mbal Pem Nagawan enaru yugwi tula min ndemeret wene min unlug-et wolmomtak elem min-nen yusu-o. An nebem nggwe mbirigit lak-nen-e ap misiger-o luk tet an Neid eram wok momtag-e meya-o.

YOANES 5:23

Nde, an Neid-nen amawi an ninggem pid iri-ge ap pidsa-nen Neid kek tak pili nggal, Ambara an na kek tak nubuwakluk-nen ninggem pij-o. Ambara an kek tak nibili buk nab-et wirik nibil lobok yidnak nap an Neid na kek tak pili bug-o.

OROMA 10:11

Mbal Pem Nagawan engga mbarak pem-nen yosolar-e: ”Inndi-ge at ebem angin tubu yuwa nab-e innggiri mondok wuruwa bug-o” luk yij-o.

OROMA 9:33

Kerep iri wene-ge Mbal Pem Nagawan engga bem-e yu nggal mbarak worasu-o: ”Kwara yebet ker-o. O Sion iri me-ge ap unuwok abis pijaksa mburak kerep an-nen pusu-o. Kerep nggulok na bem-e ab-e pijaksa mbud yuwa-o. Alat nde, kerep na ebem inndi angin tubu yuwa nab-e abog-e innggiri wuruwa bug-o” luk yij-o.

EPESUS 1:12

Len ninpid iri-ge awo ma-net ninndi Kerisut ebem mbung mbung tak woraige nap nir-e Mbal Pem Nagawan unu kek tak pogolar-e, at erembel wanugwi rak ninpij-o.

1 PETERUS 1:21

At ebem nak-nen Mbal Pem Nagawan ebem kit kinndi angin tubu yili-o. Mbal Pem Nagawan-nen-e at iri na wat yidnak nap ennggendumu-nen uruk tak posolat, kek tak obosolat yij-o. Iri bem-e, Mbal Pem Nagawan ebem nak kinndi angin tubu yogolat, at ebem nak kinndi mbung mbung tak woragolat yili-o.

1 PETERUS 2:6

Nde, Mbal Pem Nagawan engga bem-nen yosolar-e: ”An-nen-e onggo kwarat pugwi kerep mbi lena, kerep iri na-ge o unggut paro pidnak maklug-e, Sion iri me pigi-o. Nde, kerep na ebem inndi angin tubu yuwa nab-e inndi kabak ma bug-o” luk yij-o.

1 SEMUEL 10:1

Iri luk Semuel-nen saitun engen amburu kenanggo mbi wanosolar-e, amburu iri na-ge Saul anggul pem kilik pij-o. Iri rak puruk Saul erabengen porok nasolat-nen yak tosolar-e: ’Kar-e Nagawan Indo-nen at ilirak ennggendumu nagawan woranokluk amburu kanggul pem kilik puruk mendak kubusu-o. Kar-e Nagawan Indo ilirak tena unpuruk woralat, it unuwim nap oboksa ininggem-nen inmiri yosolat woragun-o. Nde, kat-nen: ’An-e ndemeret Nagawan Indo-net at ilirak tena unpuruk wolmakluk mendak nebamu-o’ luk yenggerak pugun-e yu bem-nen-o: