NDAWI ENGGA 19:13 - Nanduk Ngget Tul Pidnak Wene

¹³ Inndi-nen yebet karuk, meya kwarugwi mende iri an nebem wolma naru, kat-nen lak tak pi-o. Meya elem iri-nen an tena nuburuk wolma naru, nimiri yurag-o. Iri ala, an-e iminep mbara labuk yosolat, meya nggok kwarigit lak worayeg-o.

NDAWI ENGGA 19:13 ပူးပေါင်းရင်းမြစ်များ

NDAK WIRIDNAK WENE 20:6

Yosoloma, Mbal Pem Nagawan-nen nabi bem yak tosolar-e: ”Ndemerer-o. Kar-e kwe iri-ge kindi mbek tak pem waneyek nak kwasa wanigen iri bem-nen kwe iri imin nene yugun naru kesari tenaguruk worala, kar-e an nimin meya kwarigit lak yigen-o.

NDAWI ENGGA 119:133

Kat-nen ”Kwat kibimin-o” luk urul yak nirigen ndak ndag-et an tu nosola-ge, kat-nen tena nuburuk ni-o. Meya kwarugwi elem-nen an kamat nubuwakluk keya nuburak pug-o.

NDAWI ENGGA 84:11

Nagawan Indo Mbal Pem Nagawan-e nit nggetlel nunpuruk woraso nagawan kek tak-nen yusu-o. At-nen-e nenabuwa kasolat, kek tak nonposolat yoso-nen yusu-o. Lugud tak kwarugwi buk nap wok ondosolar-e, at-nen-e konak mende ala-ge oboksa wok ondoso-o.

MBIRIGA WENE 21:14

Alat nde, insilepma kwarat yogolat-nen indi-net ap misik nde wutluk, Mbal Pem Nagawan amanggim kan pugwi sa kurak yil mburuwama-ge, wil mbutluk, mondok wururag-o.

YIDNAK YIDNAK WENE 24:16

Iri bem-e, an-e pempa Mbal Pem Nagawan min ap min inmbiri bem an nindi mbek tak worayekluk namawi kundusu-o.

2 PETERUS 2:10

Iri len unpuwa iri-ge it ondomok kopkap tobok tak onposo ukwe ukwe yugwi iri-nen yidnak yidnak kwarogolar-e, Mbal Pem Nagawan ene kulurak insili nap iri-ge len unpusu irir-o. Enesiget siget mul undugwi nap iri-ge kwiye lag-e, ondomok kek yogolar-e, teram woragwi enabinal worak nap iri na kwiye lag-et pesel inpili-o.

1 SEMUEL 25:39

Nabal wat yidnak wene iri na kuluruk, Ndaut-nen yosolar-e: ”Nagawan Indo nak kek tak wolmag-o! Nabal-nen an erengenma nggal tak nibid iri na-ge Nagawan Indo-nen nemepnggo posola-ge, ndegel oboso nap an-nen meya kwaruwa naru larok tak nibij-o. Nabal-nen meya kwaroso bem-et Nagawan Indo-nen wirij-o” luk yij-o. Iri luk misik tarem-e Ndaut-nen-e Abigail iri na at wok uburak pem-e ene kulil ab-e Abigail eram wirik inpil mbirij-o.