NDAWI ENGGA 19:12 - Nanduk Ngget Tul Pidnak Wene

¹² Ap-nen-e it-nen meya kwatli ereba na-ge kwara kali-ge bug-o. An-nen meya kwarigi-t nde, yebet kagit lak worasu-ge kat-nen lak tak puruk, marak nibi-o.

NDAWI ENGGA 19:12 ပူးပေါင်းရင်းမြစ်များ

NDAWI ENGGA 139:2

An-nen kwaroso oboksa-ge kar-e karu-o. Kebe-ge erepma-net nde, an-nen yebet kaso oboksa-ge kar-e karu-o.

NDAWI ENGGA 139:6

Kat-nen karu yidnak iri-ge mondok arem-et me, an-nen yebet kudtag-e meya-o. An-nen yebet kaso bem-nen yik kudtag-e meya-o.

NDAWI ENGGA 40:12

An-e lak tak onposo mende mondok kwarat, wonarurak puk-nen lop lop nerarik worasu-o. An-nen meya yoso ereba na-nen muk neyasola, an-nen yik kudtag-e meya-o. Nde, an meya yoso ereba wonarag-e an nanggulsu nggal-e lak, mondok terak minik kwarat me, an nindi engga nggwe mburusu-o.

NDAWI ENGGA 51:2

An-nen meya kwaroso oboksa masa lak tak nibi-o. An-nen meya yoso elem arem-nen masa mbereksa keya nibi-o.

NDAWI ENGGA 65:3

An-nen meya kwaroso-ge mondok kwarar-et nde, kat-nen kamberam tak pigen-o.

NDAWI ENGGA 90:8

Kat-nen-e nit-nen lugud tak kwarugwi ereba na waga nam tak posolat keram pusu-o. Nit-nen meya kwarugwi-ge kura ma-t nde, kat kerengen pem-e nam nak kasu-o.

MBIRIGA WENE 24:12

Iri luk, Nagawan Indo-nen Musa yak tosolar-e: ”Kar-e an neram ndobo bem luwasug-o. Yu me-nen an-nen imiri mbarak pidnak wene mbarak kerep abak mberen wok kirimin-o. Imiri mbarak pidnak wene oboksa mbarak iri-ge it enlem Isarael nap iri mirik unpurak pem irit wok kirimin-o” yij-o.

NGGOMO WENE 13:13

Ta-nen nde Nagawan Indo-nen nggomo wiridnak ereba na nde te rak posola-ge, at ondomok-nen ambikpebe erengenwak lak tak pusu-o. Alat nde, Mbal Pem Nagawan-nen ”Irit kwarurag-o” luk yidnak ereba na ndak ndag-et kwarusu nab-e onggo-t wok tuwa-o.

YESAYA 64:6

Nit oboksa-ge kopkap tobok tak woragwi-o. Iri-nen nit-nen konak kwarugwi min-et kopkap tobok tak mondok meya-nen yusu-o. Nir-e engga lera mbidnak umbuk o wija-nen puk kuruk mburusu iri na nggal, nir-e meya kwarugwi bem-et lak mul-o.

1 KORINTUS 4:4

An-nen meya yidnak mbi nindi-nen yebet kasu bug-o. Alat nde, iri kwarusu iri bem-nen an lud tak nubusu bug-o. An nebem wene mbaruwa nab-e Nagawan Indo-net yusu-o.

IBERANI 9:7

sum-nen wiridnak wi kuri worak ponok nggwe iri me-ge at tepan ombo nggulok ariget nak, o lengen misiget pem-e misik tarem nak nggosolat woraso-o. Iri me nggosolar-e, lomba wam eyabi wanuruk at ondomok amanggim na, it ap iri-nen-e an-e meya-t nde kwarusu-o luk peragit lak ma meya yogolat woraidnak amanggim na Mbal Pem Nagawan amanggim eyabi poso-o.

1 YOANES 1:7

Nde, Mbal Pem Nagawan-e yaya bem worasu nggal, nit-nen na yaya bem woragolar-e, nit na nit-net nennggamirak inmin erep kundik worali-o. Woragola, at Ambara Yesus eyabi-nen-e nit meya yugwi pidsa marak nunpusu-o.