NDAWI ENGGA 16:4 - Nanduk Ngget Tul Pidnak Wene

⁴ Kugwiwak erembel wanili nab-e pempa kwarat inndi abi kalok yogolat wolmag-o. An-e kugwiwak amanggim wam wosa kan posolat wolmomtag-e mondok nisili-o. Unu yurak tet mondok nisili-o.

NDAWI ENGGA 16:4 ပူးပေါင်းရင်းမြစ်များ

NDAK WIRIDNAK WENE 35:14

Nde, Mbal Pem Nagawan-nen Yakup wene yak tid sa iri na me-ge Yakup-nen-e: ”Iri kwaridnak sa-o” luk yogolat wolmomtak kerep misik sindik pij-o. Nde, kerep iri na Mbal Pem Nagawan amanggim posolar-e, Yakup-nen-e anggut amburu min e saitun amburu min kerep iri na bem kilik pij-o.

NDAWI ENGGA 32:10

Meya kwarugwi nab-e andi bandi mende kwarat enpem mboso-o. Alat nde, Nagawan Indo ebem inndi mbung mbung tak woragwi nab-e Nagawan Indo-nen unpud kaso elem pem-nen nggetlel unpuruk woraso-o.

MBIRIGA WENE 23:13

Nagawan Indo an-nen yak kindigi wene-ge kwara yebet ker-o. Kir-e Mbal Pem Nagawan nin mbi erembel wanurak pug-o. Mondok unnu anggambut tet yurak pug-o” yij-o.

YESAYA 65:11

Alat nde, ap an keya nobogolat, an nondobo marak Sion iri na no mende nggal yik kagolat, it-nen unluk wolmomtak lesa wok unduwakluk unkugwiwak Nggat min Meni min erembel wanogolat kwarugwi nab-e it an nilirak wolma iri nggal-e wolma bug-o.

YESAYA 66:3

Alat nde, it enlem iri-ge it inndi-nen pidnak nak kwarogolat, ir-e enalen pem an nerembel wanogolar-e, meya unmunggum pil kagwi mende bem ereba na kwatli-o. It-nen meya min konak min lambuk tak nak yik kagolar-e: sapi kusi nde wosa bogolat, ap nde wosa bogolat; lomba amarik nde wosa bogolat, yengge nde undungunwak tenggesa bogolat; nggandum mbato nde Mbal Pem Nagawan amanggim pogolat, wam eyabi nde kan pogolat; emben konak mende kemenan nde kan pogolat, kugwiwak ut memera ndak wiridnak ereba na nde erembel wanogolat kwatli-o.

YEREMIA 7:18

Li marik-nen-e kan nggara ndok worogolat, ap-nen-e kan mabogolat, kweyap-nen-e oroti kwarurak omok worogolat iri kwarugwi ereba-ge it-nen kugwiwak misik, it-nen unu misik yarogolar-e, Aid Arem Woraso Kwe Nagawan yili iri na amanggim kwarugwi-o. Nde, it-nen an nindi ngari yaga keya buwoklug-e, anggut amburu ereba na-ge mbal pem nagawan erep amanggim pugwi-o.

TEPAN OMBO-NEN KWARURAK WENE 23:13

Nggandum mbato yigirik mabe nggal angin-e dua kilo nggal iri min-et purag-o. Nde, iri mende wok tugup iri na emben-nen Nagawan Indo indi alen tak puwa-o. Nde, anggut engen amburu kenanggo embe marik misik (satu liter) min-et purag-o.

YUNUS 2:8

Kugwiwak ebe lak ereba na erembel wanugwi nab-e kat keya kobogolat, tugup lak kat-nen yidnak yidnak kwatli bug-o.