NDAWI ENGGA 16:3 - Nanduk Ngget Tul Pidnak Wene

³ Ap marak o yu me worali-ge an-e kek tak unpusu-o. An-e it inmin lambuksa wolmomtak irit nindingen perasu-o.

NDAWI ENGGA 16:3 ပူးပေါင်းရင်းမြစ်များ

NDAWI ENGGA 101:6

Mbal Pem Nagawan-nen yidnak yidnak tugup lak kwatli nab-e nindingen eneyasu-o. It iri-ge an nama wolmomtag-e ndak-net yusu-o. Ap enpem kopkap lak woragwi nap-nen-e an ndegel nuburag-e ndag-o.

NDAWI ENGGA 116:15

Nagawan Indo-nen-e at-nen indi kundik woragwi nap wat yogola-ge, enabuwa kwarat kasu-o.

NDAWI ENGGA 122:8

An neyabi minggirik nowe nowot min nenggamirak min enmanggim ala karuk, an-nen Yerusalem yak tosolar-e: ”Kar-e kona yamuksa irit wolmin-o!” yak tusu-o.

NGGOMO WENE 13:20

Ap-nen nde ap inndi nggat nggat worak nap inmin are kondogola-ge, it na inndi nggat nggat worag-et ma-o. Alat nde, ap wid ereba na inmin are kundili nab-e enare buwa-o.

NGGOMO WENE 8:31

An-e at-nen idnak o yu na me nalen pem woralat, ki nap inmin kundik nalen pem woragi-o.

MALEAKI 3:17

Nagawan Indo Mondok Amawi worak iri na-nen yosolar-e: ”It iri-ge an nilirak kwat ma-o. Nde, an-nen kwarimin tarem-e it iri-ge an nindi kundik irit kwat ma-o. Nde, ap misik-nen at ndegel oboso ambara abuwa kaso nggal, iri nggal-et it enabuwa kamin-o.

YIDNAK YIDNAK WENE 9:13

Yak tosoloma-ge, Ananias-nen wene erep nggarosolar-e: ”Nagawan Indo wa-e. Marak nap Yerusalem woragwi nap meya rak onposo wene-ge ap kwarat-nen obok yogola koloso-o.

NGGALATIA 6:10

Iri bem-e, nir-e ap oboksa konak tak unpurak worala ya-t nanongga konak tak onpogolat wolmomtag-o. Nde, mondok konak tak unpurag-e, totno ninndi angin tubu yidnak pem-nen nonowe nonowot tak inpidnak nap irit konak tak unpuwog-o.

EPESUS 1:1

Mbal Pem Nagawan indi-n pidnak pem Kerisut Yesus-nen wirik nibidnak nap Paulus an-nen-e Epesus wi woragwi nap, Mbal Pem Nagawan winde nap, Kerisut Yesus ebem kinndi angin tubu yigep nap kit kenmanggim engga yu mbarusu-o.

TITUS 3:8

An-nen yak kurusu yu-ge ndemeret wene-o. Mbal Pem Nagawan ebem inndi angin tubu yugwi nap-nen-e ndemeret konak nak kwarogolat wolmakluk, kat-nen wene yu-ge amawi rak purak iri-ge an-e nindingen-o. Iri kwarurak iri-ge ap pidsa enmanggim mondok konak lombok-nen yusu-o.

IBERANI 6:10

Nde, Mbal Pem Nagawan-e mborok tak kwaroso-ge lag-o. At-nen-e kit-nen wanigep yabu iri meme rak posolat, kit-nen at abuwa kagolar-e, mbek tak inpidnak nap kwara yongga indigep min yawo na yongga indili min ar-e meme rak puwa bug-o.