NDAWI ENGGA 16:10 - Nanduk Ngget Tul Pidnak Wene

¹⁰ An wat makluk keya noboso buk me, kat-nen enabuwa kaso nab-e lak makluk keya onposo bug-o.

NDAWI ENGGA 16:10 ပူးပေါင်းရင်းမြစ်များ

NDAWI ENGGA 139:8

An-e mbal pem lamin na, kar-e iri me-t worasur-o. An-e ap wat luk ndok wurugwi sa nene yimin na, iri me na kar-e worasur-o.

NDAWI ENGGA 49:15

Alat nde, Mbal Pem Nagawan-nen wisirik nubuwa-o. Wat yugwi elem inggem-nen nimiri yuwa-o.

NGGOMO WENE 15:11

Nagawan Indo iri-ge ap watluk ndok wurugwi sa min-et oboksa aru me, nggesa-nen ki nap-nen yebet kagwi iri at erengen pem-nen kura wolma-o?

NGGOMO WENE 27:20

Ap watluk ndok wurugwi sa-ge ondoro o-ge terak nak woraso-o. Iri nggal-et ki nap-nen ukwe ukwe yugwi iri-ge kuri wat tak purag-e meya-o.

NDANIEL 9:24

Olengen tuju kali tuju pulu ereya worarug-e, Mbal Pem Nagawan-nen kat kelem nap min kuwi siri marak iri min-e yi meya ndi meya kwarugwi min meya kwarugwi elem min arem-nen wesera keya unpurak irit wat tak pidnak worasu-o. Nde, yi meya ndi meya oboksa amberam tak posolat, pempa lud tak mot mot kwarugwi nak nggok tak puwa-o. Iri kwat yosola-ge, kat-nen nabi bem nggal kaigen iri na min ebe-ge iri nggal-nen yusu-o luk yidnak min-e ndak ndak irit kwat ma-o. Iri yosolar-e, Nagawan Indo uwi marak iri na-ge tuguruk Nagawan Indo erembel wanugwi rak puwa-o.

TEPAN OMBO-NEN KWARURAK WENE 19:28

Yenggerak purak mende kenaboro bem mbarogolat, kenaboro kumururak pug-o. Ap wat yosoma ala, kininggi mbarurak pug-o. An-e Nagawan Indo-nen yusu-o.

AMOS 9:2

Nde, it iri-ge ap watluk mbugwi sa kapsa mbuwa-t nde, an ninggi-ge inmbirig-et lit iniyil mbimin-o. It mbal pem lujwa na mbal pem-net lesa inpil mbuwamin-o.

WONARIDNAK WENE 6:6

Nde, anggulsu mot iri karug-e, ’Ar-e Mbal Pem Nagawan amanggim nak lenak worasu-o’ luk yenggerak purag-o. Nde, at-nen ’Irit kwarimin-o’ luk lenak woralar-e, mbilaro ngin yaga wanuwa naru, at iri na-ge ap lugwinikmu entalu wok yurak puk. At ondomok eid ija owe owot wat ma-t nde, mondok inmin-e ebem yurak pug-o.

LUKAS 1:35

Yosoloma-ge, aid nap-nen wene erep nggarosolar-e: ”Konak Indi-ge kat kebem lobok yosolar-e, Mbal Pem Nagawan amawi-ge kat kebem mbuma-o. Iri bem-e la ndakun iri imin-e: ’Mbal Pem Nagawan Ambara len ibidnak-nen yusu-o’ luk yuwa-o.

LUKAS 16:23

Wat yidnak nap ndok wurugwi sa woralar-e, yane worosolat-nen-e at erengen lik kagaidnggal-e. Abaram na erepma worala, Lasarus na-ge Abaram eralu worala lik eneyagaij-o.

LUKAS 4:34

”E! Yesus Nasaret nap wa-e. Kar-e ngge rak nenpeyekluk lobok yigen-o? Nit nendeyekluk lobok yigen, lak? Kar-e an-e naru-o. Kar-e Mbal Pem Nagawan-nen wirik kibil lobok yidnak karik lenak nap-net yusu-o” luk yij-o.

1 KORINTUS 15:42

Nde, wat yidnak nap unluk yogolat na iri nggal-et ma-o. Yapma inpili-ge piri yoso mende irit yapma inpili-o. Nde, men yogolar-e, piri yoso buk mende irit men ma-o.

TUGURUK YIDNAK WENE 32:22

An nisilepma-ge kanduk amare nggal pagosolar-e, ap watluk ndok wiril mbugwi sa min-et lak tak puwa-o. Iri yosolar-e, o yu min-et arem woraso yi mende ndi mende min-et, ndobo oboksa emengen min-et ndindera kan nujwa-o.

NAM PARA WENE 1:18

An-e nuruk woraso-nen yusu-o. Ki-o. An-e wat yigi-t nde, nuruk yigirik, yawo-ge an-e nurug-et pem-et woralik nalik worasu-o. Wat yugwi elem min wat yugwi elem-nen tenagaidnak wi min tu mig worak pugwi-ge an ninggem worasu-o.

NAM PARA WENE 20:13

Iri luk, ap yi koma arem-nen wat yidnak woragwi na yi koma-nen pilana inpil wasolat, wat yugwi elem min ap wat luk ndok wiril mbugwi sa min-nen-e wat yidnak nap iri me woragwi na inpil luwagaij-o. Inpil luwarug-e, it pidsa it-nen kwarogolat woraidnak na ndak ndag-et enpem wene mbarij-o.