NDAWI ENGGA 148:13 - Nanduk Ngget Tul Pidnak Wene

¹³ It oboksa-nen Nagawan Indo unu nak kek tak pogolat wolmag-o. Ap unnu oboksa teberak puruk, at unu nak mondok terak minik kek tak me, at anggu obog-e mbal min nggweyak min ombol nggwe-t lasu-o.

NDAWI ENGGA 148:13 ပူးပေါင်းရင်းမြစ်များ

NDAWI ENGGA 113:4

Nagawan Indo amawi bem ap enlem oboksa tena unpuruk worasu-o. At anggu obog-e mbal ombol nggwe-t lasu-o.

NDAWI ENGGA 150:6

Ndak worak pidnak mende urugup worak oboksa-nen Nagawan Indo nak erembel wanurag-o. Nagawan Indo nak erembel wanurag-o!

NDAWI ENGGA 72:19

At unu kek tak pem-et woralik nalik ma iri nak erembel wanurag-o. Yi wi ndi wi oboksa-nen at abinal-nen kobong mag-o! Iri nggal-et kwat mag-o! Amin-o!

NDAWI ENGGA 8:1

Nenmbal Pem Nagawan, Nagawan Indo wa-e. Kat kunu-ge yi wi ndi wi wigak yusu-o. Kat-nen kek tak woraso-ge mbal kwidsa ombol nggwe-t lasu-o.

NDAWI ENGGA 8:2

Iri kwarusu-ge li marik marik min li nggisiya min-nen ndawi kebem ngatli-o. Wim nap min sirid nap min enemnde nggutlurak pem-e kat-nen o tena woraso kamawi-ge tugup lak sil kudtak puk-nen yusu-o.

NDAWI ENGGA 8:9

Nagawan Indo, nit Nagawan Indo wa-e. Kat kunu-ge yi wi ndi wi wigak yusu-o!

YESAYA 33:5

Nagawan Indo-ge mondok kek tak-nen yusu-o. Yi mende ndi mende oboksa at inggiyapma nak worasu-o. At-nen-e Yerusalem iri me-ge mot mot kwarugwi nak nggok tak posolat,

YESAYA 6:3

It-nen it nak enne nggoksa yak kerak mbogolar-e: ”Marag-o, marag-o, marag-o. Nagawan Indo Mondok Amawi Worak iri nak marak-nen yusu-o. Nggweyakma yu me oboksa-ge at abinal-nen yebet yusu-o” luk yiga-o.

SAKARIA 9:17

Nde, nagawan uwi nggweyag-e konak lombok-nen yusu-o! At onggweyak iri-ge konak lombog-e ijar-o! Nde, iri me-ge nggandum mbato min anggut min-e ndag-et nak wigak yosolat, iri-nen ndowaga ap sujwe min kweyap ndugum min na kwarat enmawi worak ma-o.

MATIUS 6:13

Nit ninndi ngaruwakluk keya nunpurak pug-o. Are, Sere inggem-nen ninmiri yi-o.

EPESUS 4:10

Nde, mbuwagaid nap iri na-t mbal oboksa ombol nggwe terak menna lagaid iri-ge, yi mende ndi mende oboksa at-net ndak ndak tak peyekluk-nen lagaij-o.

PILIPI 3:8

Nde, iri mende nak meya-ge lag-o. Are, yi mende ndi mende oboksa-ge ebe lak mende nde kasu-o. An Nagawan Indo Kerisut Yesus naru mom iri perak nde mondok nggulok lombog-o. At ebem an yi mende ndi mende oboksa keya bosolat, iri mende-ge we eneyak ngen mbo bidnak nggal-nen yusu-o luk peraso-o. Iri keya bigi iri-ge an-e mondok Kerisut nak wanuruk,

1 PETERUS 3:22

Yesus Kerisut iri-ge aid arem lagarik, yawo-ge Mbal Pem Nagawan inggi kigit nggwe koreyak woralar-e, aid nap min aid arem pemerinta min amawi worak mende pidsa-ge at nak-nen tena worasu-o.