NDAWI ENGGA 146:7 - Nanduk Ngget Tul Pidnak Wene

⁷ At iri-ge anggun panggun tak inpili nap enambigit yosolat, enmanggim wene mot mot mbenaroso-nen yusu-o. Nere arem woragwi nab-e nunggwi mende mak ondoso-nen yusu-o.

NDAWI ENGGA 146:7 ပူးပေါင်းရင်းမြစ်များ

NDAWI ENGGA 103:6

Nde, Nagawan Indo-ge ndemeret lud tak nak kwaroso me, mbenat onposolar-e, anggun panggun tak inpili nap enambigit yoso-o.

NDAWI ENGGA 136:25

Urugup worak mende oboksa nunggwi mende at-nen mak toso-nen yusu-o. At-nen-e pem kundugu irit enabuwa yoso-nen yusu-o.

NDAWI ENGGA 142:7

An-e o kubu me-nen wisirik nubugunmu, kat-nen konak nak kwat noboso iri bem-e kat kilirak ndok worak ennggendumu-nen kat kerembel wanimin-o.

NDAWI ENGGA 72:4

Nagawan-nen-e at ujokma woragwi nap onowene-ge mot mor-et mbenarosolat, insilobulo lak nap yongga ondosolat it anggun panggun tak unpugwi nap na lak tak onposolat mag-o.

YESAYA 61:1

Nagawan Indo Mondok Kek tak iri na amawi-ge an nebem worasu-o. Insilobulo lak nap ereba na konak wene yak unduwakluk, at-nen lenak nuburuk, nibil lobok yamu-o. Iri-nen inndi abi kalak woragwi ki yaga wok ondosolat, wim nap-nen tena unpuruk woragwi ereba na ”Ndag-et nak wirik enper-o” luk wene wirik posolat, o kubu me inpidnak nap ereba na-ge ”Kir-e wisirik kunpuwa-o” yak ondosolat kwaruwaklug-et nibil lobok yamu-o.

YESAYA 9:4

Kat-nen it-nen angin worak kud turuk nugwi ereba na nggosa keya bosolat, sum angin worak unndugun pem kud tugwi ereba na nggwirik posolat yigen-o. Kat kilirak enarengge ondoro rak pogolat, anggun panggun tak unpugwi nab-e kat-nen urugwe nggwe rak inpigen-o. Iri kwat inpigen iri-ge, nanduk Mirian nap urugwe nggwe rak inpigen iri na nggal-et kwat inpigen-o.

YEREMIA 31:14

Nde, tepan omborag-e nunggwi mende kwarat ndak yaga wok ondosolat, nde, an nilirak-nen ukwe mende-ge oboksa wok ondosolat kwarimin-o. Yu-ge Nagawan Indo an-net yusu-o” luk yij-o.

MALEAKI 3:5

Nagawan Indo Mondok Amawi worak iri na-nen yosolar-e: ”An-e kenpem wene mbenareyekluk lobok yimin-o. Nde, kugwi kwal ombo min mbabi kwarugwi min ennesiget ap enpem wene pugwi min ap-nen yabu wanidnak pem onggo wok ondogolat lugud tak kwat unpugwi nap min kweyap togwe min li mul ineid iniya lak min ap sal min ereba na lel mberel unpugwi nap min an kek tak nubugwi buk nap oboksa min it oboksa-nen kwatli ereba-ge an ndag-et nak lobok yosolar-e, enpem wene mbenarimin-o” luk yij-o.

LUKAS 1:53

nere woragwi nab-e konak mende ndak yaga wok ondosolat, insilobulo kwarat worak nab-e we irit wirik onposolat yij-o.

LUKAS 4:18

”Nagawan Indo Indi-ge an nebem worasu-o. Aid wene-ge insilobulo lak nap yak unduwakluk, an len nibij-o. O kubu me woragwi nap wisirik unpurak wene yak unduwakluk, Enlengen ngguru woragwi enlengen kuwarak puwakluk, Ap-nen tebel inpidnak nap wisirik unpuwakluk,

LUKAS 9:17

It pidsa inmbitsa irit ningga-o. Nde, erep minggirig-e, at owosirak-nen yarak pukmu, mul sum duabelas irit kobong yij-o.

YIDNAK YIDNAK WENE 16:26

ereya na-net o nuk nggulok pare kasolar-e, o kubu wi wiridnak paro na lele rak pij-o. Posolar-e, tumende pidsa yuwak kuwak mbosolat, kere kamat inpidnak pidsa wosok yosolat agaij-o.

YIDNAK YIDNAK WENE 5:19

Alat nde, kubu nggwe-ge Nagawan Indo-nen idnak aid nap mbi lobok yosolar-e, o kubu me tumende ereba na kuwarak puruk, wok unpuruk mbepme mborosolat-nen yak ondosolar-e: