NDAWI ENGGA 145:19 - Nanduk Ngget Tul Pidnak Wene

¹⁹ At-nen-e at indi aye worak worali nap inndi alen tak onposolat, at-nen it enne mbo bil laidnak kuluruk, inmiri yosolat kwaroso-o.

NDAWI ENGGA 145:19 ပူးပေါင်းရင်းမြစ်များ

NDAWI ENGGA 34:17

Nagawan Indo inndi aye worak woragwi nap-nen at eram wene mbo bil lagola-ge, at-nen enne kuluruk, anggun panggun kagwi arem-nen inmiri yoso-o.

NDAWI ENGGA 34:18

Nagawan Indo-ge ”Ngge kwarimin-o?” luk inndi kabak yidnak nap inmin-et woraso-o. Inndi engga nggwe mbiridnak nab-e at-nen-e inmiri yoso-o.

NDAWI ENGGA 34:9

Nagawan Indo aye worak woragwi nab-e yi mende ndi mende ukwe lak woragwi me, kit Nagawan Indo ilirak wa-e. Nagawan Indo nak kek tak pogolat wolmer-o.

NDAWI ENGGA 37:19

Angin worak mende enpem lobok yuwa tarem-e ir-e andi bandi kujwa bug-o. Nogoro ennggendumu mbud ma tarem-e mondok ndak irit wolma-o.

NDAWI ENGGA 37:4

It-nen kenalen pem wolmomtak elem-e Nagawan Indo eram kore yogolat wolmer-o. Kit kinndi-nen peragup mende-ge at-nen ndak tak kunpuwa-o.

NDAWI ENGGA 91:15

It-nen nde an neram wene pil luwagola-ge, an-nen enne erep nggarimin-o. Anggun panggun enpem mbidnak tarem na an-net yongga indimin-o. An-nen inmiri yosolat, kek tak onposolat yimin-o.

NGGOMO WENE 15:29

Konak nap iri-nen nde tepan yosola-ge, Nagawan Indo-nen-e ene koloso-o. Alat nde, wene taroso nap ene-ge koloso bug-o.

MATIUS 5:6

Nde, lud tak nak kwarurak ukwe kwarat kali nab-e Mbal Pem Nagawan-nen inndi teyok tak unpuwa me, enalen kali-o.

LUKAS 1:53

nere woragwi nab-e konak mende ndak yaga wok ondosolat, insilobulo kwarat worak nab-e we irit wirik onposolat yij-o.

YOANES 15:16

Kit-nen an len nibigit lag-o. Alat nde, an-nen len kunpuruk, kit-nen-e engen kwarat pogolar-e, pem-et woralik nalik momtak engen pobokluk-nen an-nen wirik kinpigi-o. Nde, an nunu bem an Neid nggi yak tugup mende-ge, iri na-t wok kunduwa-o.

YOANES 15:7

Kit-nen nde an narem puksa woragolat, an-nen yidnak wene na kit kenarem woralat-nen kit kindingen mende mbi Neid eram nggi yogola-ge, wog-et kunduwa-o.

YOANES 16:24

Kir-e nanduk-net an nunu bem yi mende ndi mende mbi nggi yigit lak worali-o. Kit kenalen na iminep mbal maklug-e, nggi yer-o. Nde, nggi yogola-ge, wanugub-er-o” luk yij-o.

1 YOANES 5:15

Nde, nit-nen nggi yidnak mende nenne koloso nenaru ala-ge, nit-nen at ebem nggi yidnak mende na wog-et nunduwa-o luk nenaru yili-o.