Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




NDAWI ENGGA 145:13 - Nanduk Ngget Tul Pidnak Wene

13 Kat-nen nagawan o tena woragun iri-ge mondok pem irit o tena woragun-o. Kat-nen o tena worasolar-e, pem woralik nalik irit tena woragun-o. Nagawan Indo-ge at-nen urul pidnak oboksa-ge ndak ndak irit kwaroso-o. At-nen kwaroso mende bem-e enabuwa bem-et kwarosolat woraso-o.

အခန်းကိုကြည့်ပါ။ ကော်ပီ




NDAWI ENGGA 145:13
13 ပူးပေါင်းရင်းမြစ်များ  

Nagawan Indo iri-ge pem-et woralik nalik yoso Nagawan-nen yusu-o. Sion wa-e. Kembal Pem Nagawan iri-ge o tena worasolat mondok pem irit yi olengen ndi olengen lak yoso-nen yusu-o. Nagawan Indo nak erembel wanurag-o!


At-nen-e Ndaut-nen wigarak, at ondolma nagawan o tena wolma-o. Nde, at-nen tenaguwa wi-ge mondok terak mena irit tenaguwa-o. At-nen tenaguwa wi-ge konak yamuk tak irit wolma-o. At-nen tenagidnak wi-ge yawo-nen kuri pem irit woralar-e, ndemeret mot mot nak irit wolma-o. Nagawan Indo Mondok Amawi Worak iri-nen-e ndemeret mondok kwaruwar-o. 9:8–10:34 Pasal yeba arem-e Mbal Pem Nagawan-nen abare abam (utara) nggwe woragwi Isarael nap enpem angin worak pidnak wene iri na-ge abare ena (selatan) nggwe woragwi Yewura nap ereba na mirik unpuwakluk yak tidnak wene mbarak worasu-o. Alat nde, Mbal Pem Nagawan-nen at ilirak meya nak kwarugwi ereba na lel mberel unpuwakluk enlem Asiut nap ininggem pij-et nde, it Asiut iri na mondok lak tak unpurak wene na mbarak worasu-o.


Nde, nagawan ereba na-nen o tena woragola tarem-e aid arem woraso Mbal Pem Nagawan-nen-e nagawan misik-nen tenagidnak wi kwarak puwa iri-ge ap enlem mbi-nen mondok urugwe nggwe rak puwa buk, pem irit wolmomtak wi irit puwa-o. Nde, nagawan misik-nen tenagidnak wi yu-nen-e nagawan erep-nen tenagidnak wi ereba na oboksa ndamera yigisa irit keya buwa-o.


At-nen wene iri na-ge awo nggaruk tak pigit lak ma, mbal pem-nen ene misik kulij-o. Ene iri na-nen yosolar-e: ”Nagawan Nebukatnesat wa-e. Wene yu kwara kuli-o! Nagawan kat-nen tenagidnak wi-ge kat kinggem-nen wanusu-o.


An-nen tenagidnak wi worali nap oboksa yak kundusu-o. Ndaniel-nen erembel wanoso Mbal Pem Nagawan iri nak kek tak pogolat, indi aye worak wolmomtag-o. Nde, at iri-ge pem-et woralik nalik woraso Mbal Pem Nagawan-nen yusu-o. At-nen tenagidnak wi-ge lak yigit lak, pem irit wolma-o. At-nen tenagidnak wi-ge lak momtag-e meya-o. At amawi-ge mondok lag-e ma bug-o.


At iri wok tosolar-e, kek tak obosolat, nagawan o tena wolmomtak amawi irit inggem pidnak me, yi nap ndi nap enlem oboksa, enne lombok, enlem lombok oboksa-nen at ndak ndegel obogolat woraiga-o. Nde, at-nen nagawan woralat, pem irit o tena wolma-o. Nde, o tena wolma iri na-ge mondok lak tak puwa bug-o.


Nggweyakma yu me tena woragwi amawi min nggok kek tak woragwi oboksa min ereba na-ge Mbal Pem Nagawan Mondok Kek tak iri na ilirak wok unduwa-o. Nde, it-nen o tena woragwi amawi iri na-ge lak ma bug-o. Nggweyakma nap nagawan oboksa-ge tugup lak it nak ndegel onpogolat it-nen yidnak yidnak kwarogolat wolma-o” luk yak nirij-o.


Woralik nalik yoso Nagawan, lak yoso buk Nagawan, ap-nen kagwi buk, misig-et nak woraso Mbal Pem Nagawan iri nak erembel wanogolat, unu kek tak pogolat pem-et woralik nalik mag-o. Amen.


Iri kwarak woragola-ge, Nenagawan Indo Ninmiri Yoso Yesus Kerisut-nen tenagaidnak wi, pem-et woralik nalik wolmomtak wi iri me nggurak nap ndak tak kunpuwa-o.


Iri luk, tuju bem tak posolat aid nap iri-nen oboba ene yij-o. Yosoloma-ge, aid arem-nen enne ngguloksa yogolar-e: ”Nggweyak ma wi yu tena wolmomtak amawi-ge nit Nenagawan Indo min at-nen lena mendak ibidnak Kerisut min ininggem worasu-o. Nde, at-nen tena buruk worasolar-e, pem-et woralik nalik irit wolma-o!” luk yiga-o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ