NDAWI ENGGA 14:1 - Nanduk Ngget Tul Pidnak Wene

¹ Ap wid yebet kaso buk-nen inndi arem peragolar-e: ”Mbal Pem Nagawan-e lag-o” perali-o. It-nen kwarugwi-ge emben to rak yik kudtak puk ereba na nak kwarugwi-nen yili-o. Konak kwarugwi-ge misiger-o luk tet mondok lag-o.

NDAWI ENGGA 14:1 ပူးပေါင်းရင်းမြစ်များ

NDAK WIRIDNAK WENE 6:5

Woragola-ge, Nagawan Indo-nen-e ap ereba-ge it inndi-ge meya kwarurak nak kobong tak, it-nen na yi meya ndi meya nak kwat tenak woragola, eneyasolat woragij-o.

NDAWI ENGGA 107:17

Ap ereb-e it-nen meya kwarugwi bem wid inndi lak nggal tak onposolat, it-nen lugud tak kwarugwi bem andi bandi kaiga-o.

NDAWI ENGGA 73:3

Iri kwarigi iri-ge an-nen yik kasoma, inndi-nen kek yugwi nap ininggem-e ebe worak ala karuk, ”Ar-e iri nggal-et nde, an-e noluk-nen-o?” luk nerengen ale yosoma, iri nggal kwat yigi-o.

NGGOMO WENE 1:22

”Wid kinndi worak wa-e. Kir-e pempa iri nggal nag-et kwat tenak woragub-a? Nde, kit-nen enaru yugwi mende te rak pogolat, mul kindidnak wene ereba na-ge keya bogolat irit woragub-a?

NGGOMO WENE 1:7

Enaru yugwi mende enaru yurak pem-e mondok nanduk tak posolar-e, mondok tebe luk Mbal Pem Nagawan indi aye worak irit wolmomtag-o. Nde, ap wid-nen-e inndi nggat nggat elem iri na-ge nggok tak pigit lak, it mul undurak na insili yugwi-o.

NGGOMO WENE 13:19

It inndi-n pidnak iri na-t wanogolar-e, mondok konak lombok-nen yusu-o! Ap wid-nen-e meya kwarugwi elem iri na keya buruk mbururag-e mondok insili yili-o.

NGGOMO WENE 27:22

Ap wij-e kwiye worak puk pak wuruwa-t nde, at-nen wid indi nggal woraso iri na-ge lak ma-ge lag-o.

YESAYA 1:4

Meya yugwi nap kenlem kir-e meya nak yebet kagwi nap min meya yugwi nap min-e mondok kenabuwa worag-o! Kit-nen meya kwarugwi elem iri-nen konowak ngga waga mberak kunpuruk worasu-o. Kir-e Nagawan Indo na keya bogolat, Isarael nap Kenmbal Pem Nagawan mondok marak kit-nen erembel wanurak iri na-ge pelek yaga konmbol nggwe rak pigeb-o.

YEREMIA 6:28

It iri oboksa-ge wene kulugwi buk, tembaga min mbesi min amawi nggal inndi amawi, eyak nak wat tenak woragwi-nen yili-o. It iri-ge ap onpok pugwi wene nak waruk waring tenak woragolat, enmben to yili-o.

MATIUS 12:34

Waro-nen wigarak kit yu-ge wa-e. Kir-e meya nak kwarugwi-nen-e nggesa-nen konak wene yugub-o? Enne wirik pogolar-e, inndi arem woraso iri na-t wirik pugwi-o.

MATIUS 15:19

Nde, meya yebet kagwi elem ap enarem-nen mborosolar-e, ap wurugwi min ap onkwe yebugwi min kwami terak yenpugwi min yariya wanugwi min enesiget wene ap enpem pugwi min ap onpok pugwi min mburusu-o.

LUKAS 12:20

Iri peragaij-et nde, Mbal Pem Nagawan-nen at yak tosolar-e: ’Wid kindi worak wa-e. Yawo kubu-net wat yugun-o. Iri ala, kat-nen ndok wirigen mende silobulo yu-ge ta-nen nde winde ma-o?’ luk yak tij-o.

EPESUS 2:12

Nanduk kir-e Kerisut imin wud tak woragolat, Isarael nap inmin-e kir-e ap sal woragolat, Mbal Pem Nagawan-nen at ilirak wok undurak urul paga yak indidnak wene na-ge kit na wanurak puk na woraigeb-o. Nggweyak ma yu me woragolar-e, kinndi mbung mbung tak na lak, Kenmbal Pem Nagawan na lag-et woraigeb-o.

TITUS 1:16

It-nen yogolar-e: ”Mbal Pem Nagawan-e nit nenaru-o” luk yili-t nde, it-nen kwarugwi iri bem-nen ar-e lak tak ibili-o. Ir-e meya nak kwarogolat, yidnak yidnak kwarigit lak yogolat, konak mbi kwarurag-e mondok meya-o.

TITUS 3:3

Nit na irit nandug-e nenaru buk woragolat, yidnak yidnak kwarigit lak lugud tak nak kwarogolar-e, nit-nen ukwe ukwe yugwi mende min nit nindingen mende pidsa-nen urugwe nggwe rak ninpidnak woraige-o. Meya kwarurak nak peragolat, enambuwon mbarogolat, nin nap inmin nisili kisili woragolat kwat tenak woraige-o.

NAM PARA WENE 21:8

Alat nde, kwiye kagwi nap min inndi angin tubu yugwi buk nap min kwarugwi buk mende kwarugwi nap min ap undugwi nap min terak terak ye unpugwi nap min kwal ombo min kugiwak erembel wanugwi min enesiget yugwi nap oboksa min it ondoro-ge emben worak kule (belerang) laso kan mare arem-nen yusu-o. Nde, iri-ge mberen pem tak posolat wat momtak elem-nen yusu-o” luk yij-o.

1 SEMUEL 25:25

Nab-o. Kar-e Nabal mondok abut weyaga iri bem kindi mburuk tenak wolmomtak pug-o. At iri-ge unu iri ndak ndak indi lak-net yusu-o. Alat nde, nab-o. An-e kat-nen inpil lobok yigen nap ereba-ge mondok eneyagit lag-o.