NDAWI ENGGA 135:7 - Nanduk Ngget Tul Pidnak Wene

⁷ Iri kwarosolar-e, at-nen-e nggweyak erep yobok tak ma ereba-net nggan nggan pil lobok yosolat, talme mburak amanggim obinel ndak worak posolat, at-nen-e o wija na at ndok wosa ibidnak sa-nen mborosolat wolmin-o yak tosolat irit kwaroso-o.

NDAWI ENGGA 135:7 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 18:1

Nde, siyak woraruk, o kibi mbud yarik woralat olengen mberen woraruk, kenan tak posolat ereya na arem-e Nagawan Indo-nen Elia yak tosolar-e: ”Kar-e Nagawan Akap eram mbiri-o. Marig-et nak worarug-e, an-nen talme mberak pil mbuwamin-o” yak tij-o.

AYUP 5:10

At-nen-e talme nggweyakma yu me mberak pil mbuwasola, yabu amburu rak poso-o.

NDAWI ENGGA 107:25

At-nen yidnak pem-et wijakni puk kil lobok yosolar-e, yi koma-ge nggweyerep nggwayerep tak pij-o.

NDAWI ENGGA 148:8

Pinel min talme engen min pyry min nggan nggan min Nagawan Indo-nen yidnak pem o wija amawi worak puk kaso min wa-e. At nak erembel waner-o!

YEREMIA 14:22

Nde, enlem nin nap unkugwiwak-nen-e talme nggweyakma yu me mberak pil mbumomtag-e meya-o. Mbal-nen na at ondomok amawi bem-nen talme mberak pil mbumomtak na meya-o. Nagawan Indo Nenmbal Pem Nagawan wa-e. Nit ninndi-ge kat kebem nak mbung mbung tak worali-o. Ereba oboksa-ge kat nak-nen kwarak posola-nen kwat yusu-o.

YUNUS 1:4

Yunus iri na-ge koma arem ena iri me mbarik, mbiring luk, mondok nggaruksa nene yij-o. Nene yosola-ge, Nagawan Indo-nen obube-ge yi koma iri na bem pil lobok yij-o. Iri yosola-ge, kwe kemereya nggok irit puk kasolar-e, yi koma-nen koma iri na lel kasolar-e, koma iri na-ge ndamereyekluk yij-o. Iri yosola, koma waruk nugwi nap ereba na-nen-e kwiye kwarat yogolar-e, it enambiktak lombok it-nen erembel wanugwi enmbal pem nagawan ereba na-nen yongga unduwakluk, enne nggoksa emengen mbariga-o. Nde, yi ma yubuk mul naru, koma iri na angin lak tak pogolar-e, waruk mbitli silobulo ereba na-ge yi koma arem mberak pogolat kwariga-o.

YOANES 3:8

Obube puk kil lobok yosolar-e, at indi-n pidnag-et mborosola, kir-e ene pu nak kulili-o. Ene pu nak kologolar-e: ’Ngge nggwe-nen lobok yusu? Ngge nggwe-nen mburusu?’ luk kabag-et worali-o. Nde, ap Konak Indi-nen ndet onposo-ge iri nggal-net yusu-o” luk yij-o.