NDAWI ENGGA 135:4 - Nanduk Ngget Tul Pidnak Wene

⁴ At-nen-e Yakub-e ondomok amanggim-et lenamu-o. Isarael nab-e at ondomok arengge rak enpamu-o.

NDAWI ENGGA 135:4 ပူးပေါင်းရင်းမြစ်များ

NDAWI ENGGA 33:12

Ap enlem mbi-nen: ”Nagawan Indo iri-ge nit Nenmbal Pem Nagawan-nen yusu-o” luk yili nab-e enalen kagolat wolmag-o. At ondomok ilirak tak enpeyekluk len inpidnak nab-e mondok enalen kagolat wolmag-o.

YESAYA 41:8

Alat nde, an ndegel nubugwi nap, an-nen len kinpidnak nap Isarael kir-e an nenggam Abarakam-nen wigarak-nen yili-o.

MALEAKI 3:17

Nagawan Indo Mondok Amawi worak iri na-nen yosolar-e: ”It iri-ge an nilirak kwat ma-o. Nde, an-nen kwarimin tarem-e it iri-ge an nindi kundik irit kwat ma-o. Nde, ap misik-nen at ndegel oboso ambara abuwa kaso nggal, iri nggal-et it enabuwa kamin-o.

TUGURUK YIDNAK WENE 10:15

Alat nde, Nagawan Indo-nen-e kit konmborak enabuwa kwarat karug-e, yi ap ndi ap ennggendumu-nen kir-et len kinpij-o. Iri yid na-ge kir-et at elem nap lenak irit yawo na worali-o.

TUGURUK YIDNAK WENE 26:18

Nde, yawo-ge Nagawan Indo-nen-e: ’Nilirak tak kinpimin-o’ luk urul yid iri na ndak ndag-et at ondomok ilirak tak kunpusu-o. At-nen-e at-nen kenpem pidnak wene oboksa kwarobokluk kenpem pusu-o.

TUGURUK YIDNAK WENE 32:9

Alat nde, Yakup-nen wigarak yu-ge Nagawan Indo-nen at ondomok amanggim len enpamu-o.

TITUS 2:14

Yesus iri-ge yi meya ndi meya kwarugwi inggem-nen ninmiri yekluk, at ondomok amanggim marak nunpuruk, at elem nap tak nenpeyekluk, ”Konak mende nak kwaruwog-o” yugwi nap tak nenpeyekluk, at-net at ambikpebe iminep nit nenmanggim wesel koragaij-o.

1 PETERUS 2:9

Alat nde, kir-e len kinpidnak nap elem yogolat, nagawan-nen idnak tepan ombo yogolat, marale elem yogolat, Mbal Pem Nagawan ondomok ilirak yogolat yili-o. Ndamuk arem-nen at eyaya kwiye worak arem nggobokluk, Mbal Pem Nagawan-nen wene mbo kunpuruk, len kinpid iri-ge at-nen kwiye worak kwaroso wene iri na tomborobokluk, wene mbo kinpij-o.

1 SEMUEL 12:22

Nagawan Indo-nen owak mbarosolat-nen yosolar-e: ’Ir-e an nondomok nilirak tak inpimin-o’ luk yidnak me, at-nen-e mondok keya kunpuwa bug-o.