NDAWI ENGGA 135:13 - Nanduk Ngget Tul Pidnak Wene

¹³ Nagawan Indo wa-e. Kat kobog-e pem irit wigal tenak woragolat, kat kunu-ge ap pem lud irit woragolat yebet yebet tak wolma-o.

NDAWI ENGGA 135:13 ပူးပေါင်းရင်းမြစ်များ

NDAWI ENGGA 102:12

Alat nde, Nagawan Indo wa-e. Kar-e nagawan pem irit woralik nalik woraso-nen yusu-o. Pem ap pem lud irit woragolat inndi yebet keyagolat wolma-o.

NDAWI ENGGA 102:13

Kat abok ndirik yosolar-e, Sion abuwa yugun-o. Nde, at ubud kudtak tarem-e panggorak worasu-o.

NDAWI ENGGA 102:21

Iri yosola-ge, at unu-ge Sion iri me wigaruwa-o. Yerusalem-nen erembel wanogolat wolma-o.

NDAWI ENGGA 72:17

Nagawan unu-ge meme rak pigit lak, pem irit yeberak woralik nalik wolmag-o. At anggu obok mboroso-ge mo worala-ge, mondok wigak yosolat wolmag-o. Ap enlem oboksa-nen at imbiringgat worasu nggal wolmomtak pem imbiringgat tak unpurak nggi yuwag-o. Ap oboksa-nen nagawan imin yogolar-e: ”Alen worak wolmag-o” luk yuwag-o.

NDAWI ENGGA 8:1

Nenmbal Pem Nagawan, Nagawan Indo wa-e. Kat kunu-ge yi wi ndi wi wigak yusu-o. Kat-nen kek tak woraso-ge mbal kwidsa ombol nggwe-t lasu-o.

NDAWI ENGGA 8:9

Nagawan Indo, nit Nagawan Indo wa-e. Kat kunu-ge yi wi ndi wi wigak yusu-o!

NDAWI ENGGA 89:1

Nagawan Indo wa-e. Kat-nen nenabuwa kwarat kaso iri na bem an-e pempa ndawi ngarosolat woramin-o. Kat-nen mot mot tugup lak kwaroso-ge pem irit wigal tenak woramin-o.

MBIRIGA WENE 3:15

Kat-nen it yak ondosolar-e: Nagawan Indo an-e it onmborak Enmbal Pem Nagawan, Abarakam min Isak min Yakup min Enmbal Pem Nagawan an nak-nen it endam wirik kubusu-o. An nunu Nagawan Indo iri-ge pem-et woralik nalik irit wolma-o. Nde, an nunu Nagawan Indo iri-ge ap enlem oboksa nen ap pem lud pem yogolat wolma-o.

MATIUS 6:13

Nit ninndi ngaruwakluk keya nunpurak pug-o. Are, Sere inggem-nen ninmiri yi-o.

MATIUS 6:9

Kit-nen tepan yogolar-e, yu nggal yurag-o: Nit Nineid aid arem woraso wa-e. Kat kunu-ge kek tak irit wolmag-o.