NDAWI ENGGA 132:2 - Nanduk Ngget Tul Pidnak Wene

² Nagawan Indo wa-e. At-nen urul yak kirid min Yakup Embal Pem Nagawan kamawi worak iri na kimin ”Irit kwarimin-o” luk owak mbarid iri na min-e yeberak wolmin-o.

NDAWI ENGGA 132:2 ပူးပေါင်းရင်းမြစ်များ

NDAK WIRIDNAK WENE 49:24

it yik eneyarok woraso Mondok Amawi Ambik Yakup Embal Pem Nagawan Isarael kura buruk Noso, iri na-nen yongga worosola, Yusup iri-ge pem inggi abis lembe irit woralat, esan-e pem irit mendak wolma-o.

2 SEMUEL 7:1

At uwim nap-nen at sil iyujwa naru, Nagawan Indo-nen-e Nagawan Ndaut iri na-ge nggetlel puruk worasola, ar-e at woraso sa iri na me-t tugup lak woragij-o.

2 SEMUEL 7:2

Nde, Nagawan Ndaut-nen Mbal Pem Nagawan ene lomboksa yoso nap Natan yak tosolar-e: ”An-e nuwi-ge e Libanon-nen ngatluk lobok yidnak pem wiridnak wi konak arem-et worasu-t nde, urul pidnak wene labu mbarag-e sum-nen wiridnak wi o lije iri na arem nde worasu yu ki-o” luk yak tij-o.

NDAWI ENGGA 119:106

Kat-nen mot mot mbaridnak wene iri na puksa tena wolmomtak pem-e an-nen ”Irit kwarimin-o” luk owak mbarigi iri na-ge ndak ndak tak pimin-o.

NDAWI ENGGA 46:11

Nagawan Indo Mondok Amawi Worak iri na-ge nit ninmin worasu-o. Yakup Embal Pem Nagawan-e nggetlel nunpuruk worasu-o.

NDAWI ENGGA 65:1

Mbal Pem Nagawan wa-e. Nit-nen kat kerembel wanogolat, nit-nen kat kimin ”Irit kwarul-o” luk urul pidnak ereba na ndak ndak tak pogolat yurak iri-ge Sion nak-nen kwarurag-o.

YESAYA 49:26

An-nen-e kunuwim nab-e inndi lak lak tak posola, it nak it nak wat kerak mbuwa-o. Iri kwarogolat, ap enlem oboksa-nen enaru yogolar-e, Nagawan Indo kinmiri yoso nap an neresa-nen kinmiri yusu-o luk enaru ma-o. Iri-nen an-e Yakup Embal Pem Nagawan Mondok Amawi Worak wisirik konposo-nen yusu-o luk enaru ma-o” luk yij-o.

YESAYA 60:16

Kwami-nen inlirak ndegel onpogolat enparugu woragwi nggal, nagawan nagawan min ap enlem oboksa-nen ndegel kobogolat wolma-o. Iri yogola, kat-nen yebet kasolar-e: ’Nagawan Indo iri-ge an nimiri yoso, nde, Isarael Embal Pem Nagawan mondok amawi worag-e an wisirik noboso-nen yusu-o’ luk yebet kagun-o.