NDAWI ENGGA 132:11 - Nanduk Ngget Tul Pidnak Wene

¹¹ Nagawan Indo-nen urul Ndaut yak tosolat owak mbarid iri na-ge mondok lugud tak puwa bug-o. At-nen yosolar-e: ”Kat kambararak misig-e an-nen nagawan tak ibimin-o. Iri rak pumu, kat kondolma o tena irit wolma-o.

NDAWI ENGGA 132:11 ပူးပေါင်းရင်းမြစ်များ

2 SEMUEL 7:12

Kat nde kindi worak luk wat yosola-ge, komborak endam-et yapma kubukmu, kat kambararak misig-e nagawan tak ibimin-o. At iri-nen-e an nuwi wuruwa-o. Nde, at-nen tenagidnak wi-ge an-nen tugup lak tak pumu, at-nen tenagidnak wi irit wolma-o. Worala-ge, at-nen wigarak mbi-nen nagawan irit woralat at-nen tenagidnak wi-ge pempa tena irit wolma-o.

2 SEMUEL 7:14

Nde, an-e at eid kwat yimin-o. Nde, ar-e an nambara kwat ma-o. At-nen nde lugud tak kwarosola-ge, ineidtak-nen enmbararak undugwi nggal-et wirimin-o.

2 SEMUEL 7:16

Kat-nen wigarag-e pempa wolma-o. Nde, an-nen-e kat-nen tenagidnak wi-ge pem irit wolmakluk tena woramin-o. Tena worala-ge, kat-nen wigarag-e pem irit nagawan irit wolma-o’ yij-o luk yak turag-o” luk Natan yak tij-o.

1 NAGAWAN NAGAWAN-NEN KWARIDNAK WENE 1:48

tepan yosolar-e: ’Nagawan Indo Isarael nap-nen kek tak kubugwi Mbal Pem Nagawan wa-e. Kat nak kerembel wanurag-o. Nde, yawo-ge an nambara misik an nondolma kat-nen mendak pigen-o. Kat-nen-e an nambara nagawan men yosola, nerengen-nen kujwakluk, an nuruk wolmomtak tena woraigen-o’ luk tepan yij-o” luk yij-o.

1 NAGAWAN NAGAWAN-NEN KWARIDNAK WENE 8:25

Nde, misig-e kat-nen an neid urul yak tosolar-e: ’Kat-nen wigarak-nen nde kat-nen kwaroso nggal ndemeret an-nen yidnak yidnak kwarosola-ge, kat-nen wigarag-e pem irit Isarael nap enanggul pem nagawan men yik tenak wolma-o’ yak tigen-o. Iri yigen iri na-ge Nagawan Indo Isarael nap Enmbal Pem Nagawan wa-e. Kat-nen ndegel koboso nap an neid Ndaut yak tigen iri na yawo ndak ndak tak pi-o.

NDAWI ENGGA 110:4

Nagawan Indo-nen mondok owak mbarosolat urul pid iri-ge mondok nin tak puwa bug-o. At-nen urul posolar-e: ”Kar-e Melkisendek nggal pem irit tepan ombo woralik nalik irit woragun-o” luk yij-o.

NDAWI ENGGA 89:33

Iri kwarimin-et nde, an-e pem irit Ndaut iri na abuwa kasolat woramin-o. An-nen mot mot tugup lak kwaroso iri-ge lugud tak pimin pug-o.

NDAWI ENGGA 89:35

Pem wolmomtak amanggim an-nen misik pem urul posolat-nen owak mbarosolar-e: ’An nunu marak iri na bem owak mbarusu-o. An-e Ndaut imin-e mondok nenesiget yimin pug-o.’

NDAWI ENGGA 89:37

Mbal pem woraso waneya iri-ge mondok aru-o. At-nen tenagidnak wi-ge waneya nggal pem irit wolma-o” luk yigen-o.

NDAWI ENGGA 89:5

Nagawan Indo wa-e. Aid arem woragwi-nen-e kat-nen kwiye worak mende kwaroso ereba na bem kerembel wanogolat, kat-nen mot mot tugup lak kwaroso bem ndawi ngarogolat kwatli-o.

WONARIDNAK WENE 23:19

Mbal Pem Nagawan iri-ge ki nap nggal enesiget yoso bug-o. ’O! Niri nera-o’ na yoso buk. Mbal Pem Nagawan-nen nde ’Irit kwarimin-o’ yosolug-e, mondok iri na-t kwaroso-o. Nde, at-nen nde wene yosola-ge, mondok yidnak iri nat kwat yoso-o.

LUKAS 1:32

Nde, at iri-ge ap nggulok irit ma-o. Ap-nen at imin-e: ’Kar-e Kek tak Woraso Mbal Pem Nagawan Ambara-o’ luk yuwa-o. Nagawan Indo Mbal Pem Nagawan-nen-e at ombo Ndaud ondolma irit nagawan tak puwa-o.

YIDNAK YIDNAK WENE 2:30

Iri bem-e at Ndaud na-ge Mbal Pem Nagawan ene lomboksa yoso nap me, Mbal Pem Nagawan-nen owak mbatluk urul posolar-e: ’Kat-nen ndakun lolo misig-e an-nen nagawan tak pumu-ge, nagawan kat kore yoso ondoro ebem-et kore yuwa-o’ luk yidnak wene iri-ge Ndaud na aru woragaij-o.

IBERANI 6:18

Mbal Pem Nagawan-nen urul pid min owak mbarid min wene mberen iri-ge tuguruk nden kujwa-ge lak me, Mbal Pem Nagawan-e enesiget yurag-e meya-o. Iri bem-e nit ninmiri yuwakluk Mbal Pem Nagawan indipma worali nap nit-nen-e abok-nen wok nundurak lid lud tak pidnak iri na bem nit ninndi mbung mbung tak pidnak iri-ge puksa tena wolmomtag-o.

1 SEMUEL 15:29

Isarael nap Enmbal Pem Nagawan Kek tak iri-ge ki nap inndi nggal-e lak me, enesiget na yoso buk, at indi-nen pidnak iri-ge mborok tak poso buk-nen yusu-o” luk yak tij-o.