NDAWI ENGGA 126:4 - Nanduk Ngget Tul Pidnak Wene

⁴ Nagawan Indo wa-e. Yi eberek yidnag-et nde, talme mboso tarem-nen tuguruk ebe rak pusu iri na nggal, ap ininggiyapma-nen wesera tuguruk nenma ninpil mbiri-o.

NDAWI ENGGA 126:4 ပူးပေါင်းရင်းမြစ်များ

NDAWI ENGGA 126:1

Nagawan Indo-nen nir-e ap ininggiyapma-nen tuguruk Yerusalem ninpil lobok yosola-ge, nir-e nabi kaidnak nggal nde yige-o!

YESAYA 35:6

Ap onowak wat yidnak-nen na onowak mot luk, urusa wam-nen kwaroso nggal kud mbok kud mbok mborogolat, ap enne lak woragwi-nen na enne kuwakluk, enalen-nen enne nggoksa yogolat yuwa-o. Yi lak ma nembaga karu me-t nde, yi ulusu pilana wasolat, karu me-t nde, yi mborosolat ma-o.

YESAYA 41:18

An-nen kwarosolar-e, ndobo usu nggwarak pem-et nde, yi wirik posolat, mbirik yamuk tak ma-t nde, yi ulusu pilana mbo bil luwaso rak posolat kwarimin-o. Nembaga karu me-t nde, yi ugup yenggera pil lobok yimin-o. Nggweyak le rak arem-net nde, yi pilana pil luwamin-o.

YESAYA 43:19

An-nen ngget nin kwarimin mende iri kwara lombot posolat wolmin-o. Yawo-ge tel kurusu-o. Tel kurusu yu-ge kar-e kasu buk, lak? An-nen nembaga tula ombolwak posolat, nembaga karu me yi wirik pil lobok yosolat yimin-o.

OSEA 1:11

Nde, enlem Yewura min enlem Isarael min-e tuguruk misiget tak unpuwa-o. It-nen-e ennggendumu nagawan misiget nak mendak puruk, ir-e enmawi yogolat, it unuwi nggweyak pem-e tuguruk kona yamuksa irit wolma-o. Nde, ndemeret hari Yisiriel iri-ge mondok nggok irit yebet kagwi kwat ma-o!

YOSUA 3:16

ereya na-net yi ombolwak na-ge mbuguksa labuk yij-o. Iri yosolar-e, yi urusu nggwe-ge yi-ge o siri Saran eralu ponok nggwe o siri Aram iri me yenggera labuk yij-o. Nde, umbut nggwe mbuguksa mbirid iri na-ge Wat Yoso Yi Koma arem nggoso-t nde, umbut nggwe abu mondok eberek yij-o. Iri kwasa ogorak nggilara labuk yamu, Isarael nab-e o Yeriko ndik pindik iri na nggwe ndil laiga-o. Ndil lagola-ge, tepan omborag-e urul pidnak labu mbarak kudsa iri na-ge yi ma iri na-t mendak worakmu, Isarael nap nggaruksa ndil lagola-net ndil laiga-o.