NDAWI ENGGA 119:144 - Nanduk Ngget Tul Pidnak Wene

¹⁴⁴ Kat-nen ”Irit kwarurag-o” luk yidnak wene iri-ge pempa mot mot irit woraso-nen yusu-o. An nuruk worayek-nen kat-nen nindi tenggerak pi-o.

NDAWI ENGGA 119:144 ပူးပေါင်းရင်းမြစ်များ

NDAWI ENGGA 119:138

Kat-nen ”Irit kwarurag-o” nenpem pidnak wene-ge ndemeret mot mot ap-nen ebem inndi wat tak puruk wolmomtak ndak-net yusu-o.

NDAWI ENGGA 19:9

Nagawan Indo erembel wanogolat wolmomtak iri-ge pem irit kwat tenak wolmomtak konak-nen yusu-o. Nagawan Indo-nen yidnak wene iri-ge oboksa ndemeret mot mot-nen yusu-o.

NGGOMO WENE 7:2

Kat kalen min-et kuruk worayeklug-e, an-nen nggomo kurusu yeba ndak ndag-et kwarurag-o. Kat-nen kerengen iri tigi rak puwa naru kwaluk kwarusu nggal-et an-nen mul kurusu yeba ndak ndag-et kwarurag-o.

NDANIEL 12:10

Ap kwarat inndi ngara iminep mbara keya unpuwa-o. Nde, meya kwarugwi nab-e wene yeba-ge yebet kagit lak, meya nak irit kwat tenak wolma-o. Nde, inndi nggat nggat worak nap nak-nen perak yeba-ge iri nggal-o luk yebet kujwa-o.

OSEA 4:6

Tepan ombo kit-nen-e an-e no mende nggal kinsili rak nibili-o. Iri kwarogola-ge, an nilirak-nen na an-e no mende nggal tag-et nibili me, enlengenwak lak yili-o. Kir-e an-nen mul kindidnak wene mondok keya bili-o. Iri yogola karuk, an-nen na kir-e keya konposolat, kit kinlirak na an-nen-e an-nen idnak tepan ombo luk enperamin pug-o.

MATIUS 13:19

Ap misig-e Mbal Pem Nagawan-nen tenagaidnak wi wene iri kulidnag-et nde, indi-nen yebet kasu buk ala-ge, Sere na lobok luk, at arem pil kaidnak uwi iri na mengga waruk mburusu iri-ge uwi tulabiyem mbidnak iri nggal-nen yusu-o.

MATIUS 5:18

An-e ndemeret yak kundusu-o: Mbal min nggweyak min lak yigit lak ma-ge, imiri mbarak pidnak wene arem mbarid-nak hurup marik komosa min titik mariget ter-o luk min-e iri arem mbarid-nak wene mondok pidsa ndak tak pigit lak ma-ge mondok lag-e ma bug-o.

YOANES 17:3

Unlug-et pem-et woralik nalik momtak elem-e ap-nen Mbal Pem Nagawan Lud tak Nak Kwaroso kat misiget nak enaru yogolat, kat wirik ibil lobok yigen nap Yesus Kerisut na enaru yogolat yugwi irir-o.

2 KORINTUS 4:6

Mbal Pem Nagawan-nen yosolar-e: ”Ndamuk arem-nen yaya yuwag-o” luk yid Mbal Pem Nagawan at-net at eyaya-ge nit nenarem yaya rak pij-o. Iri yosolar-e, Mbal Pem Nagawan abinal-e Kerisut erare bem worasu abinal iri nenaru rak purak pem-nen iri yij-o.