NDAWI ENGGA 119:118 - Nanduk Ngget Tul Pidnak Wene

¹¹⁸ Kat-nen ”Irit kwat tenak wolmomtag-o” yidnak wene keya buruk lugud tak nggwe mbitli nab-e kat-nen keya unpusu-o. It-nen ap enmberam lagolat yebet kagwi iri-ge ebe lak mende-nen yusu-o.

NDAWI ENGGA 119:118 ပူးပေါင်းရင်းမြစ်များ

NDAWI ENGGA 95:10

It iri-nen an nisili rak pogolar-e, olengen empat pulu irit woraiga-o. An-nen yosolar-e: ’It ap enlem yu-ge yidnak yidnak ndemeret kwarugwi buk nab-et kagi-o! It iri-ge an-nen enpem pidnak wene-ge mondok kwarugwi bug-o’ luk yukmu-o.

YESAYA 44:20

Iri nggal kwarusu iri-ge mabe ninggidnak nggal-nen yusu-o. Ap iri-ge indi yebet kaso wid iri-nen amberam lasola, at indi imiri yurag-e meya yusu-o. At-nen-e ut memera ndak wosa pidnak mende at inggem worasu iri-ge ndemeret enmberam laso ebe lak mende-nen yusu-o luk para yigit lak yoso-o.

YESAYA 63:3

”An nelem nap ennggendumu ap misik-nen mbi yongga nirigit lag-o. Narig-et nak anggut engen amburu mbulugwi sa nggwigirik, anggut engen amburu mbologolat yemen kagwi nggal, ap enlem oboksa nisilepma bem nuwok-nen yemen eneyasola, eneyabi-ge yik sik luwasolar-e, nusum-e eneyabi-nen ngin luk keya bamu-o.

MALEAKI 4:3

Nde, iri tarem-e an-nen kit kwat konposola-ge, kit-nen-e meya yugwi nab-e urugwe nggwe rak unpugub-o. Iri yugupmu, it iri-ge mabe unuwok-nen yomndogolat lul wurugwi nggal kwarak unpugub-o.

LUKAS 21:24

Ap ereb-e yalawi bem ondogolat, ereb-e kamasa wok unpuruk yi wi ndi wi mborogolat ma-o. Mbal Pem Nagawan-nen kuri pidnak tarem ndak yigit lak worasola-ge, Mbal Pem Nagawan enaru buk nap-nen-e Yerusalem na-ge unuwok liri rak pogolat wolma-o” luk yij-o.

EPESUS 4:22

Iri bem-e, kir-e nanduk-nen kwarogolat woragwi kenpage iri na mondok keya ber-o. Nanduk-nen kwarugwi kenpage iri-ge at-nen ukwe ukwe yoso bem-e at na at-net kabak tak obosolat, meya yik korasu-o.

EPESUS 5:6

Ap-nen-e ebe lak wene iri na yak kondogolat, konmbol pem ludtag-e meya-o. Iri nggal kwarogolat woraidnak pem-e Mbal Pem Nagawan isilepma-ge at-nen yidnak wene kuruk tugwi nap enpem mbuma-o.

2 TIMOTIUS 3:13

Nde, meya yugwi nap min ap onmbol pem lagwi nap min-e meya kwarat ebem lud lud kwarogolar-e, ap onmbol pem lali-t nde, it na enambik onmbol pem lali-o.

1 YOANES 2:21

Iri ala-ge, kir-e ndemeret wene kenaru buk ala, engga yu mbal kundusu-ge lag-o. Are, ndemeret yoso Mbal Pem Nagawan iri-ge mondok enesiget yoso bug-o kenaru yili iri bem-nen engga yu mbal kundusu-o.

NAM PARA WENE 14:20

Anggut engen ereba na-ge o siri ombol nggwe mbepme-nen amburu mbotlosola-ge, amburu mbutlugwi iri me-nen-e yabi-ge yi ebe nggal wasolar-e, yubuktag-e sapi wam ombolwak pem-nen nggweyak ma nggal-o, nde, kuri-ge tiga ratus (300) kilometer irit mbirij-o.

NAM PARA WENE 18:23

O siri iri me-nen-e tal yaya na kujwa bug-o. Nde, kwe wok kerak mbugwi tarem sakolat inni enne na o iri me-nen-e kuluwa bug-o. O iri me woragwi toko winde-ge nggweyak ma yu-nen mondok anggu obok worak woraiga-o. Nde, o iri me woragwi kwal ombo-nen-e nggweyak ma nap enlem pidsa onmbol pem laiga-o” luk yij-o.