NDAWI ENGGA 118:24 - Nanduk Ngget Tul Pidnak Wene

²⁴ Nagawan Indo-nen lenak pidnak tarem-e yur-o. Yu tarem-et nir-e nenalen pem nggok sakolat wolmog-o.

NDAWI ENGGA 118:24 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 8:66

Iri kwarogolat tuju bem nggok sakolat worarug-e, delapan pem tak pogolar-e ap ereba na-ge Salomo-nen-e ”Kenma mberer-o” yak endamu, mbiriga-o. Mborogolar-e, it oboksa-nen Salomo kek tak puruk, inndi alen min-et enma lombok mbiriga-o. Salomo kek tak piga iri-ge Nagawan Indo-nen at imbiringgat oboksa at ndegel oboso nap Ndaut min Isarael nap min wok indidnak pem-nen kwariga-o.

NEMIA 8:10

Yawo-ge kenma lombok mberer-o. Mburugupndik kenalen pem-et yi nonggolat, nunggwi mende nonggolat kwarer-o. Nde, kit-nen-e nunggwi mende min anggut engen amburu min-e it ininggem lak nggal worali ereba mak ender-o. Yawo-ge Nagawan Indo nak erembel wanurak tarem me, kir-e kinndi puru yurak pug-o. Nagawan Indo-nen wok kundusu enalen kagwi elem iri-nen kenmawi rak kunpuwa-o” luk yiga-o.

NDAWI ENGGA 84:10

Seribu hari nin me wolmomtag-e ob-et nde, misik tarem nak kat kama wolmomtak iri-ge konak lombok-nen yusu-o. Meya yugwi nap enma wolmomtak nggal, Nembal Pem Nagawan uwi tu mende yik karok woraso nap kwat yurak perak an-e nindingen-o.

YESAYA 58:13

Nagawan Indo-nen yosolar-e: ”An-nen we woragi tarem iri-ge an namanggim mondok kek tak purag-o. We woragwi tarem-e kit kondomok kenmanggim kwarogolat wolmomtak pug-o. We woragwi tarem iri kek tak pogolar-e, nin me nan me mbirigit lak, yabu na mondok wanigit lak, ebe lak wene na yigit lak nde ala-ge,

YIDNAK YIDNAK WENE 20:7

Nde, minggu tarem-e nir-e mburu ndeksa mbo nokluk ndok wirigerik woragola-ge, Paulus na-ge kup mbururak me, at-nen anggamirak tak inpidnak nap wene yak enderenak irit worasoma, o nggiringgendumu yij-o.

NAM PARA WENE 1:10

Nde, Nagawan Indo-nen idnak tarem-nen-e Konak Indi an narem nggosola-ge, an nombol nggwe-nen ene nggulok mbi, posid poba ene nggal, iri-nen wene yosola, kuligi-o.