NDAWI ENGGA 116:9 - Nanduk Ngget Tul Pidnak Wene

⁹ Iri kwarosola, an-e Nagawan Indo erengen pem waring kasolar-e, ap woragwi sa nggweyakma yu me waring kasu-o.

NDAWI ENGGA 116:9 ပူးပေါင်းရင်းမြစ်များ

NDAK WIRIDNAK WENE 17:1

Nde, Abaram na woralar-e, olengen sembilan pulu sembilan (99) pem worasoma-ge, Nagawan Indo at imbiri bem nam yosolat-nen yak tosolar-e: ”An-e Mondok Namawi worak Mbal Pem Nagawan-nen yusu-o. Kar-e an-nen yidnak yidnak nak kwarosolat, pempa an nindi-nen pidnak nak kwarosolat wolmin-o.

1 NAGAWAN NAGAWAN-NEN KWARIDNAK WENE 2:4

Kat-nen nde Nagawan Indo-nen yidnak yidnag-et kwarosola-ge, at-nen an nimin urul posolat: ’Kat-nen wigarak-nen-e Isarael nap tena unpuruk wolma-o. Mbigija-ge it-nen inndi min enpe min ebis-et tugup lak pempa-nen an-nen yidnak yidnak kwat tenak wolma iri nag-o’ luk yid iri na-ge kwaruwar-o.

1 NAGAWAN NAGAWAN-NEN KWARIDNAK WENE 8:25

Nde, misig-e kat-nen an neid urul yak tosolar-e: ’Kat-nen wigarak-nen nde kat-nen kwaroso nggal ndemeret an-nen yidnak yidnak kwarosola-ge, kat-nen wigarag-e pem irit Isarael nap enanggul pem nagawan men yik tenak wolma-o’ yak tigen-o. Iri yigen iri na-ge Nagawan Indo Isarael nap Enmbal Pem Nagawan wa-e. Kat-nen ndegel koboso nap an neid Ndaut yak tigen iri na yawo ndak ndak tak pi-o.

1 NAGAWAN NAGAWAN-NEN KWARIDNAK WENE 9:4

Kat nde an ndegel nobosolat, keid Ndaut-nen kwarosolat woragid nggal-et ndemeret kindi min-et mot mor-et kwarosolat, an-nen idnak imiri mbarak pidnak wene-nen yidnak yidnak kwarosolat, kwarurak kebem pidnak ndak ndak kwarosola-ge,

NDAWI ENGGA 27:13

An nindi-nen-e an nuruk nggweyakma yu me woralar-e, Nagawan Indo-nen konak nak kwat onposo elem iri na-ge kamin-er-o luk naru worasu-o.

YESAYA 53:8

Ar-e tenaguruk, ebem wene mbenatlug-e, waruk mbirigarik, wiriga-o. Ap misiger-o luk tet at ambigit yigit lag-o. Ar-e nit nenlem nap-nen meya kwarugwi bem-et wat yij-o.

LUKAS 1:6

Nagawan Indo-nen ”Irit kwarurag-o” yidnak min imiri mbarak pidnak wene min iri-nen yidnak yidnak nak kwarogola-ge, Mbal Pem Nagawan-nen it enmberek eneyasolar-e, it enmbereg-e mot mot kwarugwi irit eneyagaij-o.

LUKAS 1:75

kunluk woragolar-e, pempa an namanggim nak woragolat, an nindi nak alen tak pogolat yugub-o’ luk yak tij-o.