NDAWI ENGGA 116:5 - Nanduk Ngget Tul Pidnak Wene

⁵ Nagawan Indo iri-ge enabuwa kasolat, ndemeret mot mot kwaroso-net yusu-o. Nit Nenmbal Pem Nagawan iri-ge enabuwa kaso elem-nen yusu-o.

NDAWI ENGGA 116:5 ပူးပေါင်းရင်းမြစ်များ

ESERA 9:15

Nagawan Indo Isarael nap Nenmbal Pem Nagawan wa-e. Kar-e mondok lud tak nak kwaroso me, nit-nen kwarugwi bem nundurag-et nde, kat-nen-e nunluk keya nunpusu-o. Nit-nen meya kwarugwi-ge kimbiri bem patli-o. Nit-nen kat kerare bem wok momtag-e mondok meya-o” luk yij-o.

NEMIA 9:17

It-nen-e kat-nen yidnak yidnak kwarigit lak yiga-o, Iri-nen kat-nen konak kwat onposo ereba na meme rak piga-o. Nde, kat-nen kwiye worak mende it enlengen pem kwarigen ereba na-ge ir-e meme rak piga-o. Iri yogolar-e, tuguruk ndegel unpugwi nap tak unpuwakluk Mesira lit unpuruk mbururak it-nen ene kulurak nap misik inndi kek tak pem liniga-o. Alat nde, kar-e ap-nen lugud tak kwaridnak kamberam tak poso Mbal Pem Nagawan-nen yusu-o. Kar-e mamak puruk woraso, kindi konak enabuwa kwarat kaso-o. Kar-e ap unpud kwiye worak kaso iri na bem-nen it iri na-ge keya inpigit lak yigen-o.

NEMIA 9:31

Alat nde, kat-nen mondok kwarat unpud kaso iri na-nen ndowaga, kat-nen-e abu abu keya onposolat, mondok lak tak onposolat kwarigit lag-o. Mbal Pem Nagawan kar-e erep min ndak wururag-e meya-o. Kat-nen enabuwa kaso elem nggok iri bem-net kwara unpud kaso-o!

NEMIA 9:33

Kat-nen-e mot mor-et kwarosolat, nit meya kwarogola-ge, onggo angin worag-et nenpem pusu-o. Nir-e meya nak kobong tak woragola-t nde, kar-e mondok tugup lak irit kwaroso-o.

NEMIA 9:8

Kat-nen kasolar-e, Abarakam iri-ge mondok tugup lak, kat-nen yidnak yidnak nak kwaroso irit karuk, kat-nen-e at imin-e: ’Urul yak kurusu yu-ge mborok tak pimin pug-o’ luk urul watsa irit yak tigen-o. Iri yak tosolar-e: ’Kanaan nap min Et nap min Amori nap min Peris nap min Yebus nap min Nggekasi nap min onnggweyak oboksa-ge an-nen kegera wok kurumu-ge, kat-nen wigarak iri-net ombo wolma-o’ luk yak tigen iri na-ge kar-e ndemeret lugud tak kwaroso buk me, urul yak tigen iri na ndak ndag-et kwat ibigen-o.

NDAWI ENGGA 103:8

Nagawan Indo-ge unpud kasolat, enabuwa kwarat kasolat yoso elem me, mondok mamak puruk worasolat, kwarat enabuwa kaso-nen yusu-o.

NDAWI ENGGA 112:4

Mot mot kwarugwi nap min ndak ndak kwarugwi nap min unpud kagwi nap min enabuwa kagwi nap min enambigir-e ndamuk arem-net nde, yaya abinal-e enpem poso-o.

NDAWI ENGGA 115:1

Nit kek tak nunpurag-e lag-o. Nagawan Indo wa-e. Nit kek tak nunpurag-e lag-o. Kar-e pempa tugup lak nenabuwa kaso me, mondok kat nak kek tak kuburag-o.

NDAWI ENGGA 119:137

Nagawan Indo wa-e. Kar-e ndemeret mot mot kwaroso me, kat-nen idnak imiri mbarak pidnak wene-ge ndemeret mot mot-net yusu-o.

NDAWI ENGGA 145:17

Nagawan Indo-nen kwaroso mende oboksa bem-e mot mot nak kwarosolat, at-nen kwaroso mende oboksa bem na enabuwa bem-et kwaroso-o.

YESAYA 45:21

Kit-nen konowene nam-et nak yak nerer-o. Ndemerer-o luk yurak wene-ge para nam-et nak yer-o. It ereba-ge lambuksa wene mbaruwag-o. Ta-nen nanduk-net wene iri-ge wigarosolat, kenaru rak posolat kwaramu-o? Nagawan Indo an-net kwarukmu-o. Kugwiwak Mbal Pem Nagawan an nggal misik mbi worasu-ge lag-o. An-e mot mot kwarosolat, inmiri yosolat Mbal Pem Nagawan-nen yusu-o. An nggal nin mbi worasu bug-o.

NDANIEL 9:14

Nagawan Indo Nenmbal Pem Nagawan wa-e. Lak tak onposo mende kat-nen lid lud tak pigen ereba na bem angin worak nenpem pigen-o. Kat-nen kwat ninpigen-e il pem lud tag-et kwat ninpigen-et nde, kat-nen yidnak wene-ge nir-e kwara kuligit lak yige-o.

NDANIEL 9:7

Nagawan Indo wa-e. Kat-nen kwaroso-ge pempa ndemeret mot mot lud tak nak kwaroso-nen yusu-o. Alat nde, nit-nen-e nondomok ninnggiri rak purak mende nak kwatli-o. Nde, iri kwarugwi iri-ge nit Yurea woragwi nap oboksa min Yerusalem woragwi nap min nit nenlem nap oboksa-nen tugup lak kat-nen yidnak yidnak kwarigit lak yidnak pem kat-nen-e o erepma min koroga min ndibi ndi rak inpigen irir-o.

NDANIEL 9:9

Nir-e kat kimin wim mbarogola-t nde, kar-e nit nunpud karuk, nit meya yidnak kamberam tak nonposo-nen yusu-o.

EPESUS 2:4

Alat nde, Mbal Pem Nagawan-nen ap unpud kaso elem iri mondok kwarat ala, ar-e nit nenabuwa mondok nggulog-et kaso me,

1 TIMOTIUS 1:14

Nde, Nenagawan Indo-nen-e we wok ondoso elem kwarat tak nobosolar-e, Kerisut Yesus ebem-nen-e inndi angin tubu yugwi elem min enabuwa kagwi elem min wok nirij-o.

1 YOANES 1:9

Mbal Pem Nagawan-e mot mot nak, ndung tak na kwaroso me, nit-nen meya yidnak para yak togola-ge, nit meya yidnag-e at amberam tak puruk, nit meya yugwi mende pidsa marak nunpuwa-o.