NDAWI ENGGA 116:1 - Nanduk Ngget Tul Pidnak Wene

¹ Nagawan Indo-nen-e an nene kolosolat, an-nen nggi yidnak mende kwara nene koloso bem-e Nagawan Indo iri-ge an nindi kundik-nen yusu-o.

NDAWI ENGGA 116:1 ပူးပေါင်းရင်းမြစ်များ

NDAK WIRIDNAK WENE 35:2

Yosoloma, Yakup-nen at ogwela min at imin worali nap ereba na min oboksa yak ondosolar-e: ”Nir-e yu me-nen Mbetel mburul-o. Mburulndik, Mbetel iri me-nen-e an nebem angin worak mende mbosola yongga norosolat, an yeba waring kasola nggetlel nobosolat kwaroso Mbal Pem Nagawan iri na amanggim wam wosa kan purak ondoro konimin-o. Iri bem-e, kit-nen erembel wanugwi nin ereba-ge mondok mbo burag-o. Kondomoktak-nen kit meya yidnak keya bogolat-nen kwarugwi mende irit kwarer-o. Iri luk, mondok sum marak konak nak yerer-o” luk yak indij-o.

1 NAGAWAN NAGAWAN-NEN KWARIDNAK WENE 9:3

Nagawan Indo-nen at yak tosolar-e: ”Kat-nen tepan yigen-e kuligi-o. Iri bem-e o kat-nen wirigen yu-ge pempa an nerembel wanogolat wolmomtak uwi irit lenak pigi-o. Nde, o yu-ge an-nen kwara yik karok woralat, ndogorosolat woramin-o.

NDAWI ENGGA 119:132

Kat-nen ap kat kebem inndi kundugu woragwi nap enabuwa kaso nggal-et nden yaga yik neyaruk, nabuwa ki-o.

NDAWI ENGGA 40:1

Nde, an-e mondok mamak puruk irit Nagawan Indo-nen yongga nururak yik karok worasola-ge, at-nen lombot nuburug-e, nene kulij-o.

NDAWI ENGGA 69:33

Nagawan Indo-ge insilobulo lak nap enne-ge koloso-o. At ilirak o kubu me worali nab-e meme rak onposo bug-o.

YUNUS 2:3

Kat-nen-e yubuk tak ma mbo nibil nggwigenma, yi koma erabun pem ud me-t wok yigi-o. Iri me-nen-e yi amawi-nen muruk tak nibij-o. Yi koma puk kuruk ket mbet suarep mbuwarep lobok yosolar-e, an-e lel yaga mbud tak nibij-o.

WONARIDNAK WENE 21:3

Yogolikma-ge, Nagawan Indo-nen kulurug-e, yongga ondosolar-e, Isarael nap-nen-e Kanaan nap iri na-ge mondok pinik ondogolat, unuwi siri min lak tak unpuruk, o iri na unu-ge Koroma yariga-o.

MARAKUS 12:33

ap-nen at abuwa kagolar-e, enpe min inndi min enmawi min pidsa-nen at abuwa kudtag-o. Nde, it enambik enabuwa kali nggal-et ennggamirak enabuwa kudtag-o. Nde, Mbal Pem Nagawan amanggim wam ebis-et kan pili min wam witli min iri-ge teberag-et nde, iri kwarugwi iri-ge nggok-nen yusu-o” luk yij-o.

YOANES 16:24

Kir-e nanduk-net an nunu bem yi mende ndi mende mbi nggi yigit lak worali-o. Kit kenalen na iminep mbal maklug-e, nggi yer-o. Nde, nggi yogola-ge, wanugub-er-o” luk yij-o.

YOANES 21:17

Yak turuk, kenan pem tak posolat Yesus-nen at yak tosolar-e: ”Yona ambara Simon wa-e. Kar-e an nabuwa kasu, lak?” luk yak tij-o. Nde, Yesus-nen kenan pem-et: ”Kar-e an nabuwa kasu, lak?” luk yak tosola karuk, at Peterus na indi puru luk-nen Yesus yak tosolar-e: ”Nagawan Indo wa-e. Kar-e pidsa karu me, an-nen kat kabuwa kaso iri-ge kat karu irir-o!” luk yosoloma-ge, Yesus-nen at yak tosolar-e: ”Iri ala-ge, an nolomba wam parugu wolmin-o.

1 YOANES 4:19

Mbal Pem Nagawan nanduk-nen nit nenabuwa kaidnak pem, nit-nen na enabuwa kagwi-o.

1 SEMUEL 1:26

Eram pil mborosolat-nen Ana-nen Eli yak tosolar-e: ”Nab-o. Kar-e an yenggerak nubusu, lak? An-e Nagawan Indo eram tepan yosolat yu me mendak woragi kwe iri na-net yusu-o.