NDAWI ENGGA 115:4 - Nanduk Ngget Tul Pidnak Wene

⁴ It unkugwiwak emas min perak min-nen konidnak ereba-ge ininggi-nen konidnak mende-nen yusu-o.

NDAWI ENGGA 115:4 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 18:26

Yak ondosoloma-ge, it-nen-e sapi misik wanurug-e, wosa mbara kan pem puruk, Mbaal iri na emengen mbal tenak kuplila-nen pak mbiga lenggesilmu irit yij-o. Iri kwarogolar-e, wam kan purak lid lud tak piga iri na inggi nggwe kot kil waring kagolat-nen kwariga-o. Alat nde, mondok enne erep mbi nggarigit lag-o.

1 NAGAWAN NAGAWAN-NEN KWARIDNAK WENE 18:29

It iri-ge ap kugwi enarem nggwidnak nap-nen kwarugwi nggal irit kwat tenak worakmu, o na-ge abu keyama yij-et nde, enne erep mariget tet mondok nggarigit lag-o. Mondok mariget tet yebet eneyagit lag-o.

2 NAGAWAN NAGAWAN-NEN KWARIDNAK WENE 19:18

Nde, it unkugwiwag-e mondok amawi lak, kerep min e min pem ininggi-nen ndak wiridnak mende me, unkugwiwak min-et ndamera kan pogolat kwarugwi-o.

YESAYA 42:17

Ta-nen nde kugwiwak ereba na bem nde inndi wat tak puruk woragolat, kugwiwak ereba na min-e ’Yu-ge nit nenmbal pem nagawan-er-o’ yugwi nab-e nggweyel onpogolat, innggiri rak puwa-o” luk yij-o.

YESAYA 44:10

Yi mende ndi mende ut memera kugwiwak misik ndak worak puruk, mbal pem nagawan nggal tak puruk, erembel wanili iri-ge ebe lak mende-t kwatli-o.

YESAYA 44:20

Iri nggal kwarusu iri-ge mabe ninggidnak nggal-nen yusu-o. Ap iri-ge indi yebet kaso wid iri-nen amberam lasola, at indi imiri yurag-e meya yusu-o. At-nen-e ut memera ndak wosa pidnak mende at inggem worasu iri-ge ndemeret enmberam laso ebe lak mende-nen yusu-o luk para yigit lak yoso-o.

YESAYA 44:9

Ap kugwiwak ut memera inggi ijok kwasa ndak wurugwi nab-e ebe lak mende-nen yili-o. It-nen erembel wanugwi kugwiwak iri na ebe lak mende-nen yusu-o. Kugwiwak ut memera ndak wiridnak iri na erembel wanugwi nab-e mondok enlengen ngguru, mondok mariget tet enaru buk nap me, innggiri kujwa-o.

NDANIEL 3:5

Nde, ndawi yogolat-nen ene rak pugwi mende ene rak pogola, kologolat ereya na-net Nebukatnesat-nen ndak wirid iri na erembel wanogolat yud tud mbugup na-e.

NDANIEL 5:23

Nde, nap kar-e kindi kek tak posolat, Nagawan Indo aid arem woraso iri na tebe rak posolar-e, kar-e kwiye lag-et Nagawan Indo ama woraso waruk lobok yidnak embe ereba na waruk nggumer-o yosoluk, kat min kat-nen idnak ap yok nggok min kogwerak min ndegel kubugwi kweyap kat-nen inmin woraso ereba min kit-nen embe ereba na bem-nen kenangga ninggeb-o. Iri kwarosolar-e, kar-e emas min perak min tembaga min mbesi min e min kerep min pem-nen konidnak kugwiwak, erengen-nen na kaso buk, eyanggo-nen na wene koloso buk, indi-nen na yebet kaso buk ereba na erembel wanigen-o. Iri yosolar-e, nap kat kuruk wolmomtak min wat momtak min kat-nen wolmomtak tula min imineb-e at inggem nak worasu Mbal Pem Nagawan iri na-ge kar-e kek tak pigit lak yigen-o.

YIDNAK YIDNAK WENE 19:26

Nde, Epesus yu me nag-e lag-o. Are, Asia nggweyak yi wi ndi wi pidsa-nen na ap Paulus iri-nen-e ap enarem woragosolat, inndi nden eneyasolat yusu iri-ge kit-nen kagolat kologolat kwatli irir-o. At iri-nen yosolar-e: ’Ap ininggi-nen konidnak mende iri-ge erembel wanugwi Mbal Pem Nagawan-e lag-o’ luk yusu-o.

YIDNAK YIDNAK WENE 19:35

Iri lug-e, o iri me engga mbaroso nap mbi-nen it unsune lak tak puruk-nen yosolar-e: ”Epesus nap wa-e. O Epesus wi yu me-nen-e kugi kwe Aretemis nggulok na uwi min at amorok ndak worak mbal pem-nen mbuwaidnak min kir-e yik karok woragwi-o luk ap misiger-o luk tet nggweyak ma yu-nen-e iri aru buk nab-e ta-o?

TUGURUK YIDNAK WENE 4:28

Iri yuwama ereba woragolar-e, ki nap ininggi-nen e bem ala na, kerep pem ala na ndak wiridnak kugwiwak erengen na kaso buk, eyanggo-nen na koloso buk, naso na buk, emben na kaso buk ininggi-nen ndak wiridnak kugwiwak ereba na nde erembel wanogolat woragub-o.