NDAWI ENGGA 115:16 - Nanduk Ngget Tul Pidnak Wene

¹⁶ Mbal iri-ge Nagawan Indo arengge-t nde, nggweyak perak nggweyakma nap wok endamu-o.

NDAWI ENGGA 115:16 ပူးပေါင်းရင်းမြစ်များ

NDAWI ENGGA 148:4

Mbal mondok kek tak teram eid wa-e. At nak erembel wani-o! Mbal ombol pem worasu yi wa-e. At nak erembel wani-o!

NDAWI ENGGA 8:6

Kat-nen kek tak unpuruk, kat-nen o yu oboksa it ininggem pigen-o. Kat-nen ndak worak pidnak mende oboksa it ininggiyapma rak posolar-e,

NDAWI ENGGA 89:11

Mbal min nggweyak min iri-ge kat karengge-nen yusu-o. O yu min ebem woraso mende oboksa min-e kat-nen ndak worak pigen-o.

NDAWI ENGGA 89:12

Kat-nen nak abare abam (utara) nggwe min abare ena (selatan) nggwe min-e ndak worak pigenma-o. Ndobo Tabot min Eremon min-e enalen pem kat kebem ndawi ngatli-o.

YESAYA 45:18

Nagawan Indo mbal ndak worak pid iri-ge Mbal Pem Nagawan-net yusu-o! At iri-net o yu-ge kwarak posolat, ndak worak pamu-o. Iri yamu, o yu-ge tugup lak irit mendak worasu-o. At-nen o ndak worosolar-e, we o nak ap tuporak wolmakluk ndak wirigit lag-o. Are, enpe wolmomtak ondoro worak irit ndak worak pamu-o. At-nen yosolar-e: ”An-e Nagawan Indo-nen yusu-o. An nggal erep mbi worali-ge mondok lag-o.

YESAYA 66:1

Nagawan Indo-nen yosolar-e: ”Mbal iri-ge an koreyak woraso nondoro-nen yusu-o. Nde, nggweyag-e an nuwok poso ondoro-nen yusu-o. Iri ala karug-e, an namanggim-e o-ge ngge kwarak nggal wurugun-o? An wolmomtak nondoro-ge no nggal wurugun-o?

YOANES 14:2

An Neid ama-ge wolmomtak sa-ge kwarat worasu me, an-e kit kondoro konil mburusu-o. Wene yu-ge ebe lak yurak nggal-e, an-e yak kendelep pug-o.

TUGURUK YIDNAK WENE 10:14

Nagawan Indo Kenmbal Pem Nagawan-nen winde yosolar-e, mbal tap amberam kuri min nggweyak min nggweyak ma woraso oboksa min-e at arengge-nen yusu-o.

TUGURUK YIDNAK WENE 32:8

Amawi Worak Mondok Kek tak iri na-nen nggweyak tomborosolar-e, ap enlem lombok oboksa-nen it wolmomtak unuwi nggweyak lombok kuri wosa mbal indil lobok yamu-o. It-nen erembel wanurak enmbal pem nagawan amawi worak lombog-et winde rak enpamu-o.