NDAWI ENGGA 115:12 - Nanduk Ngget Tul Pidnak Wene

¹² Nagawan Indo-nen indi yebet neneyarug-e, at-nen imbiringgat tak nunpuwa-o. At-nen Isarael nap min tepan ombo Arun-nen wigarak oboksa min imbiringgat tak unpuwa-o.

NDAWI ENGGA 115:12 ပူးပေါင်းရင်းမြစ်များ

NDAK WIRIDNAK WENE 8:1

Nde, Mbal Pem Nagawan-nen-e Nu min towe mena oboksa Nu imin e koma wi wirid iri na arem worasu ereba na-ge meme rak inpigit lag-o. Are, indi-ge enpem-et woralar-e, Mbal Pem Nagawan-nen-e obube puk kujwakluk obube rak pamu-ge, obube-nen puk kasolar-e, yi na-ge eberek yil mboso kwat yij-o.

NDAWI ENGGA 135:19

Isarael nap wa-e. Nagawan Indo nak erembel waner-o. Mbal Pem Nagawan-nen idnak tepan ombo wa-e. At nak erembel waner-o!

NDAWI ENGGA 136:23

Nit urugwe nggwe rak nonpogola-ge, at-nen-e meme rak nunpuruk keya ninpigit lag-o. At-nen-e pem kundugu irit enabuwa yoso-nen yusu-o.

NDAWI ENGGA 67:7

Mbal Pem Nagawan-nen-e imbiringgat tak ninpidnak pem yi wi ndi wi oboksa-nen at nak kek tak obogolat wolmag-o.

YESAYA 44:21

Nagawan Indo-nen yosolar-e: ”Isarael wa-e. Kar-e an ndegel noboso nap me, kar-e yeba oboksa kindi yeberak wolmin-o. Kar-e an ndegel noboso nap yonokluk, kar-e an-net kwarak kubukmu-o. Isarael wa-e. An-nen-e mondok meme rak kibimin pug-o!

WONARIDNAK WENE 6:27

Nagawan Indo-nen yosolar-e: ”Isarael nap imbiringgat tak onposolat, an nunu it enpem posola-ge, an-nen-e imbiringgat tak inpimin-o” luk yij-o.

YIDNAK YIDNAK WENE 10:4

Yak tosoloma-ge, ap iri na kwiye min-et erengen kere kererak yik karok woralat-nen aid nap na yak tosolar-e: ”Nap wa-e. No yak nurugun-o?” luk yak tosoloma-ge, aid nap-nen onggo yosolar-e: ”Kat-nen tepan yoso min we wok ondoso min iri-ge Mbal Pem Nagawan-nen wanuruk, yebet keyasu-o.

YIDNAK YIDNAK WENE 3:26

Nde, kit kenmanggim-et nanduk nandug-et Mbal Pem Nagawan-nen at Ndegel Oboso Nap mendak puruk, kit kinmbiringgat tak konposolar-e, kit komondomok meya yogolat woraidnak keya buruk, nden yaga kinpil lobok yekluk, wirik pij-o” luk yij-o.

NGGALATIA 3:14

Mbal Pem Nagawan-nen Abaram urul yak tidnak imbiringgat mende iri-ge Kerisut Yesus ebem-nen enlem nin nap wok unduwakluk, nit-nen na ninndi angin tubu yidnak pem Mbal Pem Nagawan-nen urul pidnak Konak Indi wanuwakluk, Kerisut-e imbiri lamut agaid irir-o.

NGGALATIA 3:29

Alat nde, kit nde Kerisut arengge ala-ge, kit na Abaram-nen wigarak-net yili me, Mbal Pem Nagawan urul pidnak iri na wanurak nap-nen yili-o.

EPESUS 1:3

Nenagawan Indo Yesus Kerisut eid Mbal Pem Nagawan erembel wanuwog-o. Nir-e Kerisut ebem-nen Mbal Pem Nagawan-nen aid arem woraso we wok nundurak mende oboksa-ge wok nindij-o.