NDAWI ENGGA 115:1 - Nanduk Ngget Tul Pidnak Wene

¹ Nit kek tak nunpurag-e lag-o. Nagawan Indo wa-e. Nit kek tak nunpurag-e lag-o. Kar-e pempa tugup lak nenabuwa kaso me, mondok kat nak kek tak kuburag-o.

NDAWI ENGGA 115:1 ပူးပေါင်းရင်းမြစ်များ

NDAWI ENGGA 138:2

Kar-e tugup lak pempa nenabuwa kaso me, an nanggul-e kat kuwi ambigit ndimirik puruk, tud luk, kat kunu kek tak pusu-o. Kat-nen-e ap-nen yebet keyali iri-ge marik tak puruk, kat-nen kwat unpurak urul yak indidnak wene-ge kar-e mondok nggok tak poso-o.

NDAWI ENGGA 96:8

At unu abinal worak iri nak kek tak uburag-o. At amanggim purak mende-ge at ama waruk lobok yurag-o.

YESKIEL 36:22

Iri bem-e, Nagawan Indo Mondok Kek tak an-nen Isarael nap yak undusu wene yu yak indi-o: An-nen abok kwarimin iri-ge kit kenabuwa-nen kwarimin pug-o. Isarael nap wa-e. Kit mbiridnak sa-ge an nunu marak iri na-ge kit-nen emben to rak pili iri bem-nen ndowaga kwarimin-o.

YESKIEL 36:32

Isarael nap wa-e. Kenaru wolmer-o. Kit kenabuwa-nen ereba oboksa kwarimin-e lag-o. Kir-e mondok kenpage iri-nen ndowaga kinnggiri kagolat, mondok wandu yurag-o. An-e Nagawan Indo Mondok Kek tak iri-nen yigi-o” luk yij-o.

NDANIEL 9:19

Nagawan Indo wa-e. Nenne kuli-o. Nagawan Indo wa-e. Nit meya yidnak kamberam tak pi-o. Nagawan Indo wa-e. Kwara lombot nunpuruk, ndag-et nak kwat ninpi-o! Nde, Yerusalem min kat kilirak min iri-ge kat kondomok karengge me, ap oboksa-nen enaru yogolar-e, kar-e ndemeret Mbal Pem Nagawan-net yusu-o yuwakluk, ndag-et nak yongga nindi-o!” luk tepan yigi-o.

MIKA 7:20

Nanduk kwat nunpurak urul nonmborak yak indigen iri na ndak ndag-et kat-nen tugup lak kwat onposo min kat-nen kundugu enabuwa kaso min iri na-ge kat kilirak Abarakam min Yakup min-nen wigarak irit mirik nunpugun-o.

YOANES 1:17

Nagawan Indo-nen ”Iri nggal kwarurag-o” luk yidnak wene-ge Musa-nen yak nindij-et nde, we wok ondoso elem min ndemeret wene elem min-e Yesus Kerisut ebem-nen nam tak pij-o.

EPESUS 1:6

Mbal Pem Nagawan-nen we wok ondoso elem abinal worak iri bem na, at Ambara abuwa worak iri na ebem—nen we wok nindid iri bem na at erembel wanuwog-o.

YOSUA 7:9

Nde, Kanaan nap min yu me nap oboksa min-nen wene yu kulurug-e, lop lop nunduwarik, mondok oboksa nunduwa-o. Iri ala-ge, kat kunu kek tak purak pem-e kar-e no kwarugun-o?” luk yak tij-o.