NDAWI ENGGA 112:9 - Nanduk Ngget Tul Pidnak Wene

⁹ At arengge-ge we irit insilobulo lak nap tembesa wok undusu-o. Ar-e pempa konak nak kwarosolat me, at nak mondok kek tak obogolat wolma-o.

NDAWI ENGGA 112:9 ပူးပေါင်းရင်းမြစ်များ

NDAWI ENGGA 111:3

Nagawan Indo-nen kwaroso iri-ge nggok erembel wanurak-nen yusu-o. At-nen mot mot kwaroso-ge pem irit woralik nalik woraso-nen yusu-o.

NDAWI ENGGA 112:3

It enma lombok insilobulo worak irit woragolat, mondok ndak irit wolma-o. Konak enalen pem nak woralik nalik wolma-o.

AID WENE YOSO NAP 11:6

Kat-nen uwi pil kasolar-e, kuplila min-et kubu min-et pil kasolat wolmin-o. Ngge-nen nde konak mburuwa iri-ge nir-e nenaru buk me, nit-nen pil kul-e misik umbuk yosolat, misiget nak-nen mburuwa, lak? Are, mberensa-net mburuwa? Iri-ge nenaru bug-o.

AID WENE YOSO NAP 3:6

Mbal Pem Nagawan-net wat tak posolar-e, kudtak tarem min kagit lak tarem min ndok wosa purak tarem min ondoro rak purak tarem min

YESAYA 32:8

Alat nde, ap indi ngarak konak-nen-e konak nag-et yebet karuk, kwarosolat na konak iri na-t kwaroso-o.

YESAYA 58:10

Kit-nen-e nera woragwi nab-e nunggwi mende mak ondogolat, nde, anggun panggun arem woragwi nab-e yongga ondogolat, iri kwarugup nde ala-ge, ndamuk kit kendam worasu ereba-ge mondok lengge nggal yaya kwat ma-o.

YESAYA 58:7

Kit-nen idnak nunggwi mende-ge ap nere worali nab-e tembesa wok undurag-o. Ap unuwi na lak, enlengen ma na lak nab-e kenma rak onpogolat, ap unsum lak nab-e sum yirik onpogolat, kondomok keneyabi minggirik-nen ’Yongga nundurag-o’ yogola-ge, enne-t kulurag-o.

MATIUS 6:4

Kit-nen yi mende ndi mende wok ondogolar-e, mondok kurasa wok undurag-o. Iri kwarugup pem-e, kura ma-nen kwarugwi kaso Kineid-nen keneyaruk onggo wok kunduwa-o.”

MARAKUS 14:7

Insilobulo lak nab-e kit kinmin pempa worali-o. It yongga undurak peragolug-e, yongga ondogolat woragub-o. Alat nde, an-e pempa kit kinmin woramin-e lag-o.

LUKAS 11:41

Alat nde, kit kinidmbe min kin piring min arem worasu irit ap insilobulo lak nab-e wok undurag-o. Nde, iri nggal kwarogola-ge, kit kenambigir-e marak irit kwat ma-o.

LUKAS 12:33

Kit kinsilobulo onggo wanurug-e onggo wok kindidnag-e insilobulo lak nap tembesa wok ender-o. Konkot manik ndelep yoso buk yaguruk, kinsilobulo lak yurak puk sa aid arem pogolat wolmer-o. Nde, aid arem pidnak me-ge, yariya wanugwi nap-nen yariya wanogolat, sil-nen mbarosolat yoso buk sa me, lag-e ma bug-o.

LUKAS 16:9

Yurug-e Yesus-nen yosolar-e: ”An yak kendeyeg-o. Nggweyak ma mende yu-nen-e kanggamirak momtak nap indi yangoner-o. Iri ala-ge, nggweyak ma mende na lak ma-t nde, unlug-et pem wolmomtak sa-nen wok kunpuwa-o.

LUKAS 18:22

Iri yosoloma kulurug-e, Yesus-nen at yak tosolar-e: ”Kat-nen mondok kwarurak mende misiget mbi keya bigen-o. Kat karengge pidsa onggo wanosoluk, onggo wanidnak tengge na insilobulo lak nap tembesa wok undugunmu-ge, an nimin ni-o. Iri yugundik pem-e aid arem-nen silobulo kwarat winde yugun-o” luk yak tij-o.

YOANES 13:29

Yuras iri-ge it ontol tena woraso nap me, it erep inndi-nen peragolar-e: ”Yesus-nen-e nunggwi mende nggulok sagili yu amanggim nunggwi mende mbi onggo pil mburuwakluk-nen yak tusu, lak?” Are, ”Insilobulo lak nap tol erep tembesa wok unduwakluk-nen yusu, lak?” luk peraiga-o.)

YIDNAK YIDNAK WENE 20:35

Nde, namawi min-et yabu wanosolat woragi iri-ge nir-e yabu iri nggal wanogolat-nen ap ndeyak mondok yongga undurag-o luk mirik kinpigi-o. Nde, Yesus at ondomok-nen yosolar-e: ’Wanugwi iri-ge marig-et nde, ap wok undugwi iri-ge mondok imbiringgat-nen yusu-o’ luk yidnak iri-ge iri kwarogolat-nen yeberak wulmul-o” luk yak indij-o.

YIDNAK YIDNAK WENE 4:35

wirik inpidnak nap na ininggem pogolat woraiga-o. Pogola-ge, tol ereba na-ge tol lak nap tembesa wok ondogolat woraiga-o.

OROMA 12:13

Inndi angin tubu yidnak nap-nen ukwe peraidnak mende-ge yongga ondogolat wolmer-o. Ap sal na kinndi mbek tak pem-et kinmin tak unpuruk kenma rak enper-o.

2 KORINTUS 8:9

Nit Nagawan Indo Yesus Kerisut-nen we wok ondoso elem iri-ge kir-e kenaru nar-o: At isilobulo kwarat worag-et nde, kit kenmanggim-nen isilobulo lak nap agaij-o. Iri agaid iri-ge at isilobulo lak yidnak pem-nen kit kinsilobulo kwarat winde rak kenpeyekluk-nen iri yij-o.

TUGURUK YIDNAK WENE 24:13

Alat nde, o nde ndamuk yosola-ge, yutluk nene yik tenak wolmakluk, wok til mbererenak wolmomtag-o. Kat-nen iri kwarosola, wa yak korosola-ge, Nagawan Indo Kembal Pem Nagawan-nen-e alen kebem puwa-o.

1 TIMOTIUS 6:18

”Kir-e konak nak kwarogolat, konak nak kwarurak nggok tak pogolat, kinndi konak woragolat, kenarengge ap tembet ondogolat wolmer-o” luk nggomo indi-o.

IBERANI 13:16

Nde, kir-e konak nak kwarogolat, yongga yongga wolmomtak iri-ge meme rak purak pug-o. Iri kwarugwi iri-ge, Mbal Pem Nagawan alen tak pogolat, amanggim wam wosa pugwi nggal-nen yusu-o.

IBERANI 6:10

Nde, Mbal Pem Nagawan-e mborok tak kwaroso-ge lag-o. At-nen-e kit-nen wanigep yabu iri meme rak posolat, kit-nen at abuwa kagolar-e, mbek tak inpidnak nap kwara yongga indigep min yawo na yongga indili min ar-e meme rak puwa bug-o.

NAM PARA WENE 22:11

Meya nak kwarugwi nab-e meya nak kwat tenak wolmag-o. Kopkap tobok tak mende kwarugwi nab-e ondomok kopkap toboksa wanogolat wolmag-o. Mbal Pem Nagawan indi-n pidnak nak kwarugwi nab-e Mbal Pem Nagawan indi-n pidnak nak kwarogolat wolmag-o. Nde, Mbal Pem Nagawan amanggim nak lenak woragwi nab-e Mbal Pem Nagawan amanggim lenak nak wolmag-o” luk yak nirij-o.

1 SEMUEL 2:1

Ana-nen tepan yosolar-e: ”Nagawan Indo-nen an nindi alen tak pij-o. Ndemeret Mbal Pem Nagawan-nen an yongga niridnak me, nalen min-et nuwim nap pesel unpusu-o.

1 SEMUEL 2:30

Isarael nap Kenmbal Pem Nagawan, Nagawan Indo an-nen nanduk urul yak kondosolar-e: ’Kenlem nap min konowe konowot min-e tepan ombo nggal an ndegel nobogolat woralik nalik irit woragub-o’ yak kindigi-t nde, yawo-ge iri kwarurak iri na-ge an-e mondok nisili-o! Are, an kek tak nubuwa nab-e kek tak inpimin-o. Nde, an teberak nubuwa nab-e an-nen na teberag-et inpimin-o.