NDAWI ENGGA 112:4 - Nanduk Ngget Tul Pidnak Wene

⁴ Mot mot kwarugwi nap min ndak ndak kwarugwi nap min unpud kagwi nap min enabuwa kagwi nap min enambigir-e ndamuk arem-net nde, yaya abinal-e enpem poso-o.

NDAWI ENGGA 112:4 ပူးပေါင်းရင်းမြစ်များ

NDAWI ENGGA 116:5

Nagawan Indo iri-ge enabuwa kasolat, ndemeret mot mot kwaroso-net yusu-o. Nit Nenmbal Pem Nagawan iri-ge enabuwa kaso elem-nen yusu-o.

NDAWI ENGGA 145:17

Nagawan Indo-nen kwaroso mende oboksa bem-e mot mot nak kwarosolat, at-nen kwaroso mende oboksa bem na enabuwa bem-et kwaroso-o.

NDAWI ENGGA 37:6

At-nen-e kit-nen tugup lak woragwi-ge yaya nggal nam tak posolat, nde, kinndi-net mot mot kwarugwi-ge lengge nggal nam tak posolat kwaruwa-o.

YESAYA 50:10

Kit Nagawan Indo kek tak pogolat, at ndegel oboso nap-nen yidnak wene kologolat kwatli nap wa-e. Tula kit-nen mbitli iri-ge mondok yaya lak, ndamuk nggwe nde mbitli nde ma-o. Alat nde, Nagawan Indo ebem kinndi angin tubu yogolat, Kenmbal Pem Nagawan ebem nak wat tak puruk wolmer-o.

YESAYA 58:10

Kit-nen-e nera woragwi nab-e nunggwi mende mak ondogolat, nde, anggun panggun arem woragwi nab-e yongga ondogolat, iri kwarugup nde ala-ge, ndamuk kit kendam worasu ereba-ge mondok lengge nggal yaya kwat ma-o.

YESAYA 58:8

Iri kwarogola-ge, o kil posola yaya pusu iri nggal yaya rak konposolat, kit-nen idnak ud ereba na ndag-et nak ambut yosolat, an-e pempa kinmiri yosolat kinmin irit woramin-o. An nggetlel kunpuruk woralar-e, mondok kinminep leget wa kunpuruk woramin-o.

MALEAKI 4:2

Alat nde, kit an-nen yidnak yidnak kwarugwi nap kenmanggim-e kinmiri yurak namawi-ge molengen yeberak pil wasolat nggal yimbirik konposolat, eyaya-nen-e ki rak kunpuwa-o. Iri yosola, kir-e sapi amarik ngget nderak o ma-nen mbepme nak posola, alen kaso ereba na nggal wisirik kenalen pem woragub-o.

LUKAS 6:36

Kit kineid-nen ap inmin indi op yoso iri nggal-et kit-nen na kinndi ob-et wolmomtag-o” luk yij-o.

YOANES 12:46

Nde, an nebem inndi angin tubu yuwa nap-nen-e ndamuk pem wolma naru, an-e nggweyak ma yu me yaya nggal-et lobok yigi-o.

EPESUS 4:32

Are, kit na kit-net nanggau kanggau yogolat, kinndi yanggorak wolmer-o. Mbal Pem Nagawan-nen Kerisut ebem kit meya yidnak amberam tak puruk urugom tak kinpid nggal, iri nggal-et kit na kit-net meya rak kinpidnak ala-ge, ”Ob-o. Ereba mag-o” luk yanggosa keya burag-o.

EPESUS 5:15

Iri bem-e, kit-nen kwarogolat woragwi mende-ge kinndi kwara mbenarogolat wolmer-o. Wid-nen kwarugwi nggal kwarurak pug-o. Are, inndi nggat nggat worak-nen kwarugwi nggal kwarogolat wolmer-o.

EPESUS 5:9

Yaya iri-nen engen utlud posolar-e, konak nak kwarugwi elem min lud tak nak woragwi elem min ndemeret wene min irit pusu-o.

1 YOANES 2:29

Nde, Kerisut na-ge lud tak nak kwaroso-nen yusu-o luk, kenaru nar-o. Iri bem-e, lud tak nak kwatli nap pidsa-ge Mbal Pem Nagawan ilirak-nen yili-o luk kenaru mer-o.

1 YOANES 3:10

Yu-ge Mbal Pem Nagawan ilirak-nen yili-o luk yenggerak pogolat, yu-ge Sere ilirak-nen yili-o luk yenggerak pogolat yurag-e yu bem-nen yenggerak purag-o. Ta-nen nde lud tak nak kwarigit lak, anggamirak enabuwa kaso buk ala-ge, iri-ge Mbal Pem Nagawan ambara-ge lag-o luk yenggerak purag-o.

1 YOANES 3:7

Nilirak wa-e. Ap-nen konmbol pem lujwakluk nggeyok nak yurak pug-o. Kerisut-e lud tak nak kwaroso me, ta-nen nde lud tak kwaroso-lar-e, Kerisut nggal mot mot-net yusu-o.