NDAWI ENGGA 112:1 - Nanduk Ngget Tul Pidnak Wene

¹ Nagawan Indo-nen ”Iri nggal kwarurag-o” yidnak ereba na bem inndi kundugu woragolat, at indi aye worak worali nab-e enalen kagolat wolmag-o.

NDAWI ENGGA 112:1 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 18:3

Iri ala karug-e, Nagawan Akap-nen-e Obaja at eram lobok yuwakluk, wene mbo ibij-o. (Nde, Obaja iri-ge mondok ndemeret ndemeret Nagawan Indo erembel wanoso irit woragij-o. Nagawan woraso sa iri me-nen enanggulwak nggal-e Obaja irit woragij-o.

NDAWI ENGGA 111:1

An-e at ilirak ndok worak ennggendumu-nen nindi ebis-et-nen Nagawan Indo nak wiwa-o yak timin-o.

NDAWI ENGGA 111:10

Ta-nen nde indi nggat nggat worak kwat momtak perasolar-e, Nagawan Indo nak kek tak uburag-o. At iri-ge at-nen yidnak yidnak kwarugwi nap oboksa inndi tenggerak paga wok ondoso-nen yusu-o. Mondok pem irit woragolat Nagawan Indo nak kek tak pogolat wolmomtag-o!

NDAWI ENGGA 119:143

An-e anggun panggun arem worasolat, nindi kabak yusu-t nde, kat-nen pidnak wene iri-nen-e an nindi alen tak posolat worasu-o.

NDAWI ENGGA 119:97

An-e kat-nen idnak imiri mbarak pidnak wene iri na nindi kundik woralar-e, pempi pempa kat-nen idnak imiri mbarak pidnak wene iri na-ge mbenat tenak worasu-o.

NDAWI ENGGA 145:19

At-nen-e at indi aye worak worali nap inndi alen tak onposolat, at-nen it enne mbo bil laidnak kuluruk, inmiri yosolat kwaroso-o.

NDAWI ENGGA 150:1

Nagawan Indo nak erembel wanurag-o! Mbal Pem Nagawan uwi marak iri na me-nen at nak erembel wanurag-o. At amawi-ge mbal pem teram-nen at nak erembel wanurag-o!

NDAWI ENGGA 40:8

’Mbal Pem Nagawan wa-e. Kat kindi-n pidnak kwarurak iri-ge an-e nindingen-o. Kat-nen idnak imiri mbarak pidnak wene-ge an narem pukmu-o’ luk mbarak worasu-o” yigi-o.

YESAYA 50:10

Kit Nagawan Indo kek tak pogolat, at ndegel oboso nap-nen yidnak wene kologolat kwatli nap wa-e. Tula kit-nen mbitli iri-ge mondok yaya lak, ndamuk nggwe nde mbitli nde ma-o. Alat nde, Nagawan Indo ebem kinndi angin tubu yogolat, Kenmbal Pem Nagawan ebem nak wat tak puruk wolmer-o.

LUKAS 1:50

Nagawan Indo-nen at aye worak nap pidsa unpud kasolar-e, ap tap nanduk lud, abok lud irit unpud kaso-o.

OROMA 7:22

Nde, an nindi arem-nen-e Mbal Pem Nagawan-nen idnak imiri mbarak pidnak wene wanurag-e nindingen-et nde,

OROMA 8:6

Ki nap-nen kwarugwi mende-t yebet kali iri-ge wat yugwi-nen yusu-o. Nde, Konak Indi-nen kwaroso mende-t yebet kali iri-ge unlug-et woragwi elem min yamuksa woragwi elem min-nen yusu-o.