NDAWI ENGGA 111:5 - Nanduk Ngget Tul Pidnak Wene

⁵ At iri-ge at-nen ”Kwat kinpimin-o” luk urul pidnak ereba na pempa indi yeberak woralat, at indi aye worak woragwi nab-e nunggwi mende mak ondosolat woraso-o.

NDAWI ENGGA 111:5 ပူးပေါင်းရင်းမြစ်များ

NEMIA 1:5

Tepan yosolar-e: ”Nagawan Indo Mbal Pem Nagawan aid arem tena woraso wa-e. Kar-e Mbal Pem Nagawan kek tak me, inndi kwiye min-et keram wok yugwi-o. Kar-e kat kabuwa kagwi nap min kat-nen enpem pidnak kwarugwi nap min inmin-e ’Irit kwat kinpimin-o’ luk urul pidnag-e mborok tak poso buk-nen yusu-o.

NDAWI ENGGA 105:8

Ar-e at-nen ”Irit kwarimin-o” luk urul pidnak wene-ge pempa indi yeberak wolma-o. At-nen urul pidnak wene-ge pem irit wolma-o.

NDAWI ENGGA 33:18

Nagawan Indo-nen-e at indi aye worak woragwi nap, ”Nenabuwa-t yuwa-o” luk inndi ebem mbung mbung tak woragwi nab-et kwara yik eneyarok woraso-o.

NDAWI ENGGA 33:19

It iri-ge wat yugwi inggiyapma-nen Nagawan Indo-nen inmiri yoso-o. At-nen nogoro bem unluk tak posolat woraso-o.

NDAWI ENGGA 37:3

Kir-e kinndi-ge Nagawan Indo ebem wat tak puruk, konak nak kwarogolat wolmer-o. Kir-e o nggweyak iri na me woragolat, tugup lak irit wolmer-o.

NDAWI ENGGA 89:34

An-nen ’Kwat kibimin-o’ luk urul yak tigi iri na-ge mondok nden kamin pug-o. An-nen urul yak tigi-ge misiger-o luk mondok nggibik tak pimin pug-o.

YESAYA 33:16

Kit-nen nde iri kwarogola-ge, kinmiri mbarak, konak irit woragub-o. Pak arem ngenwama woragwi nggal woragolat, nunggwi mende min yi min abu lud tak ma nak woragub-o.

NDANIEL 9:4

Iri yosolar-e, an nelem nap-nen meya kwarugwi ereba na-ge para Nagawan Indo Nembal Pem Nagawan yak tigi-o. Iri yosolat, an-nen yosolar-e: ”Nagawan Indo kar-e mondok nggok ala karuk, nir-e kat nak kek tak kibili-o. Kat-nen ’Kwat kinpimin-o’ luk urul yak indidnak ereba na-ge ndak ndag-et kwat onposolat, kat kabuwa kagolat, kat-nen it enpem pidnak ereba na ndak ndak kwarogolat yugwi nab-e kat-nen-e pempa enabuwa kaso-o.

LUKAS 1:72

Kit kenlawingga unpud kasolat, konak wene tul paga yak indigi na ndak tak pimin-o’ luk yij-o.

LUKAS 12:30

(Iri mende pidsa-ge enlem nin nap-nen perak kore yugwi-o.) Nde, kit Kineid-nen-e kit nen ukwe pidnak mende pidsa-ge aru worasu-o.