NDAWI ENGGA 111:10 - Nanduk Ngget Tul Pidnak Wene

¹⁰ Ta-nen nde indi nggat nggat worak kwat momtak perasolar-e, Nagawan Indo nak kek tak uburag-o. At iri-ge at-nen yidnak yidnak kwarugwi nap oboksa inndi tenggerak paga wok ondoso-nen yusu-o. Mondok pem irit woragolat Nagawan Indo nak kek tak pogolat wolmomtag-o!

NDAWI ENGGA 111:10 ပူးပေါင်းရင်းမြစ်များ

NDAWI ENGGA 1:3

yi eyak pem yagidnak e misik yabosoma, engen poso tarem-net e na engen poso-o, angga na lera mboso buk e nggal-nen yili-o. It-nen kwarugwi mende iri-ge pidsa konak nak kwatli-o.

NDAWI ENGGA 145:2

An-e pempa kat nak wiwa-o yak korosolat, kat nak kerembel wanosolat pem irit woramin-o.

NGGOMO WENE 1:7

Enaru yugwi mende enaru yurak pem-e mondok nanduk tak posolar-e, mondok tebe luk Mbal Pem Nagawan indi aye worak irit wolmomtag-o. Nde, ap wid-nen-e inndi nggat nggat elem iri na-ge nggok tak pigit lak, it mul undurak na insili yugwi-o.

NGGOMO WENE 3:4

Iri kwarosola-ge, Mbal Pem Nagawan-nen na irit, ki nap-nen na irit indingen tak kobogolat, kek tak kobogolat ma-o.

TEPAN OMBO-NEN KWARURAK WENE 19:14

Kir-e ap eneyanggo lak imbiri lamut tak unpurak pug-o. Ap enlengen lak enabuwok unuwok abis wudsa mberak unpurak kerep purak pug-o. An-e Nagawan Indo Kenmbal Pem Nagawan-et me, an kek tak nobogolat, naye worak wolmer-o.

MATIUS 25:21

Yosoloma-ge, at eid-nen at yak tosolar-e: ’Ndegel noboso nap konak mot mot nak kwaroso wa-e. Ob-et kwarigen-o. Kat-nen-e tol marik iri na bem mot mot nak kwarigendik me, nggulok mende nde kinggem pimin-o. Kat keid an nalen pem woraso yu me ngguwasug-o’ luk yak tij-o.

MATIUS 25:23

Yosoloma-ge, at eid na-nen at yak tosolar-e: ’Ndegel noboso nap konak mot mot nak kwaroso wa-e. Ob-et kwarigen-o. Kat-nen-e tol marik iri na bem mot mot nak kwarigendik me, nggulok mende nde kinggem pimin-o. Kat keid an nalen pem woraso yu me ngguwasug-o’ luk yak tij-o.

YOANES 12:43

Nde, ki nap-nen it unnu kek tak purak nak nggok tak pogolar-e, Mbal Pem Nagawan-nen it unnu kek tak purag-e marik tak piga-o.

YOANES 13:17

Nde, kit-nen nde wene ya kenaru luk, kwarugup ala-ge, kir-e kenalen worak yugub-o.

YOANES 5:44

Nde, kit-nen-e: ’Mbal Pem Nagawan misiget nak iri-nen an kek tak nubuwa-o’ perali bug-o. Are, ki nap-nen kek tak kunpurak pem, kit na kit-net kentembel wok kerak mbili me, kir-e nggerak puruk-nen kinndi angin tubu yugub-o?

OROMA 2:29

Are, it inndi-ret Yawuri yidnak nab-e ndemeret Yawuri nap-nen yusu-o. Nde, ndemeret iniye ambasap wabidnak iri-ge Mbal Pem Nagawan Indi-nen it enarem yabu wanosola, inndi ambasap wabidnak iri-net yusu-o. Nde, iri-ge imiri mbarak pidnak wene-nen kwaridnag-e lag-o. Mbal Pem Nagawan Indi-nen kwaridnak-nen yusu-o. Iri kwat ibidnak nap erembel wanogolar-e, ki nap-nen wanuwa-ge lag-o. Mbal Pem Nagawan-net at erembel wanuwa-o.

OROMA 2:7

Ap erep-nen-e konak mende nak kwarogolar-e, Mbal Pem Nagawan unu nak kek tak purak nak kore yogolat, at erembel wanurak nak kore yogolat, pem-et wolmomtak nak kore yili nab-e Mbal Pem Nagawan-nen unlug-et pem-et woralik nalik wolmomtak elem wok unduwa-o.

1 KORINTUS 4:5

Iri nggal kwarak me, Nagawan Indo lobok yurak awo worasola kagit, kir-e awo ma-nen ap enpem wene mbarurak pug-o. Nagawan Indo lobok yosolar-e, ndamuk arem kura woraso na nam tak posolat, ap inndi arem-nen yimndidnak mende na nam tak puruk, nuk kujwa-o. Iri tarem-e, Mbal Pem Nagawan-nen ap oboksa enarik tak entembel wanuwa-o.

2 KORINTUS 4:17

Nde, yawo luru nenpem mbusu andi bandi mende te iri-nen-e woralik nalik momtak kek tak mende terak minik irit kwarak nunpusu-o.

TUGURUK YIDNAK WENE 4:6

Mondok mot mot nak pempa kwat tenak wolmer-o. Kit-nen nde iri kwarogola-ge, kit kinndi nggat nggat elem iri-ge ap enlem nin nap nan nap enaru ma-o. Nde, erem nin nap-nen imiri mbarak pidnak wene kit-nen tena worali iri na obok kulurug-e, it-nen yogolar-e: ’It ap enlem nggok iri-ge inndi nggat nggat worak enaru yidnag-e mondok ijar-o!’ luk yuwa-o.

1 PETERUS 1:7

Nde, kinndi ngaruwa iri-ge kit-nen ndemeret Nagawan Indo ebem kinndi angin tubu yigep, lak? luk kinndi kasolat-nen kinndi-t ngaruwa-o. Lak momtak mende emas posid iri perak nde abut mbaruwokluk kan ma pugwi-o. Nde, emas posid iri-ge onggo nggulok pugwi mende-t nde, marik-nen yusu-o. Nde, kit kinndi angin tubu yidnak iri perak nggulok-nen yusu me, tugup lak wolmakluk mondok kinndi ngaruwa-o. Iri lug-e, Yesus Kerisut lobok yuwa tarem-nen-e kentembel wanogolat, kunnu kek tak pogolat, nggok tak konpogolat ma-o.

NAM PARA WENE 22:14

It unsum masa ngget tak pili nab-e unluk wolmomtak e iri na engen nonggolat, o siri iri nggogolar-e, kerep pak tumende nggwe nggogolat yurag-e it nak-net yili me, enalen kujwag-o.