NDAWI ENGGA 110:6 - Nanduk Ngget Tul Pidnak Wene

⁶ At-nen-e ap enlem oboksa enpem wene mbenarosolar-e, lak tak unpuwama, it ontogwag-e lirin lirin mburuwa-o. Nggweyak ma yu me worali nagawan nagawan oboksa lak tak unpuwa-o.

NDAWI ENGGA 110:6 ပူးပေါင်းရင်းမြစ်များ

NDAK WIRIDNAK WENE 3:15

Kat min kwe iri min-e kuri worak woragolat, at-nen wigarak min kat-nen wigarak min-e pempa wim mbarak woragolat, at-nen wigarak-nen kat kanggulwak tugud tak posola-ge, kat-nen-e it unuwok nggut yilik pugun-o” yak tij-o.

YESAYA 11:3

At indingen-e Nagawan Indo-nen yidnak yidnak kwarurak nak nggok tak poso-o. At-nen ap enpem wene mbenarosolar-e, at-nen yik kaso bem na irit, ap-nen yidnak pem nak na irit, ndag-et nak enpem wene mbaroso bug-o.

YESAYA 2:4

At-nen-e ap enlem oboksa ennggendumu enpem wene mbenarosolat, ap enne lombok ennggendumu wene nggaruksa mbarosolat kwaruwa-o. Nde, wim pugwi eneyalawi-ge nden kaga yabu wanugwi kagweyap tak puwa-o. Nde, it wim pugwi posid wuru-ge kabo tusuangge mbarugwi rak puwa-o. Ap enlem erep-nen-e ap enlem erep inmin wim puwa bug-o. Iri-nen wim nggurak pem lid lud tak puwa bug-o.

YESAYA 42:1

Nagawan Indo-nen yosolar-e: ”An ndegel noboso nap an-nen tena buruk woraso, an-nen lenak pigi, an nalen tak poso-ge yu-o. At-nen-e ap enlem oboksa mot mot kwarugwi wene yak indil mburuwakluk, an-nen an nindi at ebem pukmu-o.

YESAYA 42:4

Ar-e indi kabak yigit lak, tugup lak iri-net at-nen mot mot kwaroso elem iri na-ge nggweyakma yu me nggok tak puwa-o. O erepma nin sa woragwi-nen-e at-nen mul ondoso wene kulurak indingen ma-o” luk yij-o.

YESAYA 66:24

”Nde, it mburukmu-ge, ap an nimin eyak wat tenak woragwi-ge worak iniyujwa-o. Ubugwe it nok unpuwa ereba na-ge mondok war-e ma bug-o. It kan unpuwa kandug-e mondok nigi yuwa bug-o. Ap oboksa-nen iri yik kagolar-e, mondok kwiye-nen unmunggum linggi yogolat wolma-o” luk yij-o.

MIKA 4:3

Nagawan Indo-nen-e ap enlem oboksa onowene konosolar-e, enmawi worak nagawan misik-nen tenagidnak wi min misik-nen tenagidnak wi min ennggendumu wene konosolar-e, erepma woragwi na irit koroga woragwi na irit onowene konosolat wolma-o. Iri yosola-ge, it-nen-e wim pugwi eneyalawi-ge nden kaga yabu wanugwi kagweyak tak puwa-o. Nde, it wim pugwi posid wuru-ge tusuangge mbarugwi rak puwa-o. Ap enlem erep-nen-e ap enlem erep inmin-e wim puwa bug-o. Iri-nen wim nggurak pem na lid lud tak puwa bug-o.

ABAKUK 3:13

Kar-e kat kilirak wisirik unpurak mborosolat, kat-nen lenak pidnak nagawan imiri yosolat kwareyekluk mborosolat worasu-o. Kat-nen-e meya yugwi nap tu lit eneyaso nab-e wosa mbud tak ibigen-o. At imbirik nugwi nab-e kat-nen pusa lak tak inpigen-o.

YOANES 5:22

Nde, ap enpem wene mbarurak amawi-ge Ambara an ninggem pidnak me, Neid-nen-e ap enpem wene mbarusu bug-o.

NAM PARA WENE 14:20

Anggut engen ereba na-ge o siri ombol nggwe mbepme-nen amburu mbotlosola-ge, amburu mbutlugwi iri me-nen-e yabi-ge yi ebe nggal wasolar-e, yubuktag-e sapi wam ombolwak pem-nen nggweyak ma nggal-o, nde, kuri-ge tiga ratus (300) kilometer irit mbirij-o.

NAM PARA WENE 19:11

Iri luk, an yik kaginggal-e, aid arem tu kuwak yosolar-e, kuda wam loro misik kagi-o. Nde, kuda wam iri ombolwak pem koreyak iri unu-ge Yidnak Yidnag-et Kwaroso, Lud tak Nak Kwaroso irir-o. At iri-nen ap enpem wene mbarosolat na, wim posolat na, mot mor-et kwaroso irir-o.

1 SEMUEL 2:10

Nagawan Indo uwim nab-e yigisa lak tak onposola, kwiye yili-o. It enpem mbal pem-nen ene o nggu nggal yoso-o. Nagawan Indo-nen nggweyakma woragwi nap oboksa enpem wene mbenaruwa-o. At amawi nggok iri na-ge at-nen lenak pid nap nagawan iri na wok tuwa-o” luk yij-o.