NDAWI ENGGA 110:3 - Nanduk Ngget Tul Pidnak Wene

³ Kat-nen kamawi bem lobok yugun tarem-e kat kuwokma woragwi nab-e ondomok inndi-net ndobo marak iri na bem keram lobok yogolar-e, kuplila lilangen nggal ap sujwe-ge kat keram lobok yuwa-o.

NDAWI ENGGA 110:3 ပူးပေါင်းရင်းမြစ်များ

NDAWI ENGGA 96:9

At erembel wanogolat-nen yurugwi sum yutluk, Nagawan Indo erembel waner-o. Yi wi ndi wi woragwi nap oboksa-nen at aye-nen kot kot yogolat wolmer-o!

MIKA 5:6

Nde, Isarael nap erep minggirik ap enlem nin nap ennggendumu wolma ereba-ge Nagawan Indo-nen yidnak enpem yamuk tak poso lilangen nggal, yagidnak mende piri rak poso talme nggal irit ennggendumu wolma-o. Nde, Isarael nap ereba-ge ki nap enpem inndi wat tak wolma bug-o. Nagawan Indo ebem-et inndi wat tak wolma-o.

YIDNAK YIDNAK WENE 1:8

Nde, Konak Indi kit kenpem mbuwasolar-e, amawi rak kunpuwa-o. Konposola-ge, Yerusalem-nen na, Yurea wi oboksa-nen na, Samaria-nen na, ap lak kuri-nen na irit an nowene kunggurugwi nap tugub-o” luk yak indij-o.

YIDNAK YIDNAK WENE 19:20

Iri nggal kwarogolar-e, Nagawan Indo-nen yidnak wene-ge mondok wigak yosolat, mondok amawi yij-o.

YIDNAK YIDNAK WENE 2:33

Iri bem-e, Yesus na Mbal Pem Nagawan inggi kigit nggwe-nen kek tak puruk, Eid-nen obok yak tidnak Konak Indi-ge at wok turuk, tak purug-e, at-nen nit nenpem nggilara pil mbuwasola-ge, kit-nen kagolat, kologolat kwatli yur-o.

YIDNAK YIDNAK WENE 2:41

Yak ondosoloma-ge, at-nen yidnak wene waniga nab-e yi ma inpiga-o. Iri tarem-et it inmin lambinil nggogolar-e, ab-e tigaribu (3,000) nggal yiga-o.

YIDNAK YIDNAK WENE 21:20

Yak ondosoloma, kuluruk yigarig-e, ir-e Mbal Pem Nagawan erembel waniga-o. Wanuruk, it-nen at yak togolar-e: ”Nab-o. Yik ki-o. Yawuri nap ap kwarat-nen inndi angin tubu yogolar-e, it pidsa-nen-e imiri mbarak pidnak wene na-ge kwara parugu worali-o.

YIDNAK YIDNAK WENE 4:4

Alat nde, it-nen yidnak wene kuluruk, inndi angin tubu yiga nab-e ap nag-e lima ribu (5,000) nggal-o.

2 KORINTUS 13:4

At ndeyak yidnak pem e lang pang tak pem wiriga-t nde, Mbal Pem Nagawan amawi bem-nen at uruk worasu-o. Nde, nir-e at imin ndeyag-et worali-t nde, Mbal Pem Nagawan amawi bem-nen kit kenmanggim ala, at totno nunluk wulmul-o.

2 KORINTUS 8:12

Kir-e kenalen min-et pugup ala-ge, Mbal Pem Nagawan-nen kit kininggem woraso mende iri ndak ndak irit wanuwa-o. Nde, enarengge lak kagir-et nde, Mbal Pem Nagawan-nen ”Wok niri-o” luk yoso bug-o.

2 KORINTUS 8:16

Nir-e kit yongga kundurak pem ninndi embem yili nggal, Mbal Pem Nagawan-nen kit yongga kundurak pem Titus na indi embem wok tid iri bem nit Mbal Pem Nagawan wa yak tili-o.

EPESUS 1:4

Nggweyak yu ndak worak pigit lak ma-net nir-e marak nak wolmakluk, at eram-nen-e ”At yu-ge iri nggal meya yoso bug-o” luk yak nunduwakluk, nir-e at arengge rak nunpurak pem Mbal Pem Nagawan–nen-e Kerisut ebem-nen len ninpij-o.

PILIPI 2:13

Nde, Mbal Pem Nagawan-nen kit kenarem eyabu wanosolar-e, at ondomok indi-n pidnak pem-et iri kwarurak kinndi wok kondosolat, iri kwarurak kenmawi wok kondosolat yusu-o.

1 TESALONIKA 4:7

Nir-e mbilaro ngin mende kwaruwakluk-nen Mbal Pem Nagawan-nen wene mbo ninpij-e lag-o. Are, nir-e marak nak wolmakluk-nen wene mbo ninpij-o.

TITUS 2:14

Yesus iri-ge yi meya ndi meya kwarugwi inggem-nen ninmiri yekluk, at ondomok amanggim marak nunpuruk, at elem nap tak nenpeyekluk, ”Konak mende nak kwaruwog-o” yugwi nap tak nenpeyekluk, at-net at ambikpebe iminep nit nenmanggim wesel koragaij-o.

IBERANI 13:21

Yamuksa woragwi elem Mbal Pem Nagawan-nen konak mende oboksa wok kondosola, iri bem-nen Mbal Pem Nagawan indi-n pidnak nak kwarobokluk, ndak tak kunpuwag-o. At indi-n peraidnag-e Yesus Kerisut ebem-nen Mbal Pem Nagawan-nen nit nenarem yabu wanuwag-o. Nde, Yesus Kerisut na-ge kek tak pem-et woralik nalik wolmag-o. Amen.

NAM PARA WENE 7:9

Iri luk, yik kaginggal-e, ap kwarat ndok worak, wanat unpurak mondok meya irit eneyagi-o. It iri na-ge ap enlem oboksa min ap enlem ndomok oboksa min ab-e ap oboksa min ap enne oboksa min ndok worak ereba na-ge nagawan koreyak woraso ondoro na min Lomba Wam Marik na min urugwe nggwe mendak woragolar-e, unsum loro yutluk, mbari angga ininggem tena woraiga-o.

WENE MBENARUGWI NAP-NEN KWARIDNAK WENE 5:2

Isarael nap wim wari-ge wim nggurak wat tak puruk woragolat, nde, it erep na ondomok inndi-net wim timbiril mborogolat kwatli bem-e Nagawan Indo nak erembel wanurag-o!

WENE MBENARUGWI NAP-NEN KWARIDNAK WENE 5:9

Isarael nap san ombo onowe ereba min it erep min nen it ondomok inndi yebet karuk wim nggwili bem-e an-e mondok kwarat kek tak unpusu-o. Nagawan Indo nak erembel wanurag-o!