NDAWI ENGGA 110:2 - Nanduk Ngget Tul Pidnak Wene

² Nagawan Indo-nen-e Sion-nen kat-nen tenakun wi-ge nemena mbo nggok tak posolat-nen yosolar-e: ”Kat-nen-e kuwim nab-e kinggiyapma rak unpuruk woragun-o” yij-o.

NDAWI ENGGA 110:2 ပူးပေါင်းရင်းမြစ်များ

NDAWI ENGGA 72:8

At-nen tenagidnak wi-ge yi koma eyak onpok nggwe-nen ponok nggwe lid tak pil mborosolat, mo luwaso nggwe-nen mo mboso nggwe yemara mbosolat mag-o.

MBIRIGA WENE 7:19

Iri luk, Nagawan Indo-nen Musa yak tosolar-e: ”Arun iri yak ti-o. Wangun iri wanuruk inggi-ge Mesira iri me yi oboksa ambigit min inid mborop ndimiril lobok yidnak ereba min inid ugup ereba min ambigit nuk kujwag-o. Iri yosola-ge, yi oboksa min Mesira nggweyak oboksa min ereba me-ge e-nen konidnak yimbe min nggweyak-nen konidnak yimbe min arem na oboksa eyabi worak ma-o” yij-o.

MBIRIGA WENE 8:5

yuruk, Nagawan Indo-nen Musa yak tosolar-e: ”Arun yak ti-o. Owangun iri yi oboksa ambigit, yi mborop ndimiril lobok yidnak min inid ugup oboksa min ambigit ndimirik puwag-o. Iri yosola, mangge yi ma-nen luwasolat, Mesira uwi oboksa mangge-nen kobong ma-o” yak tij-o.

YESAYA 2:3

Nde, it-nen yogolar-e: ”Isarael Embal Pem Nagawan uwi Nagawan Indo ondobo bem worak iri na me lujwog-o. Mondok nit-nen kwarurak iri-ge at-nen mul nunduwa-o. Mul nondosola-ge, at-nen mul nundusu iri na imbirik nag-et mbururag-o. Nagawan Indo-nen mul ondoso wene iri-ge Yerusalem nak-nen lobok yoso-nen yusu-o. At wene-ge Sion iri me-nen yusu-o” luk yuwa-o.

MIKA 4:2

It oboksa-nen yogolar-e: ”Isarael Embal Pem Nagawan iri na ama lagolar-e, Nagawan Indo ondobo bem lujwog-o! At-nen nit-nen kwarurak wene-ge mul nunduwa-o. Nagawan Indo-nen mul nondoso wene iri-ge Yerusalem-nen lobok yoso me, nir-e at urula nak mborogolat wulmul-o. Sion-nen at-nen-e at ilirak inmin wene yak ondoso-o” luk yuwa-o.

MIKA 7:14

Nagawan Indo wa-e. Kat-nen len inpigen kilirag-e kwara ndegel onposolat wolmin-o. It iri-ge nggweyak amburu worak nggwe yobok tak ma walma ereba worali-o. Nde, it iri-ge nanduk-nen kwariga nggal Mbasan min Nggileat min karu me tusuangge ndumu ereba me-nen nunggwi mende nonggolat wolmakluk keya inpi-o.

OROMA 1:16

Aid wene iri-ge Mbal Pem Nagawan-nen idnak amawi me, ebem inndi angin tubu yidnak nap oboksa inmiri yoso-o. Nandug-er-e Yawuri nap, imbirig-e, enlem nin nap na inmiri yoso ala karuk, an-e aid wene na bem-e ninnggiri mondok kasu bug-o.

1 TESALONIKA 2:13

Nde, wene misik yu bem-nen na nir-e Mbal Pem Nagawan wa-o luk kundugu yak tili-o. Nir-e Mbal Pem Nagawan-nen yidnak wene-ge kit yak kindil lobok yogola-ge, kir-e wene na kuluruk wanogolar-e, ki nap-nen yidnak nggal wanigit lag-o. Are, Mbal Pem Nagawan-nen yidnak wene-o luk wanigep nar-o. Nde, wene iri-ge ndemeret Mbal Pem Nagawan-nen yidnak-nen yusu-o. Nde, Mbal Pem Nagawan-e kit kinndi angin tubu yidnak nap kenarem yabu wanusu-o.

1 PETERUS 1:12

Nde, Mbal Pem Nagawan-nen at ene lomboksa yugwi nap yak indid iri-ge, it ondomok enmanggim yak indigit lag-o, Are, kit kenmanggim-et yak indij-o. Kit yawo kwara kulili Aid Wene iri-ge aid wene yugwi nap-nen-e aid arem-nen mbuwaidnak Konak Indi na amawi bem-nen mul kindiga-o Nde, wene iri-ge aid nap-nen na enaru momtag-e ukwe worag-et worali-o.