NDAWI ENGGA 107:14 - Nanduk Ngget Tul Pidnak Wene

¹⁴ At-nen-e ndamuk mom ndirik arem-nen lesa wok unpuruk, it kamarak inpidnak kere iri na ndela keya bij-o.

NDAWI ENGGA 107:14 ပူးပေါင်းရင်းမြစ်များ

AYUP 19:8

An-nen mbururak tula-ge kerep leget-nen mbeyok tak pidnak me, an-nen kwid turuk mbururag-e meya yusu-o. Nurula marik ereba na at-nen ndamuksa mom ki rak pusu-o.

AYUP 3:5

Iri tarem iri-ge miri tupsa mbeyok tak puruk, lumugumusa mom ndirik tak posolat, mom ki rak pi-o. Nggan nggan-nen muruk tak puruk, mo eyaya-nen eyaya rak puwa naru, nggetla keya bi-o.

NDAWI ENGGA 102:20

Iri kwarusu iri-ge o kubu me worasolat, enarem yip tili nap enne kolosolat, unduwokluk o kubu me inpidnak nap wisirik onposolat yurak pem-nen kwarusu-o.

NDAWI ENGGA 107:10

Ap ereb-e ndamuk mom ndirik arem ereba na woragolar-e, posid kere-nen kamarak o kubu me yane wat tenak woraiga-o.

NDAWI ENGGA 116:16

Nagawan Indo wa-e. An-e kat ndegel koboso nap-nen yusu-o. Niya-nen kwaroso nggal-et an-e ndegel kubusu-o. Kat-nen kere wisirik nibigenma-o.

NDAWI ENGGA 146:7

At iri-ge anggun panggun tak inpili nap enambigit yosolat, enmanggim wene mot mot mbenaroso-nen yusu-o. Nere arem woragwi nab-e nunggwi mende mak ondoso-nen yusu-o.

YESAYA 42:16

An nelem nap enlengen ngguru-ge an-nen ininggi waruk mborosolar-e, it enaru buk tula nggwe-t inmin mbirimin-o. Nde, ndamug-e it enambigir-e an-nen-e yaya rak pimin-o. Nde, tula lalik mbilig-e marengen nggal mot tak pimin-o. It ’Iri nggal kwat inpimin-o’ yigi iri-ge mondok ndemeret kwar-et inpimin-o.

YESAYA 49:9

Nde, an-nen-e o kubu me inpidnak nab-e wesera wirik onposolat, nde, ndamuk arem woragwi nab-e yaya bem inpil mborosolat kwarimin-o. Iri-nen ndobo mondok usu nggwarak pem wolma-t nde, ndak irit woragolat, tula ereba mborogolat na nunggwi mende-ge nil nal nak mburuwa-o.

YESAYA 61:1

Nagawan Indo Mondok Kek tak iri na amawi-ge an nebem worasu-o. Insilobulo lak nap ereba na konak wene yak unduwakluk, at-nen lenak nuburuk, nibil lobok yamu-o. Iri-nen inndi abi kalak woragwi ki yaga wok ondosolat, wim nap-nen tena unpuruk woragwi ereba na ”Ndag-et nak wirik enper-o” luk wene wirik posolat, o kubu me inpidnak nap ereba na-ge ”Kir-e wisirik kunpuwa-o” yak ondosolat kwaruwaklug-et nibil lobok yamu-o.

LUKAS 13:16

Nde, Abaram-nen wigarak kwe yu-ge Sere-nen kamarak puruk olengen delapan belas pem woraidnak yu-ge we woragwi tarem-nen wisirik uburag-e meya-a?” luk yij-o.

YIDNAK YIDNAK WENE 5:19

Alat nde, kubu nggwe-ge Nagawan Indo-nen idnak aid nap mbi lobok yosolar-e, o kubu me tumende ereba na kuwarak puruk, wok unpuruk mbepme mborosolat-nen yak ondosolar-e:

YIDNAK YIDNAK WENE 5:25

Yukmu-ge, ap misik wene waruk lobok yosolar-e: ”Ker-o. O kubu me inpil nggwigep nap na-ge Mbal Pem Nagawan ama-nen men yigarik, ap kwarat nggomo indili-o” luk yij-o.

EPESUS 5:8

Nde, nanduk kir-e ndamuk woraigeb-et nde, yawo-ge Nagawan Indo ebem yaya worali-o. Iri bem-e, yaya ilirak-nen kwarugwi nggal-et kwarogolat wolmer-o.

1 PETERUS 2:9

Alat nde, kir-e len kinpidnak nap elem yogolat, nagawan-nen idnak tepan ombo yogolat, marale elem yogolat, Mbal Pem Nagawan ondomok ilirak yogolat yili-o. Ndamuk arem-nen at eyaya kwiye worak arem nggobokluk, Mbal Pem Nagawan-nen wene mbo kunpuruk, len kinpid iri-ge at-nen kwiye worak kwaroso wene iri na tomborobokluk, wene mbo kinpij-o.