NDAWI ENGGA 107:12 - Nanduk Ngget Tul Pidnak Wene

¹² Yabu angin worak enpem pugwi iri bem-net at-nen inndi abi kalak posola, it mboloksa mbud yogola-ge, yongga indigit lak woraiga-o.

NDAWI ENGGA 107:12 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 6:33

Nde, wene iri na yak ondosoma-ge, nagawan iri na pi iri me wok yosolat-nen yosolar-e: ”Anggun panggun yu-ge Nagawan Indo-nen nenpem pidnak kagit, no amanggim-nen at-nen yongga nunduwa-o luk at ebem

NEMIA 9:37

Nggweyak yu-nen wirik poso mende oboksa-ge enlem nin nap nagawan nagawan o tena woragwi ereba na mondok wok indili iri-ge nit-nen kat kimin meya kwatli iri na onggo-t enmawi worak nagawan ereba-ge kat-nen kilirak tena unpuruk wolmakluk lenak inpigen-o. Nde, it-nen nit tena nunpuruk woragolar-e, nonowam min nit nenpe min kwat nonpogolar-e, we it inndi-n pidnak ereba nak kwat ninpili-o. Iri nggal kwat nonpogolat, nir-e mangonokma nggal woragolat, ninndi puru yogolat, yani yane worogolat worali-o!” luk yiga-o.

NDAWI ENGGA 142:4

An-nen neram lombot posoma-ge, yongga nururak nap na lak, nimiri yurak nap na lak, an inndingen tak nubugwi nap mbi mondok lak eneyasu-o.

NDAWI ENGGA 22:11

An lak tak nuburag-e komo panggo yusu-o. Nde, an yongga nururak nab-e lak me, kar-e an keya nuburak pug-o!

MBIRIGA WENE 2:23

Nde, olengen kwarat woraruk, Mesira nagawan na-ge wat yij-et nde, it Isarael nap na-ge anggun panggun tak onpogola, enarem-nen yip togolat-nen yogolar-e: ”Mbal Pem Nagawan wa-e. Yongga nindi-o” luk yogola, it enne pabok pabok enne iri-ge Mbal Pem Nagawan-nen kulij-o.

YESAYA 52:5

Yawo-ge an-e yu me-ge no kwarimin-o? Mbabel nap-nen-e we ereba-t kamat kunpuruk mbirigarik, it ininggiyapma rak kinpidnak nap-nen-e inndi kek tak pem lel mberel konpogolat, yawo-nen na an-e enlengenma nggal tak nobogolat worali-o.

YESAYA 63:5

An-e yongga nururak onkore yigi-t nde, yongga nururag-e lak nde kagi-o. Nde, an yongga nururak lak ala karuk, an-e wendet yigi-o. Iri ala karuk, an nondomok namawi-net yongga norosolat, nondomok nisilepma-nen an yongga nirij-o.

WENE MBENARUGWI NAP-NEN KWARIDNAK WENE 16:21

Iri yosola-ge, Pilisin nap lobok yogolar-e, tenaguruk erengen kela keya buruk, o Nggasa waruk mbirigarik, posid kere mberen pem kamarak puruk, o kubu me pil ngguruk, yabu-ge nggandum mbato engen mbilarugwi mende kerep iri na ebem pikma engen mbilarosolat woragij-o.

WENE MBENARUGWI NAP-NEN KWARIDNAK WENE 16:30

at-nen ene nggoksa yosolar-e: ”An-e Pilisin nap yeba inmin-et wat yeg-o” yosoluk, o owak undum enggendumu ya na amawi min-et wat kagaidnggal-e, o iri na tud yosolar-e, Pilisin nagawan lima ya na min-et ap kwarat ereba na inmin-et tebel inpij-o. Iri yosolar-e, Simson iri na min-et wat yij-o. Alat nde, Simson uruk woralat-nen ap indij-e mariger-et nde, at wat yosolat iri-nen indij-e mondok terak minik irit indij-o.