NDAWI ENGGA 105:3 - Nanduk Ngget Tul Pidnak Wene

³ At iri-ge Nagawan Indo mondok misiget nak-nen yusu-o. Nir-e at arengge me, nenalin nenalen kagolat wolmog-o. Nagawan Indo erembel wanogolat tebe yili nab-e enalen kagolat wolmag-o.

NDAWI ENGGA 105:3 ပူးပေါင်းရင်းမြစ်များ

NDAWI ENGGA 104:34

At nak-nen nindi alen tak posolat woraso me, an nendawi-nen-e at alen tak posolat wolmag-o.

NDAWI ENGGA 34:2

Nagawan Indo-nen kwarusu bem-e an-e at erembel wanusu-o. Nde, anggun panggun arem woragwi nab-e iri wene kuluruk, enalen kagolat wolmag-o.

NGGOMO WENE 8:17

An-nen-e an nabuwa kali nab-et enabuwa kasu-o. An nogore yili nab-e niyujwar-o.

YESAYA 45:19

An-nen wene yosolar-e, kurak kurak yosolat, mbik mbok kurasa yosolat iri-ge yoso bug-o. An-nen-e nilirak Isarael nab-e we ereba-t nogore yuwakluk, ’Nin nggwe nogore yer-o’ luk yak ondoso bug-o. Nagawan Indo an-nen-e ndemeret nak yak ondosolat, ndemeret wene iri nag-et enaru rak posolat kwaroso-nen yusu-o” luk yij-o.

YESAYA 45:25

Alat nde, Yakup-nen wigarag-e inmiri yosola, it-nen-e Nagawan Indo an nerembel wanuwa-o.

1 KORINTUS 1:29

Iri bem-e, ap misiger-o luk tet Mbal Pem Nagawan imbiri bem at ondomok indi kek tak purag-e meya-o.

1 KORINTUS 1:31

Iri ala-ge, Mbal Pem Nagawan engga mbarak pem-nen yosolar-e: ”Ta-nen nde indi kek tak posolat ala-ge, Nagawan Indo ebem-net indi kek tak puwag-o” luk yij-o.

NGGALATIA 6:14

An perak nde Nenagawan Indo Yesus Kerisut-nen idnak e lang pang tak iri bem nak nindi kek tak pimin-o. E lang pang tak iri-nen nggweyak ma nap-nen kwarugwi inndi-ge namanggim wat yamu-o. Nde, e lang pang tak iri bem-et an na nggweyak ma nap-nen kwarugwi inndi amanggim wat yukmu-o.