NDAWI ENGGA 104:13 - Nanduk Ngget Tul Pidnak Wene

¹³ Kat-nen-e mbal pem-nen talme-ge o ndobo worak sa mberak pil mbuwala, nggweyakma yu me-ge kat kimbiringgat-nen wok ondoso mende-ge kwarat kobong yusu-o.

NDAWI ENGGA 104:13 ပူးပေါင်းရင်းမြစ်များ

AYUP 38:37

Indi nggat nggat worak pem nggan nggan wonaroso luk, nggan nggan iri na nden kaga keya bosola-ge, talme mberak poso-ge ta-o?

NDAWI ENGGA 104:3

Kat kuwi-ge mbal pem teram eid me yi ombolwak pem wirigen-o. Nggan nggan-e kat-nen konggweyak koma nggal tak puruk, o wija isiyamu bem koreluk mburusu-o.

YEREMIA 14:22

Nde, enlem nin nap unkugwiwak-nen-e talme nggweyakma yu me mberak pil mbumomtag-e meya-o. Mbal-nen na at ondomok amawi bem-nen talme mberak pil mbumomtak na meya-o. Nagawan Indo Nenmbal Pem Nagawan wa-e. Nit ninndi-ge kat kebem nak mbung mbung tak worali-o. Ereba oboksa-ge kat nak-nen kwarak posola-nen kwat yusu-o.

AMOS 9:6

Nagawan Indo-nen-e mondok mbal pem teram abu me-ge at uwi wurusu-o. Nggweyak ombol pem-e mbal nggal nenasa keya busu-o. Yi koma yi-ge nggweyak worak nggwe kiril kasu-o. Nde, ereba oboksa kwarusu iri unu-ge Nagawan Indo-o!

MATIUS 5:45

Iri kwarugup pem-e kit kineid aid arem woraso ilirak tugub-o. Kineid iri-nen at omolengen yemberak pil lobok yosolar-e, meya nap enpem na irit, konak nap enpem na irit, poso-o. Nde, talme engen pil mbuwasolar-e, lud tak nak kwarugwi nap enpem na irit, meya nak kwarugwi nap enpem na irit, pil mbuwaso-o.

YIDNAK YIDNAK WENE 14:17

Irit nde, at na at-net nam yaga mirik konposolat-nen konak mende nin tak nan tak wok kondosolar-e, mbal nggwe-nen talme wok kondosolat, ndilagi woragwi tarem na wok kondosolat, nunggwi mende wok kondosolat, kenalen tak konposolat yoso-o” luk yiga-o.