NDAWI ENGGA 103:3 - Nanduk Ngget Tul Pidnak Wene

³ Kat-nen meya kwaroso oboksa at-nen lak tak pusu-o. Kat-nen kugwi kebem mboso oboksa-ge at-nen ki rak kubusu-o.

NDAWI ENGGA 103:3 ပူးပေါင်းရင်းမြစ်များ

2 SEMUEL 12:13

Yosoloma-ge, Ndaut-nen Natan yak tosolar-e: ”Ndemeret an-e Nagawan Indo imbiri bem mondok meya-t kwarigirig-o” luk yij-o. Yosoloma, Natan-nen yosolar-e: ”Nagawan Indo-nen-e kat-nen meya yidnag-e amberam tak pij-o. Kar-e wat yugun pug-o.

NDAWI ENGGA 130:4

Alat nde, kar-e kat kindi aye worak wolmakluk nit meya yidnak kamberam tak poso-nen yusu-o.

NDAWI ENGGA 130:8

At ilirak Isarael nap-nen lugud tak kwarugwi inggem-nen at-nen-e wisirik unpuwa-o.

MBIRIGA WENE 15:26

Nagawan Indo nen yosolar-e: ”Ndemeret kinndi-net an-nen yidnak yidnak kwarogolar-e, an-nen yik kasolat konag-et yik kudtak nak kwarer-o. An-nen ’Irit kwarurag-o’ yak kindidnak imbirik nak mbururag-o. Kit-nen nde irit kwarogola-ge, an-nen Mesira nap enpem mberak pigi kugi ereba mende-ge kenpem mberak pimin pug-o. An-e ki rak konposo Nagawan Indo-nen yusu-o” yij-o.

MBIRIGA WENE 34:7

An-nen enabuwa kasolar-e, ap nderak pem lud kwarat enabuwa yosolat, it meya yidnak nemberam tak inpimin-o. Alat nde, meya lugud tak kwatli nab-e mondok abu abu angin worak enpem posolar-e, ineidtak-nen meya yidnak pem-e at ilirak-nen na, oworak omborak-nen na, ap tap kenan pem ala na, tap empat pem ala na, mondok angin worag-et enpem posolat woramin-o” luk yij-o.

YESAYA 33:24

Nit wulmul sa nennggendumu-nen mbi andi-nen yane mbi worogolat wolma bug-o. Meya kwarugwi oboksa amberam tak puwa-o.

YESAYA 43:25

Iri yogola-t nde, Mbal Pem Nagawan an-net kit meya yidnag-e namberam tak pusu-o. An-e ap meya yidnak namberam tak poso-t me, kit meya yidnag-e namberam tak pusu-o. Kit-nen meya kwarugwi-ge yeberak woramin pug-o.

YESAYA 53:5

Alat nde, ar-e nit-nen meya yidnak pem tege kundugu obogolat, nit-nen meya kwarugwi bem linggamburok worogolat kwariga-o. Nit ninmiri yuwakluk ar-e anggun panggun kagaij-o. At aboro tap yonok lonok mbosolat, mep yolo mbid ereba na-nen-e ki rak ninpij-o.

MARAKUS 2:5

Pil mbogoloma, Yesus-nen it ereya na lik eneyagaidnggal-e, it inndi angin tubu yidnag-e ija-t karug-e, kambung puk tak woraso nap iri yak tosolar-e: ”Nambara wa-e. Kat meya yidnag-e namberam tak pigi-o” luk yak tij-o.

EPESUS 1:7

Kerisut ebem-nen na, at eyabi wirik pidnak pem-nen na nit nonnggo posolat, nit meya yidnak amberam tak posolat yij-o. Mbal Pem Nagawan-nen we wok ondoso elem iri-ge

YAKOBUS 5:15

Nde, inndi angin tubu yogolat-nen tepan yogola-ge, kugi worak nap iri kugi lak tak puruk, Nagawan Indo-nen ki rak puwa-o. Nde, at-nen meya kwaridnak mbi worala-ge, amberam tak puwa-o.