NDAWI ENGGA 103:20 - Nanduk Ngget Tul Pidnak Wene

²⁰ Kit kenmawi worak aid nap at-nen yidnak wene kologolat, kwarogolat yugwi nap wa-e. Nagawan Indo nak erembel waner-o.

NDAWI ENGGA 103:20 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 19:35

Nde, kubu iri na tarem-et Nagawan Indo-nen idnak aid nap lobok yosolar-e, Asiut nap san ombo woragwi sa wok yosolat, san ombo seratus delapan pulu lima ribu (185.000) irit indij-o. Endamu, kub-e werep mberep liring tak irit eneyaiga-o.

NDAWI ENGGA 148:2

At-nen idnak aid nap oboksa wa-e. at nak erembel waner-o! Aid arem woragwi san ombo oboksa wa-e. At nak erembel waner-o!

NDAWI ENGGA 148:5

Ereba oboksa-ge at ene nak-nen yidnak pem ndak wat yidnak me, ereba oboksa-nen Nagawan Indo unu nak kek tak puwag-o!

YESAYA 6:2

Nde, urugup worak ndak worak pidnak mende kan ngen nggal kere kererak ereba-ge at eralu lop lop worak mendak eneyagi-o. Insiyamu-ge enariktak enam worak. Nde, insiyamu mberen-nen-e entare korakolat, insiyamu mberen-nen-e enpe muruk tak pogolat, insiyamu mberen-nen-e pubu mburugwi-o.

NDANIEL 11:1

At iri nak perak Meria Nagawan Ndarius-nen nagawan men yosolat mondog-et o tena buruk woragid olengen iri bem-net an nambigit yosolat, an yongga norosolat yuwakluk yabu ebem pidnak-nen yusu-o.

YOEL 2:11

Nde, Nagawan Indo-nen-e at-nen idnak san ombo ereba na ene o nggu nggal pem-nen ”Yu nggal kwarurak, iri nggal kwarurak” yak undusu-o. At-nen yidnak yidnak kwatli esan ombo-ge enpe na kwarat, mondok enmawi worak irir-o. Nde, Nagawan Indo-nen idnak tarem iri-ge ndemeret mondok ija kwiye worak-nen yusu-o! Ap misiger-o luk mbi mondok mamak puwa bug-o.

MATIUS 26:53

An-nen Neid eram nggi yiginggal-e, wim purak aid nap kere duabelas nggal-e lak, terak minik kwarat ndaget nak an neram pil lobok yelep pug-o luk perasu-a?

MATIUS 6:10

Kat-nen tenagaidnak wi iri lobok yuwag-o. Aid arem-nen kat kindi-n pidnak kwatli nggal, nggweyak ma-nen na irit kwaruwag-o.

LUKAS 1:19

Yosoloma-ge, aid nap na-nen at yak tosolar-e: ”An-e Mbal Pem Nagawan ndegel oboso nap Nggabiriel-nen yusu-o. Mbal Pem Nagawan-nen konak wene yu yak kuruwakluk nibil lobok yamu-o.

IBERANI 1:14

Iri ala-ge, it aid nap iri-ge no mende-nen yili-o? It oboksa-ge Mbal Pem Nagawan ndegel obogolat, Mbal Pem Nagawan-nen urul pidnak inmiri yurak wene iri na wanurak nap yongga unduwakluk wirik onposo indi-nen yili-o.