NDAWI ENGGA 103:17 - Nanduk Ngget Tul Pidnak Wene

¹⁷ Alat nde, Nagawan Indo-ge at aye worak woragwi nap pem irit enabuwa kasolat, at-nen konak nak kwat onposo mende-ge ap pem lud irit pem kundugu kandugu kwat onposolat woraso iri-ge

NDAWI ENGGA 103:17 ပူးပေါင်းရင်းမြစ်များ

NDAWI ENGGA 100:5

Nagawan Indo iri-ge konak-nen yusu-o. At-nen unpud kaso elem-e pem irit unpud kasolat, at-nen mot mot tugup lak woraso elem-e pem irit woraso-o.

NDAWI ENGGA 111:3

Nagawan Indo-nen kwaroso iri-ge nggok erembel wanurak-nen yusu-o. At-nen mot mot kwaroso-ge pem irit woralik nalik woraso-nen yusu-o.

NDAWI ENGGA 118:1

Nagawan Indo iri-ge konak, at-nen enabuwa kaso iri-ge mondok pem irit enabuwa kaso me, at nak wiwa-o yak turag-o.

NDAWI ENGGA 22:31

It-nen-e abok ndesa mbuwa nap ereba na yak ondogolar-e: ”Nagawan Indo-nen at ilirag-e inmiri yamu-o” luk yak unduwa-o.

NDAWI ENGGA 90:16

Kat-nen kwaroso-ge nit kat ndegel kubugwi nap mirik ninpi-o. Nde, kat kabinal-e nit-nen nderak mirik inpi-o.

MBIRIGA WENE 20:6

Alat nde, an nubud kagolat, an-nen yidnak yidnak kwarogolat kwatli nap iri na-ge an-nen enabuwa kaso elem iri na mirik onposolar-e, tabun pem lud, lila bem lud, ap tap wonarurak puk irit enabuwa kasolat woramin-o.

YESAYA 41:8

Alat nde, an ndegel nubugwi nap, an-nen len kinpidnak nap Isarael kir-e an nenggam Abarakam-nen wigarak-nen yili-o.

YESAYA 46:13

Kit wisirik kunpurak tarem-e panggo rak pigirik me, kit kinmiri yurak pem-e mondok pemsa woramin pug-o. An-nen-e Yerusalem imiri yosolat, Isarael nap kek tak onposolat kwarimin-o” luk yij-o. 47:1–48:22 Pasal 47 iri arem-e Mbabel lak tak purak yidnak ndawi mbarak worasu-o. Nde, Pasal 48 iri arem-e Mbal Pem Nagawan-nen-e at ilirak inmiri yidnak wene ndindera mbaridnak worasu-o.

YEREMIA 31:3

an-e erepma-net nde, inmbiri bem nam yukmu-o. Isarael nap wa-e. O nanduk-net an-e kit kenabuwa kaso me, an-e kenabuwa kaso elem mirik konposolar-e, pem irit kenabuwa kasolat woramin-o.

NDANIEL 9:24

Olengen tuju kali tuju pulu ereya worarug-e, Mbal Pem Nagawan-nen kat kelem nap min kuwi siri marak iri min-e yi meya ndi meya kwarugwi min meya kwarugwi elem min arem-nen wesera keya unpurak irit wat tak pidnak worasu-o. Nde, yi meya ndi meya oboksa amberam tak posolat, pempa lud tak mot mot kwarugwi nak nggok tak puwa-o. Iri kwat yosola-ge, kat-nen nabi bem nggal kaigen iri na min ebe-ge iri nggal-nen yusu-o luk yidnak min-e ndak ndak irit kwat ma-o. Iri yosolar-e, Nagawan Indo uwi marak iri na-ge tuguruk Nagawan Indo erembel wanugwi rak puwa-o.

MIKA 6:5

Nilirak wa-e. Moap nagawan Mbalak-nen kit kwat kunpurak yemnak puruk worala, Mbeyot ambara Mbileyam-nen-e wene onggo yak tid iri na kinndi yebet ker-o. Kit lobok yogolat tu ndumu kit woraigen sa o Sitim wok, Nggilnggal wok, ereya lobok yogolat kwat yidnak ereba na mbi kinndi yebet ker-o. Kit-nen nde ereba kwat kinpigi ereba na oboksa yebet kagolat nggal-nen-e an-nen kinmiri yosolat kwat kinpigi ereba-ge ’O! Iri nggal kwat ninpigen-o!’ luk yebet kudtag-et nde yili-o” luk yak indij-o.

OROMA 1:17

Aid wene na-nen-e Mbal Pem Nagawan-nen at ondomok imin ap mot tak onposo wene iri nam tak pij-o. Mot tak onposolar-e, it inndi angin tubu yidnak kuri-net woroksiyem-e inndi angin tubu yidnak pem nak wolma nab-e Mbal Pem Nagawan engga mbarak pem-nen yosolar-e: ”Inndi angin tubu yidnak pem Mbal Pem Nagawan-nen lud tak nak inpidnak nab-e unlug-et wolma-o” luk yid iri nggal-nen yusu-o.

OROMA 15:8

Iri bem-e, yu yosolat-nen yigi-o: Kerisut-e Yawuri nap ndegel onposo nap kwat yid iri-ge, Mbal Pem Nagawan-e lud tak nak kwaroso-o mul ondosolat, Mbal Pem Nagawan-nen nit nenlawingga urul paga yak indidnak wene na ndak tak posolat-nen yij-o.

TUGURUK YIDNAK WENE 10:15

Alat nde, Nagawan Indo-nen-e kit konmborak enabuwa kwarat karug-e, yi ap ndi ap ennggendumu-nen kir-et len kinpij-o. Iri yid na-ge kir-et at elem nap lenak irit yawo na worali-o.

2 TIMOTIUS 1:9

Mbal Pem Nagawan-nen-e nit ninmiri yosolat, at-nen idnak nap makluk wene mbo nonposolat kwarid iri-ge nit-nen kwaridnak pem-e lag-o. Alat nde, at indi-n peraruk, at-nen we wok ondoso bem-net kwat ninpij-o. Nde, we wok ondoso elem iri-ge o awo ndak wirigit lak ma-net Kerisut Yesus ebem wok nindij-o.

2 PETERUS 1:1

Yesus Kerisut ndegel oboso nap, at-nen wirik nibidnak nap, Simon Peterus an-nen-e. Nenmbal Pem Nagawan min Ninmiri Yoso Yesus Kerisut min-nen-e lud tak nak kwaroso elem na bem-e kit kinndi angin tubu yuwakluk wok kondosolar-e, kit kinndi angin tubu yigep iri-ge nit ninndi angin tubu yige iri na nggal-et iminep mbarak irit wok kindid nap kenmanggim engga yu mbarusu-o.