NDAWI ENGGA 103:10 - Nanduk Ngget Tul Pidnak Wene

¹⁰ At-nen nit nenpem angin worak posolar-e, nit-nen kwaridnak ndak ndag-et nenpem poso bug-o. Iri-nen nit-nen meya kwaridnak onggo posolat na, nit-nen kwaridnak, nit-nen lugud tak kwarugwi ndak ndag-e poso bug-o.

NDAWI ENGGA 103:10 ပူးပေါင်းရင်းမြစ်များ

ESERA 9:13

Nenmbal Pem Nagawan wa-e. Nir-e kat-nen idnak imiri mbarak pidnak wene iri na kwid togolat, meya kwarogola-ge, kat-nen-e onggo angin worak nenpem pigen-o. Nit meya kwarat kwarige ndak ndag-et angin worak mende nggog-et nenpem purag-et nde, kat-nen angin worak nenpem pigen iri-ge we te-t nenpem pigen-o. Nenpe na yawo ninmiri yigen-o. Iri kwat ninpigen iri-ge nir-e nenaru-o.

NEMIA 9:31

Alat nde, kat-nen mondok kwarat unpud kaso iri na-nen ndowaga, kat-nen-e abu abu keya onposolat, mondok lak tak onposolat kwarigit lag-o. Mbal Pem Nagawan kar-e erep min ndak wururag-e meya-o. Kat-nen enabuwa kaso elem nggok iri bem-net kwara unpud kaso-o!

NDAWI ENGGA 130:3

Nagawan Indo wa-e. Kat-nen nde nit-nen lugud tak kwarugwi nde kindi yeberak worasolar-e, ta nggal nde ebem wene mbarigit lak yugun-o?

ABAKUK 3:2

Nagawan Indo wa-e. Kat-nen kwaroso wene-ge kuligi-o. Kolosolar-e, an narem-e kwiye wok yij-o. Nde, kat-nen kwiye worak kwarigen iri-ge tuguruk nit worali tarem ya kwari-o. Kar-e kisilepma yosolar-et nde, nenabuwa yi-o.